КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2009-жылдын 22-декабры № 797

Кыргыз Республикасынын Өкмөтүнүн айрым чечимдерине өзгөртүүлөрдү жана толуктоолорду киргизүү жөнүндө

Мамлекеттик мүлктү сарамжалдуу жана натыйжалуу пайдалануу жана Кыргыз Республикасынын Өкмөтүнүн айрым чечимдерин Кыргыз Республикасынын мыйзамдарына ылайык келтирүү максатында Кыргыз Республикасынын Өкмөтү

ТОКТОМ КЫЛАТ:

1. Мамлекеттик органдар, мамлекеттик ишканалар, мекемелер жана уюмдар кыймылсыз мүлктү жана автотранспорт каражаттарын Кыргыз Республикасынын Мамлекеттик мүлк министрлигинин макулдашуусу боюнча сатып алышсын.

2. "Кыргыз Республикасынын Мамлекеттик мүлк министрлиги жөнүндө" Кыргыз Республикасынын Өкмөтүнүн 2009-жылдын 29-октябрындагы № 668 токтому менен бекитилген Кыргыз Республикасынын Мамлекеттик мүлк министрлиги жөнүндө жобого төмөнкүдөй өзгөртүү киргизилсин:

3-главанын 8-пункту төмөнкүдөй мазмундагы абзац менен толукталсын:

"квартал сайын Кыргыз Республикасынын Өкмөтүнүн Аппаратын маалымдоо менен мамлекеттик бийлик органдарына, мамлекеттик ишканаларга, мекемелерге жана уюмдарга кыймылсыз мүлктү жана автотранспорт каражаттарын сатып алууга уруксат берүү.".

3. "Кыргыз Республикасынын министрликтеринде, мамлекеттик комитеттеринде, администрациялык ведомстволорунда жана аткаруу бийлигинин башка органдарында кызматтык жеңил автомашиналарды пайдаланууну тартипке келтирүү боюнча чаралар жөнүндө" Кыргыз Республикасынын Өкмөтүнүн 2007-жылдын 20-апрелиндеги № 137 токтомуна төмөнкүдөй өзгөртүү киргизилсин:

- 3-пункттун бешинчи абзацындагы "Кыргыз Республикасынын Өкмөтүнүн буйругу боюнча" деген сөздөр "квартал сайын Кыргыз Республикасынын Өкмөтүнүн Аппаратына маалымат берүү менен белгиленген тартипте Кыргыз Республикасынын Мамлекеттик мүлк министрлигинин жана Кыргыз Республикасынын Финансы министрлигинин макулдугу боюнча" деген сөздөргө алмаштырылсын.

4. "Кыргыз Республикасында кызматтык автотранспортту пайдаланууну тартипке келтирүү боюнча андан аркы чаралар жөнүндө" Кыргыз Республикасынын Өкмөтүнүн 2004-жылдын 17-августундагы № 618 токтомуна төмөнкүдөй өзгөртүүлөр жана толуктоолор киргизилсин:

- 3-пункттун төртүнчү абзацындагы "Кыргыз Республикасынын Өкмөтүнүн уруксаты менен жана белгиленген тартипте" деген сөздөр "квартал сайын Кыргыз Республикасынын Өкмөтүнүн Аппаратына маалымат берүү менен белгиленген тартипте Кыргыз Республикасынын Мамлекеттик мүлк министрлигинин жана Кыргыз Республикасынын Финансы министрлигинин макулдугу боюнча" деген сөздөргө алмаштырылсын.

5. Мамлекеттик органдар, мамлекеттик ишканалар, мекемелер жана уюмдар өзүнүн жоболорун ушул токтомго ылайык келтиришсин.

6. Бул токтомдун аткарылышын контролдоо Кыргыз Республикасынын Мамлекеттик мүлк министрлигине жүктөлсүн.