КЫРГЫЗ РЕСПУБЛИКАСЫНЫН ЖОГОРКУ КЕҢЕШИНИН ТОКТОМУ

2023-жылдын 21-июну № 1297-VII

"Кыргыз Республикасынын Сот адилеттиги иштери боюнча кеңеши жөнүндө" Кыргыз Республикасынын конституциялык Мыйзамына өзгөртүүлөрдү киргизүү тууралуу" Кыргыз Республикасынын конституциялык Мыйзамынын долбоорун биринчи окууда кабыл алуу жөнүндө

Кыргыз Республикасынын Жогорку Кеңеши токтом кылат:

1. Кыргыз Республикасынын Жогорку Кеңешинин депутаттары Таалайбек кызы Ж., М.А.Абдалиев, Ч.И.Ажибаев, Н.О.Сыдыгалиев, У.З.Ормонов, Э.Т.Токтошев, Ы.Ы.Атажанов, А.Т.Эрбаев, А.А.Айдарова, М.А.Маматалиев, Т.Т.Мамытов, Э.К.Кокулов, Т.А.Масабиров, В.К.Раимбачаева, К.К.Сулайманов, И.А.Масалиев, Н.Я.Алимжанова, Д.А.Джумабеков, А.Т.Маткеримов, Коргонбай уулу Ж., А.Б.Кенжебаев, Ж.П.Нурбаев, Ө.М.Бакиров, М.О.Темирбаева, М.М.Мураталиев, Н.А.Азыгалиев, С.А.Омурзаков, К.А.Талиева, Г.О.Култаева, Г.С.Молдобекова, Ж.К.Акаев, Дж.К.Исаева, З.Д.Мамасадыков тарабынан демилгеленген "Кыргыз Республикасынын Сот адилеттиги иштери боюнча кеңеши жөнүндө" Кыргыз Республикасынын конституциялык Мыйзамына өзгөртүүлөрдү киргизүү тууралуу" Кыргыз Республикасынын конституциялык Мыйзамынын долбоору биринчи окууда кабыл алынсын.

2. Мыйзам чыгаруу демилгесинин субъекттери Кыргыз Республикасынын Жогорку Кеңешинин Конституциялык мыйзамдар, мамлекеттик түзүлүш, сот-укук маселелери жана Жогорку Кеңештин Регламенти боюнча комитетине жана бир эле мезгилде Кыргыз Республикасынын Жогорку Кеңешинин Аппаратынын эксперттик кызматтарына жогоруда көрсөтүлгөн конституциялык мыйзам долбооруна карата жазуу жүзүндөгү өздөрүнүн сунуштарын жана түзөтүүлөрүн алардын негиздемелери менен 10 жумуш күндүн ичинде жиберсин.

3. Кыргыз Республикасынын Жогорку Кеңешинин Конституциялык мыйзамдар, мамлекеттик түзүлүш, сот-укук маселелери жана Жогорку Кеңештин Регламенти боюнча комитети келип түшкөн жазуу жүзүндөгү сунуштарды, түзөтүүлөрдү эске алуу менен жогоруда көрсөтүлгөн конституциялык мыйзам долбоорун толуктап иштеп чыксын жана экинчи окууда кароо үчүн Кыргыз Республикасынын Жогорку Кеңешине киргизсин.