КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2010-жылдын 15-январы № 12

Кыргыз Республикасынын Өкмөтүнүн 2009-жылдын 29-октябрындагы № 668 "Кыргыз Республикасынын Мамлекеттик мүлк министрлиги жөнүндө" токтомуна өзгөртүүлөрдү жана толуктоолорду киргизүү тууралуу

(КР Өкмөтүнүн 2010-жылдын 9-мартындагы №140 токтомунун редакциясына ылайык)

Мамлекеттик менчикти натыйжалуу башкаруу жаатындагы бирдиктүү мамлекеттик саясатты жүргүзүү, мамлекеттик мүлктү пайдаланууну контролдоону жана эсепке алууну күчөтүү максатында Кыргыз Республикасынын Өкмөтү токтом кылат:

1. Кыргыз Республикасынын Өкмөтүнүн 2009-жылдын 29-октябрындагы № 668 "Кыргыз Республикасынын Мамлекеттик мүлк министрлиги жөнүндө" токтому менен бекитилген Кыргыз Республикасынын Мамлекеттик мүлк министрлиги жөнүндө жобонун 12-пункту төмөнкүдөй мазмундагы абзацтар менен толукталсын:

"- кыймылдуу жана кыймылсыз мүлктү ыкчам башкарууга жана чарбалык карамагына берүү боюнча чечим кабыл алуу;

- Бишкек шаарында жайгашкан мамлекеттик имараттарга жана жайларга Кыргыз Республикасынын Президентинин Иш башкармасынын сунушу боюнча мамлекеттик органдарды, мекемелерди, уюмдарды жана ишканаларды жайгаштыруу жөнүндө чечим кабыл алуу;

- республиканын башка региондорунда жайгашкан мамлекеттик имараттарга жана жайларга министрликтердин, ведомстволордун жана облустук мамлекеттик администрациялардын сунушу боюнча мамлекеттик органдарды, мекемелерди, уюмдарды жана ишканаларды жайгаштыруу жөнүндө чечим кабыл алуу;

- кыймылдуу жана кыймылсыз мамлекеттик мүлктү алмаштырууну жүргүзүү боюнча чечимдерди кабыл алуу. Эгерде мамлекеттик эмес менчиктеги мүлктүн наркы мамлекеттик мүлктүн наркынан кымбат болсо, анда алмашуу боюнча чечим Кыргыз Республикасынын Өкмөтү тарабынан кабыл алынат.".

2. Кыргыз Республикасынын Өкмөтүнүн 2009-жылдын 29-октябрындагы № 668 "Кыргыз Республикасынын Мамлекеттик мүлк министрлиги жөнүндө" токтому менен бекитилген Кыргыз Республикасынын Мамлекеттик мүлк министрлиги жөнүндө жобонун 14-пункту төмөнкүдөй мазмундагы абзацтар менен толукталсын:

"- кыймылдуу жана кыймылсыз мүлктү ыкчам башкарууга жана чарбалык карамагына берүү боюнча чечим кабыл алуу;

- Бишкек шаарында жайгашкан мамлекеттик имараттарга жана жайларга Кыргыз Республикасынын Президентинин Иш башкармасынын сунушу боюнча мамлекеттик органдарды, мекемелерди, уюмдарды жана ишканаларды жайгаштыруу жөнүндө чечим кабыл алуу;

- республиканын башка региондорунда жайгашкан мамлекеттик имараттарга жана жайларга министрликтердин, ведомстволордун жана облустук мамлекеттик администрациялардын сунушу боюнча мамлекеттик органдарды, мекемелерди, уюмдарды жана ишканаларды жайгаштыруу жөнүндө чечим кабыл алуу;

- кыймылдуу жана кыймылсыз мамлекеттик мүлктү алмаштырууну жүргүзүү боюнча чечимдерди кабыл алуу. Эгерде мамлекеттик эмес менчиктеги мүлктүн наркы мамлекеттик мүлктүн наркынан кымбат болсо, анда алмашуу боюнча чечим Кыргыз Республикасынын Өкмөтү тарабынан кабыл алынат;

- транспорт каражаттарын сатып алууга макулдук берүү.".

3. Кыргыз Республикасынын Өкмөтүнүн 2007-жылдын 20-апрелиндеги N 137 "Кыргыз Республикасынын Өкмөтүнө караштуу министрликтерди, мамлекеттик комитеттердеги, Кыргыз Республикасынын администрациялык ведомстволорундагы жана аткаруу бийлигинин башка органдарындагы кызматтык жеңил автомашиналарды пайдаланууну тартипке келтирүү боюнча чаралар жөнүндө" токтомуна төмөнкүдөй өзгөртүү киргизилсин:

- 2-пункттун жетинчи абзацы алып салынсын.

(КР Өкмөтүнүн 2010-жылдын 9-мартындагы №140 токтомунун редакциясына ылайык)

4. Бул токтомдун аткарылышын контролдоо Кыргыз Республикасынын Мамлекеттик мүлк министрлигине жүктөлсүн.