КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2009-жылдын 8-майы N 284

Кыргыз Республикасы менен Россия Федерациясынын ортосундагы Аскердик-техникалык кызматташтык боюнча биргелешкен комиссиянын кыргыз бөлүгүн бекитүү жөнүндө

(КР Өкмөтүнүн 2010-жылдын 27-августундагы N 179, 2012-жылдын 30-октябрындагы N 753, 2016-жылдын 27-апрелиндеги № 217 токтомдорунун редакцияларына ылайык)

1999-жылдын 25-августундагы Кыргыз Республикасынын Өкмөтү менен Россия Федерациясынын Өкмөтүнүн ортосундагы Аскердик-техникалык кызматташтык жөнүндө макулдашууга ылайык Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасы менен Россия Федерациясынын ортосундагы Аскердик-техникалык кызматташтык боюнча биргелешкен комиссиянын кыргыз бөлүгүнүн курамы тиркемеге ылайык бекитилсин.

(КР Өкмөтүнүн 2012-жылдын 30-октябрындагы N 753 токтомунун редакциясына ылайык)

2. Кыргыз Республикасынын Өкмөтү менен Россия Федерациясынын Өкмөтүнүн ортосундагы эки тараптуу аскердик-техникалык кызматташуу маселелерин кароо Биргелешкен комиссиянын кыргыз бөлүгүнүн негизги функциясы катары аныкталсын.

3. Биргелешкен комиссиянын кыргыз бөлүгүнүн төрагасына алардын компетенциясына кирген маселелерди чечүү үчүн республиканын министрликтеринин, мамлекеттик комитеттеринин, администрациялык ведомстволорунун, ишканалардын жана уюмдардын жетекчилерин жана адистерин белгиленген тартипте ишке тартууга укук берилсин.

4. Төмөнкүлөр күчүн жоготту деп табылсын:

- Кыргыз Республикасынын Өкмөтүнүн 2007-жылдын 17-августундагы N 341 "Кыргыз Республикасы менен Россия Федерациясынын ортосундагы Аскердик-техникалык кызматташтык боюнча биргелешкен комиссиянын кыргыз бөлүгүн бекитүү жөнүндө" токтому;

- Кыргыз Республикасынын Өкмөтүнүн 2008-жылдын 28-мартындагы N 110 "Кыргыз Республикасы менен Россия Федерациясынын ортосундагы Аскердик-техникалык кызматташтык боюнча биргелешкен комиссиянын кыргыз бөлүгүн бекитүү жөнүндө" Кыргыз Республикасынын Өкмөтүнүн 2007-жылдын 17-августундагы N 341 токтомуна өзгөртүүлөрдү киргизүү тууралуу" токтому;

- Кыргыз Республикасынын Өкмөтүнүн 2008-жылдын 2-декабрындагы N 666 "Кыргыз Республикасы менен Россия Федерациясынын ортосундагы Аскердик-техникалык кызматташтык боюнча биргелешкен комиссиянын кыргыз бөлүгүн бекитүү жөнүндө" Кыргыз Республикасынын Өкмөтүнүн 2007-жылдын 17-августундагы N 341 токтомуна өзгөртүүлөрдү киргизүү тууралуу" токтому.

Коллективдүү коопсуздук жөнүндө келишим уюмунун аскердик-экономикалык комиссиясынын кыргыз бөлүгүнүн КУРАМЫ

(КР Өкмөтүнүн 2012-жылдын 30-октябрындагы N 753, 2016-жылдын 27-апрелиндеги № 217 токтомдорунун редакцияларына ылайык)

Кыргыз Республикасынын энергетика жана өнөр жай министри, комиссиянын төрагасы;

Кыргыз Республикасынын Куралдуу Күчтөрдүн Генералдык штабынын начальнигинин биринчи орун басары (макулдашуу боюнча), комиссиянын төрагасынын орун басары;

Кыргыз Республикасынын тышкы иштер министринин орун басары, комиссиянын төрагасынын орун басары;

Кыргыз Республикасынын Энергетика жана өнөр жай министрлигинин машина куруу, металлургия жана курулуш материалдары бөлүмүнүн башчысы, комиссиянын жооптуу катчысы.

Комиссия мүчөлөрү:

Кыргыз Республикасынын транспорт жана коммуникациялар министринин орун басары;

Кыргыз Республикасынын өзгөчө кырдаалдар министринин орун басары;

Кыргыз Республикасынын энергетика жана өнөр жай министринин орун басары;

Кыргыз Республикасынын Өкмөтүнө караштуу Интеллектуалдык менчик жана инновациялар мамлекеттик кызматынын төрагасынын орун басары;

Кыргыз Республикасынын Тышкы иштер министрлигинин Эл аралык экономикалык кызматташтык департаментинин кеңешчиси;

Кыргыз Республикасынын Ички иштер министрлигинин Ички аскеринин командачысынын орун басары;

Кыргыз Республикасынын Мамлекеттик чек ара кызматынын төрагасынын орун басары;

Кыргыз Республикасынын Өкмөтүнө караштуу Мамлекеттик бажы кызматынын төрагасынын орун басары;

Кыргыз Республикасынын Өкмөтүнө караштуу Мамлекеттик салык кызматынын төрагасынын орун басары;

Кыргыз Республикасынын өзгөчө кырдаалдар министринин орун басары Жарандык коргонуу башкы башкармасынын начальниги;

Кыргыз Республикасынын Финансы министрлигинин мамлекеттик аппараттын чыгымдарын пландоо башкармасынын коргоо, укуктук тартип бөлүмүнүн башчысы;

Кыргыз Республикасынын Куралдуу Күчтөрдүн Генералдык штабынын башчысынын орун басары" жана "Кыргыз Республикасынын Куралдуу Күчтөрүнүн эл аралык аскердик кызматташтык башкармалыгынын начальниги (макулдашуу боюнча).