КР Өкмөтүнүн 2011-жылдын 25-февралындагы №76 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2010-жылдын 25-марты №166

"Бишкек шаарында 2008-жылдын 10-июнунда кол коюлган, Кыргыз Республикасынын Өкмөтү менен Бириккен Улуттар Уюмунун Адам укугу боюнча Башкы комиссарынын башкармалыгынын ортосундагы Борбордук Азия үчүн Региондук бөлүмчө түзүү жөнүндө макулдашууну ратификациялоо тууралуу" Кыргыз Республикасынын Мыйзам долбоору жөнүндө

Ички мамлекеттик жол-жоболорду аткаруу максатында, "Кыргыз Республикасынын эл аралык келишимдери жөнүндө" жана "Кыргыз Республикасынын ченемдик укуктук актылары жөнүндө" Кыргыз Республикасынын мыйзамдарына ылайык Кыргыз Республикасынын Өкмөтү

ТОКТОМ КЫЛАТ:

1. "Бишкек шаарында 2008-жылдын 10-июнунда кол коюлган, Кыргыз Республикасынын Өкмөтү менен Бириккен Улуттар Уюмунун Адам укугу боюнча Башкы комиссарынын башкармалыгынын ортосундагы Борбордук Азия үчүн Региондук бөлүмчө түзүү жөнүндө макулдашууну ратификациялоо тууралуу" Кыргыз Республикасынын Мыйзам долбоору жактырылсын.

2. Бул мыйзам долбоору Кыргыз Республикасынын Жогорку Кеңешине кароого жиберилсин.

3. Кыргыз Республикасынын мамлекеттик тышкы иштер министри (макулдашуу боюнча) аталган мыйзам долбоору Кыргыз Республикасынын Жогорку Кеңешинде каралган учурда Кыргыз Республикасынын Өкмөтүнүн расмий өкүлү болуп дайындалсын.

Долбоор

КЫРГЫЗ РЕСПУБЛИКАСЫНЫН МЫЙЗАМЫ Бишкек шаарында 2008-жылдын 10-июнунда кол коюлган, Кыргыз Республикасынын Өкмөтү менен Бириккен Улуттар Уюмунун Адам укугу боюнча Башкы комиссарынын башкармалыгынын ортосундагы Борбордук Азия үчүн Региондук бөлүмчө түзүү жөнүндө макулдашууну ратификациялоо тууралуу

1-берене.

Бишкек шаарында 2008-жылдын 10-июнунда кол коюлган, Кыргыз Республикасынын Өкмөтү менен Бириккен Улуттар Уюмунун Адам укугу боюнча Башкы комиссарынын башкармалыгынын ортосундагы Борбордук Азия үчүн Региондук бвлүмчө түзүү жөнүндө макулдашуу ратификациялансын.

2-берене.

Кыргыз Республикасынын Мамлекеттик тышкы иштер министрлиги аталган Макулдашуу күчүнө кириши үчүн зарыл болгон ички мамлекеттик жол-жоболордун аткарылгандыгы жөнүндө Бириккен Улуттар Уюмунун Адам укугу боюнча Башкы комиссарынын башкармалыгына кабарласын.

3-берене.

Бул Мыйзам расмий жарыяланган күндөн баштап күчүнө кирет.