КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2010-жылдын 3-августундагы №146

«АзияУниверсалБанк» ачык акционердик коому жөнүндө

Банк жана төлөө системаларынын стабилдүүлүгүн камсыздоо, коомдо социалдык чыңалууну болтурбоо, «АзияУниверсалБанк» ачык акционердик коомунун (мындан ары - «АзияУниверсалБанк» ААК) аманатчыларынын жана кредиторлорунун кызыкчылыгы үчүн активдердин сакталышы максатында Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Улуттук банкына мыйзамда белгиленген тартипте «АзияУниверсалБанк» ААКны реструктуралоо методу менен атайын администрациялоо процедурасына демилге көтөрүү сунушталсын.

2. Кыргыз Республикасынын Убактылуу Өкмөтүнүн 2010-жылдын 20-июнундагы №94 «АзияУниверсалБанк» ачык акционердик коомун реабилитациялоо планын бекитүү жөнүндө» токтому күчүн жоготту деп эсептелсин.

3. Бул токтомдун аткарылышын контролдоо Кыргыз Республикасынын Президентинин Администрациясынын финансы жана кредиттик саясат бөлүмүнө тапшырылсын.

4. Бул токтом расмий жарыяланган күндөн баштап күчүнө кирет.