КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2010-жылдын 6-сентябрындагы №192

Мамлекеттин менчигине айланган товарларды максаттуу пайдалануу жөнүндө

«Кыргыз Республикасынын Бажы кодексинин талаптарын жүзөгө ашыруу боюнча чаралар жөнүндө» Кыргыз Республикасынын Өкмөтүнүн 2004-жылдын 28-декабрындагы № 961 токтому менен бекитилген бажы режимдерин колдонуу боюнча Нускаманын 200-пунктуна ылайык Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнө караштуу Мамлекеттик бажы кызматы Кыргыз Республикасындагы Түрк Республикасынын Элчилиги тарабынан Кыргыз Республикасына алынып келинген жана № 9800/08/150710/776 бажылык жүк декларациясы боюнча мамлекеттин пайдасына баш тартуу менен бажылык режимде жол-жоболоштурулган, 1992-жылы чыгарылган, кыймылдаткычынын № 10398712003006, шассисинин № WDВ46322817090551 «Мерседес-Бенц G-300» маркасындагы автомашинаны белгиленген тартипте баланска алсын.

2. Кыргыз Республикасынын Финансы министрлиги аталган мүлктүн баасын республикалык бюджеттин киреше бөлүгүнө эсепке алсын.

3. Ушул токтом кол коюлган күндөн баштап күчүнө кирет.