КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2010-жылдын 14-октябрындагы №246

Кыргыз Республикасынын Өкмөтүнүн 2010-жылдын 9-июлундагы № 122  «2010-жылы айыл чарба өсүмдүктөрүнүн түшүмүн өз убагында жана уюшкандыкта жыйноо боюнча айыл чарба товар өндүрүүчүлөрүнө мамлекеттик колдоо көрсөтүү жөнүндө» токтомуна толуктоо киргизүү тууралуу

«Кыргыз Республикасынын Өкмөтү жөнүндө» Кыргыз Республикасынын конституциялык Мыйзамына жана «Темир жол транспорту жөнүндө» Кыргыз Республикасынын Мыйзамына ылайык, 2010-жылы кант кызылчасынын түшүмүн өз учурунда жыйноону жана кайра иштетүүнү камсыз кылуу максатында Кыргыз Республикасынын Өкмөтү токтом кылат:

1. Кыргыз Республикасынын Өкмөтүнүн 2010-жылдын 9-июлундагы № 122 «2010-жылы айыл чарба өсүмдүктөрүнүн түшүмүн өз убагында жана уюшкандыкта жыйноо боюнча айыл чарба товар өндүрүүчүлөрүнө мамлекеттик колдоо көрсөтүү жөнүндө» токтомуна төмөнкүдөй толуктоо киргизилсин:

8-пункт төмөнкү мазмундагы төртүнчү абзац менен толукталсын:

«- 2010-жылдын 15-октябрынан 2010-жылдын 31-декабрына чейинки мезгилге кант кызылчасын кызылча пунктунан «Кайыңды-Кант» ачык акционердик коомунун кант заводунда аны кайра иштетүүчү жерге чейин жана кызылча өстүрүүчүлөр менен эсептешүү үчүн арналган кумшекерди кант заводунан кызылча пунктуна чейин ташууда темир жол тарифин 20 процентке сезондук азайтуу белгиленсин.».

2. Бул токтом расмий жарыяланган күндөн тартып күчүнө кирет.