КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2011-жылдын 27-майы № 259

Кыргыз Республикасынын Өкмөтүнүн айрым чечимдерине өзгөртүүлөрдү киргизүү жөнүндө

Кыргыз Республикасында автомототранспорт каражаттарды тариздөө жана мамлекеттик каттоо жол-жоболорун оптималдаштыруу жана кайталоолорду болтурбоо максатында Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2003-жылдын 15-февралындагы № 65 "Автомототранспорт каражаттарын жана алардын чиркегичтерин Кыргыз Республикасынын Өкмөтүнө караштуу Мамлекеттик каттоо кызматында каттоо эрежелерин бекитүү жөнүндө" токтомуна төмөнкүдөй өзгөртүүлөр киргизилсин:

- Автомототранспорт каражаттарын жана алардын чиркегичтерин Кыргыз Республикасынын Өкмөтүнө караштуу Мамлекеттик каттоо кызматында каттоо эрежелеринде:

- 14-пункттагы "бажы күбөлүгү" деген сөздөр "бажылык кириштөө ордери же жүктүн бажы декларациясы" деген сөздөргө алмаштырылсын;

- 67-пункттун экинчи абзацындагы "бажылык күбөлүк тиркелет" деген сөздөр "бажы документтери тиркелет" деген сөздөргө алмаштырылсын.

2. Кыргыз Республикасынын Өкмөтүнүн 2004-жылдын 31-декабрындагы № 976 "Кыргыз Республикасынын мамлекеттик чегарасы аркылуу жеке адамдар тарабынан товарларды жана автотранспортту алып өтүү жөнүндөгү нускаманы бекитүү тууралуу" токтомуна төмөнкүдөй өзгөртүүлөр киргизилсин:

Кыргыз Республикасынын мамлекеттик чегарасы аркылуу жеке адамдар тарабынан товарларды жана автотранспортту алып өтүү жөнүндө нускамада:

- 7.1-пункттагы "жана бажы күбөлүгүн" деген сөздөр алып салынсын;

- 7.13-пункттун үчүнчү абзацы күчүн жоготту деп эсептелсин;

- 7.14-пункттун бешинчи, алтынчы жана жетинчи абзацтары күчүн жоготту деп эсептелсин;

- 7.15-пункттун экинчи абзацындагы "бажылык күбөлүк" деген сөздөр алып салынсын;

- 7.16-пункттагы "жана бажылык күбөлүк" деген сөздөр алып салынсын.

3. Кыргыз Республикасынын Өкмөтүнүн 2004-жылдын 28-декабрындагы № 961 "Кыргыз Республикасынын Бажы кодексинин талаптарын ишке ашыруу боюнча чаралар жөнүндө" токтомуна төмөнкүдөй өзгөртүүлөр киргизилсин:

Кыргыз Республикасынын бажы чек арасы аркылуу өткөрүлүүчү товарларды жана транспорт каражаттарын бажылык тариздөө жана бажылык контролдоо боюнча нускамада:

- 10-пункттун е) пунктчасы жана № 9 тиркемеси күчүн жоготту деп эсептелсин.

4. Кыргыз Республикасынын Өкмөтүнүн 2006-жылдын 27-апрелиндеги № 307 "Кыргыз Республикасынын Өкмөтүнүн айрым чечимдерине өзгөртүүлөрдү жана толуктоолорду киргизүү жөнүндө" токтомуна төмөнкүдөй өзгөртүүлөр киргизилсин:

- 2-пункту күчүн жоготту деп эсептелсин.

5. Бул токтом расмий жарыяланган күндөн бир ай өткөндөн кийин күчүнө кирет.