КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2011-жылдын 19-июлу № 400

Кыргыз Республикасынын Өкмөтүнүн айрым чечимдерине өзгөртүүлөрдү жана толуктоолорду киргизүү жөнүндө

(КР Өкмөтүнүн 2019-жылдын 27-августундагы № 429 токтомунун редакциясына ылайык)

Кыргыз Республикасынын саламаттык сактоо, билим берүү жана маданият кызматкерлеринин эмгегине акы төлөө шарттарын жөнгө салуучу Кыргыз Республикасынын ченемдик укуктук актыларын бирдей колдонуу максатында Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2008-жылдын 14-августундагы № 440 КПҮ «Кыргыз Республикасынын укук коргоо органдарынын, Куралдуу Күчтөрүнүн жана башка аскердик түзүлүштөрүнүн эркин жалданган жана жарандык персоналынын эмгегине акы төлөө шарттары жөнүндө» токтомуна төмөнкүдөй өзгөртүүлөр киргизилсин:

жогоруда аталган токтом менен бекитилген Кыргыз Республикасынын укук коргоо органдарынын, Куралдуу Күчтөрүнүн жана башка аскердик түзүлүштөрүнүн эркин жалданган жана жарандык персоналынын эмгегине акы төлөө шарттарында:

- I бөлүмүндө:

1-пунктунда «ошондой эле саламаттык сактоо, билим берүү жана маданият кызматкерлери,»деген сөздөр алып салынсын;

2-пункту күчүн жоготту деп табылсын;

XV бөлүмүнүн 4-пунктунда:

«ж» пунктчасынын онунчу абзацы күчүн жоготту деп табылсын;

«к», «л», «м» пунктчалары күчүн жоготту деп табылсын.

2. Кыргыз Республикасынын Өкмөтүнүн 2011-жылдын 19-январындагы № 13 «Саламаттык сактоо системасынын кызматкерлеринин эмгегине акы төлөө жөнүндө» токтомуна төмөнкүдөй өзгөртүү киргизилсин:

1-пунктундагы «(эмгегине акы төлөө Кыргыз Республикасынын мыйзамдарына ылайык ишке ашырылуучу Кыргыз Республикасынын укук коргоо органдарынын, Куралдуу Күчтөрүнүн жана башка аскердик түзүлүштөрүнүн эркин жалданган жана жарандык персоналынан (медициналык кызматкерлер) башка)» деген сөздөр алып салынсын.

3. Кыргыз Республикасынын Өкмөтүнүн 2011-жылдын 26-майындагы № 246 «Кыргыз Республикасынын саламаттык сактоо кызматкерлеринин эмгегине акы төлөө жөнүндө жобону бекитүү тууралуу» токтомуна төмөнкүдөй толуктоо киргизилсин:

жогоруда аталган токтом менен бекитилген Кыргыз Республикасынын саламаттык сактоо кызматкерлеринин эмгегине акы төлөө жөнүндө жободо:

- 19-пункту төмөнкү мазмундагы абзац менен толукталсын:

«Кыргыз Республикасынын укук коргоо органдарынын, Куралдуу Күчтөрүнүн жана башка аскердик түзүлүштөрүнүн системасындагы саламаттык сактоо кызматкерлерине ишинин татаалдыгы, сапаты жана натыйжасы үчүн базалык маянанын 25 проценти өлчөмүндө үстөк белгиленет.

Үстөк окуу отпускасында, амбулаториялык дарылоодо, ооруканада дарыланууда жүргөн кызматкерлерге төлөнбөйт.».

4. Кыргыз Республикасынын Өкмөтүнүн 2011-жылдын 31-майындагы № 270 «Билим берүү уюмдарынын кызматкерлерине эмгек акы эсептөөнүн тартиби жөнүндө нускаманы бекитүү тууралуу» токтомуна төмөнкүдөй өзгөртүү жана толуктоо киргизилсин:

жогоруда аталган токтом менен бекитилген Билим берүү уюмдарынын кызматкерлерине эмгек акы эсептөөнүн тартиби жөнүндө нускамада:

- 2-главасынын 5-пунктунун сегизинчи абзацы күчүн жоготту деп табылсын;

- 4-главасы төмөнкү мазмундагы 7-пункт менен толукталсын:

«7. Кыргыз Республикасынын укук коргоо органдарынын, Куралдуу Күчтөрүнүн жана башка аскердик түзүлүштөрүнүн системасындагы билим берүү кызматкерлерине ишинин татаалдыгы, сапаты жана натыйжасы үчүн базалык маянанын же сааттык жүктөмдүн нормативинин 25 проценти өлчөмүндө үстөк төлөнөт.

Үстөк окуу отпускасында, амбулаториялык дарылоодо, ооруканада дарыланууда жүргөн кызматкерлерге төлөнбөйт.».

5. (КР Өкмөтүнүн 2019-жылдын 27-августундагы № 429 токтомуна ылайык күчүн жоготту)

6. Кыргыз Республикасынын Өкмөтү Кыргыз Республикасынын социалдык чөйрөсүнүн кенже тейлөөчү персоналына эмгек акы төлөөнүн тартиби жөнүндө чечим кабыл алганга чейин Кыргыз Республикасынын укук коргоо органдарынын, Куралдуу Күчтөрүнүн жана башка аскердик түзүлүштөрүнүн системасындагы саламаттык сактоо, билим берүү жана маданият мекемелеринин кенже тейлөөчү персоналына Кыргыз Республикасынын Өкмөтүнүн 2008-жылдын 14-августундагы № 440 КПҮ «Кыргыз Республикасынын укук коргоо органдарынын, Куралдуу Күчтөрүнүн жана башка аскердик түзүлүштөрүнүн эркин жалданган жана жарандык персоналынын эмгегине акы төлөө шарттары жөнүндө» токтомунун күчү жайылтылсын.

7. Бул токтомдун аткарылышын контролдоо Кыргыз Республикасынын Өкмөтүнүн Аппаратынын социалдык камсыздоо, саламаттык сактоо, эмгек жана миграция бөлүмүнө, билим берүү жана маданият бөлүмүнө жана коопсуздукту, укуктук тартипти жана коргонуу жөндөмдүүлүгүн камсыздоо боюнча бөлүмүнө жүктөлсүн.

8. Бул токтом 2011-жылдын 1-июнунан тартып күчүнө кирет.

9. Бул токтом жалпыга маалымдоо каражаттарына жарыялансын.