Кыргыз Республикасынын калкына көрсөтүлүүчү Кепилдик кылынган социалдык кызмат көрсөтүүлөрдүн ТИЗМЕСИ

I.              Социалдык жактан тейлөөнүн стационардык уюмдарында берилүүчү кызмат көрсөтүүлөр

1. Социалдык-турмуш-тиричилик кызмат көрсөтүүлөр:

- турак-жай аянтын берүү;

- реабилитациялоочу иш-чараларды, дарылоо-эмгектик жана окуу ишин, маданий-турмуш-тиричилик жактан тейлөөнү уюштуруу үчүн жайларды берүү;

- эмеректерди пайдаланууга берүү;

- бекитилген ченемдерге ылайык жумшак шайманды (кийимди, бут кийимди, ич кийимдерди жана төшөнчүлөрдү) берүү;

- курагын жана ден соолук абалын эске алуу менен сарамжалдуу жана диеталык тамак-аш берүү;

- турмуш-тиричилик тейлөөнү камсыз кылуу (ич кийимдерди, кийим кечекти, төшөнчүлөрдү жууп берүү, кургатуу, үтүктөө жана дезинфекциялоо);

- соода жана байланыш ишканаларынын кызмат көрсөтүүсүн уюштуруу;

- каттарды жазууга жана окууга көмөк көрсөтүү;

- жеке буюмдардын жана материалдык байлыктардын сакталышын камсыз кылуу;

- диний үрп-адаттарды өткөрүү үчүн шарттарды түзүү;

- стационардык мекемелерден чыгарууда бекитилген ченемдерге ылайык сезон боюнча кийим-кечек, бут кийим менен камсыз кылуу;

- расымдык кызмат көрсөтүүлөрдү уюштуруу;

- зарыл жекече гигиеналык буюмдар менен камсыздоо (арак самын, тиш щеткасы, тиш пастасы, сүлгү, даарат кагазы, тарак).

2. Социалдык-медициналык кызмат көрсөтүүлөр:

- Кыргыз Республикасынын жарандарын медициналык-санитардык жардам менен камсыз кылуу боюнча мамлекеттик кепилдиктердин программасына ылайык медициналык кызмат көрсөтүү;

- ден соолук абалын эске алуу менен багууну камсыз кылуу, анын ичинде санитардык-гигиеналык кызмат көрсөтүү (жууп-тазалоо, гигиеналык ванналар, тырмактарды алуу, чачын тарап берүү);

- медициналык-социалдык экспертиза жүргүзүү;

- реабилитациялоонун жекече программаларынын негизинде реабилитациялоочу (медициналык, социалдык) иш-чараларды жүргүзүү, анын ичинде ден соолугунун мүмкүнчүлүктөрү чектелүү адамдар үчүн жүргүзүү;

- адистештирилген медициналык жардамга муктаж болгон багуудагы адамдарды ооруканага жаткыруу;

- диспансеризациядан өтүүнү уюштуруу;

- муктаж адамдарды угуучу аппарат, көз айнек оптикасы, протездик-ортопедиялык буюмдар, тишти протездөө менен камсыз кылуу (буга баалуу металлдардан жана башка кымбат материалдардан жасалган протездер кирбейт);

- эгерде медициналык көрсөтмөлөрү бар болсо кошумча техникалык каражаттар (кресло-коляска, таяк жана балдак) жана протездик-ортопедиялык буюмдар (бутту, колду протездөө, ортопедиялык бут кийим даярдоо) менен камсыздоо;

- врачка чейинки алгачкы жардамды көрсөтүү;

- ден соолукка байланышкан жол-жоболорду жүргүзүү (дары-дармек ичүү, тамчылатуу ж.б.);

- ден соолук абалына байкоо жүргүзүү (дененин температурасын, артериялык басымды өлчөө).

3. Социалдык-психологиялык кызмат көрсөтүүлөр:

- психологиялык колдоо көрсөтүү жана психиканы оңдоочу иштерди жүргүзүү (стресстик абалдан чыгаруу, психикалык кемчиликтери бар оорулуулардын илдетинин күчөшүнүн алдын алуу);

- өз ара колдоо топторунда, баарлашуу клубдарында сабактарды уюштуруу жана өткөрүү;

- психологиялык жардам көрсөтүү: анын ичинде маектешүү, баарлашуу, угуу, көңүлүн көтөрүү, жигердүүлүктү жүйөлөштүрүү, багуудагы адамдардын жашоо тонусун психологиялык колдоо.

4. Социалдык-педагогикалык кызмат көрсөтүүлөр:

- социалдык-педагогикалык консультация берүү;

- ден соолугунун мүмкүнчүлүктөрү чектелүү балдарды атайын программалар боюнча тарбиялоо жана окутуу үчүн шарттарды түзүү, мында алардын дене боюнун мүмкүнчүлүктөрүн жана акыл-эсинин кудуретин эске алуу, өз алдынча тейлөө жана жүрүш-туруш жөндөмдөрүн үйрөтүү;

- реабилитациялоонун жекече программаларына ылайык дарылоо-эмгек ишинде багуудагы адамдардын калган эмгек мүмкүнчүлүктөрүн пайдалануу үчүн шарттарды түзүү.

5. Социалдык-укуктук кызмат көрсөтүүлөр:

- квартираларды менчиктештирүү боюнча документтерди жана үчүнчү жактардын таламдарын козгогон документтерди толтурууну кошпогондо, багуудагы адамдардын биринчи кезектеги турмуш-тиричилик, медициналык жана башка өтө маанилүү маселелерин чечүү үчүн зарыл документтерди толтурууга жардам берүү;

- пенсиялык жана социалдык камсыз кылуу маселелери боюнча жардам көрсөтүү;

- консультациялык жардам берүү.

6. Социалдык-маданий кызмат көрсөтүүлөр:

- эс алууну камсыз кылуу (китептер, журналдар, газеталар, стол оюндары, кызыкчылыктар боюнча сабактар ж.б.);

- маданий-массалык иш-чараларды жүргүзүү (экскурсиялар, театрларга баруу, кинофильмдерди көрсөтүү ж.б.);

- майрамдык иш-чараларды жана түбөлүктүү даталарын, юбилейлерди, туулган күндөрдү уюштуруу жана өткөрүү.

II. Жарым-жартылай стационардык уюмдарда жана социалдык тейлөө мекемелеринде (күндүз болуучу борборлордо же бөлүмдөрдө) көрсөтүлүүчү кызматтар

1. Социалдык-тиричилик кызматтары:

- реабилитациялык жана дарылоо иш-чараларды уюштуруу үчүн имарат берүү;

- мебелдерди пайдаланууга берүү;

- уктоо бөлмөсүндө орун берүү;

- төшөнчү берүү;

- ысык тамак менен камсыз кылуу;

- эмгек терапиясы боюнча иш-чараларды уюштуруу;

- зарыл болгон жекече гигиеналык буюмдар менен камсыздоо (арак самын, тиш щеткасы, тиш пастасы, сүлгү, даарат кагазы, тарак).

2. Социалдык-медициналык кызматтар:

- алгачкы медициналык кароодон жана санитардык иштетүүдөн өткөрүү;

- ден соолук абалына байкоо жүргүзүү (дене температурасын, артерия басымын ченөө);

- дарылоо-ден соолук чыңдоо иш-чараларын уюштуруу;

- реабилитациялык иш-чараларды (медициналык, социалдык), анын ичинде ден соолугунун мүмкүнчүлүктөрү чектелүү адамдар үчүн реабилитациянын жекече программасынын негизинде иш-чараларды жүргүзүүдө жардам берүү;

- врачка чейинки алгачкы жардамды көрсөтүү;

- ден соолукка байланышкан жол-жоболорду жүргүзүү (дары-дармек ичүү, тамчылатуу);

3. Социалдык-психологиялык кызматтар:

- психологиялык жардам көрсөтүү;

- социалдык-эмгек реабилитациясын, жеке жана социалдык статусту калыбына келтирүү максатында жеткиликтүү ыкмаларга үйрөтүү боюнча иш-чараларды өткөрүү.

4. Социалдык-педагогикалык кызматтар:

- инсанды социалдык-педагогикалык диагносттоо жана текшерүү;

- социалдык-педагогикалык консультациялоо;

- өзүн-өзү тейлөөнүн, жашоо-тиричиликте жана коомдук орундарда өзүн алып жүрүүнүн, өзүн-өзү контролдоонун, мамилелешүүнүн ыкмаларын үйрөтүү;

- атайын билим берүү программалары боюнча окутууну уюштуруу;

- социалдык-эмгек, кесиптик реабилитацияга байланышкан кызматтар.

5. Социалдык-укуктук кызматтар:

- ким экендигин тастыктаган документтерди тариздөөдө юридикалык жардам көрсөтүү;

- пенсиялык камсыз кылуу жана башка социалдык төлөмдөрдү берүү маселеси боюнча жардам көрсөтүү;

- юридикалык жана башка консультациялар берүү.

6. Социалдык-маданий кызмат көрсөтүүлөр:

- маданий эс алууларды уюштуруу;

- эс алууну камсыз кылуу (китептер, журналдар, газеталар, стол оюндары, кызыкчылыктар боюнча сабактар);

- маданий-массалык иш-чараларды жүргүзүү (экскурсиялар, театрларга баруу, кинофильмдерди көрсөтүү);

- майрамдык иш-чараларды жана түбөлүктүү даталарды, туулган күндөрдү уюштуруу жана өткөрүү.

III. Жарым-жартылай стационардык уюмдарда жана түнөк мекемелеринде туруктуу жашоо орду жок жарандарга көрсөтүлүүчү кызматтар

1. Социалдык-тиричилик кызматтары:

- түнөө үчүн имарат берүү;

- уктаганга орун берүү;

- төшөнчү берүү;

- бир жолу ысык тамак берүү.

2. Социалдык-медициналык кызматтар:

- алгачкы медициналык кароодон өткөрүү;

- алгачкы санитардык иштетүүдөн өткөрүү, зарыл учурда алгачкы медициналык-санитардык жардам көрсөтүү;

- врачка чейинки алгачкы жардам көрсөтүү;

- ден соолукка байланышкан жол-жоболорду жүргүзүү (дары-дармек ичүү, тамчылатуу);

- ден соолук абалына байкоо жүргүзүү (дененин температурасын, артериялык басымды өлчөө).

3. Социалдык-укуктук кызматтар:

- мамлекеттик социалдык камсыз кылуу системасында жарандардын социалдык жактан тейлөө укугуна байланышкан маселелер боюнча консультация берүү;

- жашы жетпегендердин укуктарын коргоо жана сактоо боюнча укуктук жардам көрсөтүү.

IV. Жалгыз бой улгайган жарандарга жана ден соолугунун мүмкүнчүлүктөрү чектелүү адамдарга үйлөрүндө көрсөтүлүүчү кызматтар

I. Социалдык-тиричилик кызматтары:

- азык-түлүк жана өнөр жай товарларын, медикаменттерди сатып алуу жана жеткирип берүү;

- түшкү ысык тамакты үйүнө жеткирип берүү;

- тамак даярдоого жардам берүү;

- үй буюмдарын жана кийим-кечелерин кир жуучу жайга, химиялык тазалатууга, ремонттоого жеткирип берип, кайра алып келип берүү;

- коммуналдык тейлөөлөргө төлөөгө жардам берүү;

- туугандары, достору менен кат алышууга байланышкан өтүнүчтөрүн аткаруу;

- мезгилдүү басылмаларды сатып келүү, китепканалардан китептерди алып берүү;

- үн чыгарып окуу;

- мамиле кылуу жана аңгемелешүү;

- турак-жайын майда ремонттоого, тазалоого (полун, терезелерин жууп берүү, короо-жайын тазалоо) жардам берүү;

- огородун казууга, түшүмүн жыйноого, кышка даярданууга жардам берүү;

- кыш мезгилинде отун менен камсыз кылууга, имаратын жылытууга (мешин жагып берүү) жардам берүү;

- сөөк коюу кызматына жардам берүү.

2. Социалдык-медициналык кызматтар:

- Кыргыз Республикасынын Өкмөтүнүн токтому менен бекитилген, Кыргыз Республикасынын жарандарын медициналык-санитардык жардам менен камсыз кылуу боюнча мамлекеттик кепилдиктердин программасына ылайык медициналык кызмат көрсөтүү;

- медициналык кызматкерди үйүнө чакыруу;

- врач келгенге чейин алгачкы жардам көрсөтүү (температурасын ченөө, компресс, горчичник коюу);

- медициналык мекемеге коштоп баруу;

- тейлөөдөгү адам ооруканага жаткырылган учурда барып туруу;

- биологиялык каражаттарды поликлиникалык лабораторияга жеткирүү;

- санитардык-гигиеналык процедуралар (денесин кургатып сүртүү, кийиндирүү, гигиеналык ванналар, тырмактарын алуу, чачын тарап берүү) учурунда жардам берүү;

- медициналык-социалдык экспертиза жүргүзүү;

- угуу аппараттарын, көз айнек, протездик-ортопедиялык буюмдарды берүү, тиш салдыруу (баалуу металлдардан жана башка кымбат материалдардан жасалган протездерден башка), медициналык көрсөтмөлөр болсо жекече кресло-коляска, таяк, балдак) менен камсыздоо.

3. Социалдык-психологиялык кызматтар:

- үйүнө барып социалдык жактан тейленилүүчү жарандарга психологиялык жардам көрсөтүү: аңгемелешүү, сүйлөшүү, угуу, көңүлүн көтөрүү, активдүүлүгүнө түрткү берүү.

4. Социалдык-укуктук кызматтар:

- социалдык камсыз кылуу маселелери боюнча консультация берүү;

- пенсиялык жана социалдык камсыз кылууларды алуу үчүн документтерди тариздөөгө жардам берүү;

- жатак үйгө жатуу үчүн документтерди жазууга жардам берүү.