КР Өкмөтүнүн 2017-жылдын 7-сентябрындагы № 551 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ 

2011-жылдын 12-августу №465

Бишкек шаары, Тоголок Молдо көчөсү, 10 дарегинде жайгашкан администрациялык имаратты Кыргыз Республикасынын Мамлекеттик кадр кызматына убактылуу пайдаланууга берүү жөнүндө

(КР Өкмөтүнүн 2011-жылдын 17-октябрындагы №643, 2017-жылдын 17-мартындагы N 171 токтомдорунун редакциясына ылайык)

Кыргыз Республикасынын Мамлекеттик кадр кызматын администрациялык имарат менен камсыздоо максатында Кыргыз Республикасынын Өкмөтү

ТОКТОМ КЫЛАТ:

1. "Кыргыздипсервис" мамлекеттик ишканасы Бишкек шаары, Тоголок Молдо көчөсү, 10 дарегинде жайгашкан, цоколь кабаттуу, жалпы аянты 745,3 кв.м, жер участогунун жалпы аянты 2055 кв.м болгон жана 175,7 кв.м аянттагы бастырма курулмалары бар администрациялык имаратты Кыргыз Республикасынын Мамлекеттик кадр кызматына убактылуу пайдаланууга өткөрүп берсин.

(КР Өкмөтүнүн 2011-жылдын 17-октябрындагы №643 токтомунун редакциясына ылайык)

2. Кыргыз Республикасынын Мамлекеттик мүлк министрлиги Кыргыз Республикасынын Президентинин Иш башкармасы менен бирдикте Кыргыз Республикасынын Мамлекеттик кадр кызматын жайгаштыруу үчүн администрациялык имарат тапсын.

(КР Өкмөтүнүн 2011-жылдын 17-октябрындагы №643 токтомунун редакциясына ылайык)

3. Кыргыз Республикасынын Финансы министрлиги Кыргыз Республикасынын Мамлекеттик кадр кызматына ушул токтомдун 1-пунктунда аталган администрациялык имаратты ондоо жана кармоо үчүн республикалык бюджеттен каражаттарды бекитилген бюджеттин чегинде бөлүп берүүнү карасын.

(КР Өкмөтүнүн 2011-жылдын 17-октябрындагы №643 токтомунун редакциясына ылайык)

4. (КР Өкмөтүнүн 2017-жылдын 17-мартындагы N 171 токтомуна ылайык күчүн жоготту)

5. Бул токтомдун аткарылышын контролдоо Кыргыз Республикасынын Өкмөтүнүн Аппаратынын экономика жана стратегиялык өнүктүрүү бөлүмүнө жүктөлсүн.

6. Бул токтом расмий жарыяланган күндөн баштап күчүнө кирет.

(КР Өкмөтүнүн 2011-жылдын 17-октябрындагы №643 токтомунун редакциясына ылайык)