КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2012-жылдын 24-февралы № 144

Кыргыз Республикасынын Өкмөтүнүн Иш башкармасы жөнүндө

Кыргыз Республикасынын Президентинин 2012-жылдын 15-февралындагы "Кыргыз Республикасынын Президентинин Иш башкармасын кайра уюштуруу жөнүндө" № 43 Жарлыгына ылайык жана Кыргыз Республикасынын Премьер-министринин, Кыргыз Республикасынын Өкмөтүнүн Аппаратынын ишин финансылык, материалдык-техникалык жактан камсыз кылуу, ошондой эле Мамлекеттик компьютердик тармакты программалык жана техникалык жактан камсыз кылуу максатында Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн Иш башкармасы түзүлсүн.

2. Кыргыз Республикасынын Өкмөтүнүн Иш башкармасы:

- Кыргыз Республикасынын Өкмөтүнүн Иш башкармасы жөнүндө жобонун, түзүмүнүн жана штаттык санынын долбоорлорун Кыргыз Республикасынын Өкмөтүнө бекитүүгө киргизсин;

- Кыргыз Республикасынын Президентинин Иш башкармасынан бөлүштүрүү балансына ылайык өткөрүлүп берилүүчү активдерди жана объекттерди Кыргыз Республикасынын Өкмөтүнүн Иш башкармасына өткөрүп алууну камсыздасын;

- ушул токтомдон чыгуучу уюштуруучу жана башка маселелерди чечсин.

3. Кыргыз Республикасынын Финансы министрлиги Кыргыз Республикасынын Өкмөтүнүн Иш башкармасын 2012-жылдын республикалык бюджетинде каралган каражаттын чегинде каржылоону караштырсын жана камсыздасын.

4. Бул токтом расмий жарыяланган күндөн тартып күчүнө кирет.