КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2012-жылдын 1-марты № 158

Кыргыз Республикасынын Өкмөтүнүн айрым чечимдерине өзгөртүүлөр жана толуктоолор киргизүү жөнүндө

(КР Министрлер Кабинетинин 2022-жылдын 30-апрелиндеги № 236 токтомунун редакциясына ылайык)

Кыргыз Республикасынын Өкмөтүнүн 2011-жылдын 4-октябрындагы № 611 "Кыргыз Республикасынын Жазык-аткаруу системасынын борбордук органын реформалоо жөнүндө", 2009-жылдын 13-октябрындагы № 633 "Кыргыз Республикасынын Өкмөтүнө караштуу Жазаларды аткаруу мамлекеттик кызматынын алдындагы Жаза аткаруу департаментинин № 41 мекемесин жоюу жөнүндө", 2011-жылдын 14-октябрындагы № 635 "Кыргыз Республикасынын Жазык-аткаруу тутумунун № 53 мекемесин түзүү жөнүндө", 2011-жылдын 11-ноябрындагы № 722 "Кыргыз Республикасынын жазык-аткаруу системасынын № 54 мекемесин түзүү жөнүндө" токтомдоруна ылайык, ошондой эле Кыргыз Республикасынын жазык-аткаруу системасынын ишине тийиштүү ченемдик укуктук базаны өркүндөтүү максатында Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2003-жылдын 22-апрелиндеги № 237 "Кыргыз Республикасынын Ички иштер министрлигинин, Кыргыз Республикасынын Юстиция министрлигинин Жазаны аткаруу боюнча башкы башкармасынын жана Түзөтүү мекемелерин кайтаруу, соттолгондорду жана камакка алынган адамдарды конвой менен алып жүрүү боюнча департаментинин жарандык кызматкерлеринин кызматтык маяналарын көбөйтүү жөнүндө" токтомуна төмөнкү өзгөртүүлөр киргизилсин:

- аталышындагы ", Кыргыз Республикасынын Юстиция министрлигинин Жазаны аткаруу боюнча башкы башкармасынын жана Түзөтүү мекемелерин кайтаруу, соттолгондорду жана камакка алынган адамдарды конвой менен алып жүрүү боюнча департаментинин" деген сөздөр "жана Кыргыз Республикасынын жазык-аткаруу системасынын" деген сөздөргө алмаштырылсын;

- 1-пункттагы "Юстиция министрлигинин Жазаны аткаруу боюнча башкы башкармасын жана Түзөтүү мекемелерин кайтаруу, соттолгондорду жана камакка алынган адамдарды конвой менен алып жүрүү боюнча департаментин" деген сөздөр "жазык-аткаруу системасын" деген сөздөргө алмаштырылсын.

2. (КР Министрлер Кабинетинин 2022-жылдын 30-апрелиндеги № 236 токтомуна ылайык күчүн жоготту)

3. Кыргыз Республикасынын Өкмөтүнүн 2011-жылдын 29-июлундагы № 424 "Кыргыз Республикасынын Жазык аткаруу тутумунун № 50 түзөтүү мекемеси жөнүндө" токтомуна төмөнкү өзгөртүүлөр киргизилсин:

- 1-пункттагы "мамлекеттик кызматынын алдындагы Жазаларды аткаруу департаментинин" деген сөздөр "мамлекеттик кызматынын" деген сөздөргө алмаштырылсын;

- 2-пункттун алтынчы абзацындагы "алдындагы Жазаларды аткаруу департаментине" деген сөздөр алып салынсын.

4. Бул токтом расмий жарыяланган күндөн тартып күчүнө кирет.