КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2012-жылдын 28-майы № 324

Кыргыз Республикасынын Өкмөтүнө караштуу Финансылык чалгындоо мамлекеттик кызматынын маселелери тууралуу

(КР Өкмөтүнүн 2012-жылдын 12-октябрындагы № 716, 2014-жылдын 4-июлудагы № 373, 2016-жылдын 3-мартындагы № 104, 2016-жылдын 18-майындагы № 264, 2018-жылдын 25-декабрындагы № 606, 2020-жылдын 22-апрелиндеги № 212 токтомдорунун редакцияларына ылайык)

Кыргыз Республикасынын Конституциясынын 90-беренесине ылайык, Кыргыз Республикасынын Өкмөтүнө караштуу Финансылык чалгындоо мамлекеттик кызматынын ишин өркүндөтүү максатында Кыргыз Республикасынын Өкмөтү токтом кылат:

1. Төмөнкүлөр түзүлсүн:

- (абзац КР Өкмөтүнүн 2018-жылдын 25-декабрындагы № 606 токтомуна ылайык күчүн жоготту)

- Кыргыз Республикасынын Өкмөтүнө караштуу Финансылык чалгындоо мамлекеттик кызматынын окуу-усулдук борбору.

(КР Өкмөтүнүн 2016-жылдын 18-майындагы № 264 токтомунун редакциясына ылайык)

2. Төмөнкүлөр бекитилсин:

- (абзац КР Өкмөтүнүн 2018-жылдын 25-декабрындагы № 606 токтомуна ылайык күчүн жоготту)

- (абзац КР Өкмөтүнүн 2018-жылдын 25-декабрындагы № 606 токтомуна ылайык күчүн жоготту)

- Кыргыз Республикасынын Өкмөтүнө караштуу Финансылык чалгындоо мамлекеттик кызматынын Окуу-усулдук борборунун уставы, 3-тиркемеге ылайык;

- Кыргыз Республикасынын Өкмөтүнө караштуу Финансылык чалгындоо мамлекеттик кызматынын Өнүктүрүү жана материалдык камсыздоо фонду жөнүндө жобо, 4-тиркемеге ылайык;

- Кыргыз Республикасынын Өкмөтүнө караштуу Финансылык чалгындоо мамлекеттик кызматынын туусунун жана эмблемасынын сыпаттамасы, 5-тиркемеге ылайык;

- Кыргыз Республикасынын Өкмөтүнө караштуу Финансылык чалгындоо мамлекеттик кызматынын туусунун жана эмблемасынын эскиздери, 6-тиркемеге ылайык.

(КР Өкмөтүнүн 2016-жылдын 18-майындагы № 264 токтомунун редакциясына ылайык)

3. (КР Өкмөтүнүн 2018-жылдын 25-декабрындагы № 606 токтомуна ылайык күчүн жоготту)

4. Кыргыз Республикасынын Өкмөтүнүн 2002-жылдын 29-майындагы № 350 "Кыргыз Республикасынын персонификациялаштырылган документтеринин Мамлекеттик реестри жөнүндө Жобону жана Кыргыз Республикасында колдонуудагы мамлекеттик маанидеги документтердин тизмесин бекитүү тууралуу" токтомуна төмөнкүдөй өзгөртүү киргизилсин:

жогоруда аталган токтом менен бекитилген Кыргыз Республикасында колдонулуудагы мамлекеттик маанидеги документтердин тизмесинин "Министрликтер жана ведомстволор" графасынын 38-пунктунда:

"Кыргыз Республикасынын Финансылык чалгындоо кызматы" деген сөздөр "Кыргыз Республикасынын Өкмөтүнө караштуу Финансылык чалгындоо мамлекеттик кызматы" деген сөздөргө алмаштырылсын.

5. (КР Өкмөтүнүн 2020-жылдын 22-апрелиндеги № 212 токтомуна ылайык күчүн жоготот)

6. (КР Өкмөтүнүн 2020-жылдын 22-апрелиндеги № 212 токтомуна ылайык күчүн жоготот)

7. Кыргыз Республикасынын Өкмөтүнүн 2007-жылдын 6-декабрындагы № 575 "Бишкек шаарынын бөлүнгөн телефон тармагынын сыйымдуулугун пайдалануу тартиби жөнүндө" токтомуна төмөнкүдөй толуктоо жана өзгөртүү киргизилсин:

Жогоруда аталган токтом менен бекитилген Бишкек шаарынын бөлүнгөн телефон тармагына кошулуу укугу берилген абоненттердин тизмесинде:

- IX бөлүм төмөнкү мазмундагы он тогузунчу жана жыйырманчы абзацтар менен толукталсын:

- "Кыргыз Республикасынын Өкмөтүнө караштуу Финансылык чалгындоо мамлекеттик кызматы:

Төрагасы, статс-катчысы.";

- X бөлүмдүн экинчи абзацы күчүн жоготту деп эсептелсин.

8. Кыргыз Республикасынын Өкмөтүнүн 2009-жылдын 19-октябрындагы № 658 "Мамлекеттик имараттарды оперативдүү башкарууга берүү жөнүндө" токтомуна төмөнкүдөй өзгөртүү киргизилсин:

1-пункттун алтынчы абзацындагы "Кыргыз Республикасынын Финансылык чалгындоо кызматына" деген сөздөр "Кыргыз Республикасынын Өкмөтүнө караштуу Финансылык чалгындоо мамлекеттик кызматына" деген сөздөргө алмаштырылсын;

9. (КР Өкмөтүнүн 2012-жылдын 12-октябрындагы № 716 токтомуна ылайык күчүн жоготту)

10. (КР Өкмөтүнүн 2018-жылдын 25-декабрындагы № 606 токтомуна ылайык күчүн жоготту)

11. Төмөндөгүлөр күчүн жоготту деп эсептелсин:

- Кыргыз Республикасынын Өкмөтүнүн 2006-жылдын 17-апрелиндеги № 170-б буйругу;

- Кыргыз Республикасынын Өкмөтүнүн 2006-жылдын 26-августундагы № 477-б буйругу.

12. Бул токтом расмий жарыяланган күндөн тартып күчүнө кирет.

Кылмыштуу кирешелерди легализациялоого (адалдоого) жана террористтик же экстремисттик ишти каржылоого каршы аракеттенүү маселелери боюнча комиссиянын КУРАМЫ

(КР Өкмөтүнүн 2018-жылдын 25-декабрындагы № 606 токтомуна ылайык күчүн жоготту)

Кыргыз Республикасынын Өкмөтүнө караштуу Финансылык чалгындоо мамлекеттик кызматынын туусунун жана эмблемасынын СЫПАТТАМАСЫ

1. Туу жана эмблема кадыр-барктын, ар-намыстын символдору жана Кыргыз Республикасынын Өкмөтүнө караштуу Финансылык чалгындоо мамлекеттик кызматынын (мындан ары - Финансылык чалгындоо) атрибуттарынын бири болуп саналат.

2. Туу кездемеден, каскактан, каскактын учунан жана шоонадан турат.

Туунун кездемеси эки жактуу, тик бурчтуу формада, көк түстөгү жибек кездемеден жасалат. Үч тарабынын четтеринде эни 70 мм алтын түстөгү жибек чачык тигилген. Кездеменин узундугу - 1500 мм, туурасы - 1100 мм.

Кездеменин өң жагынын борборунда сыпатталышы ушул сыпаттаманын 3-пунктунда келтирилген, мамлекеттик тилдеги жазуусу бар Финансылык чалгындоонун эмблемасынын сүрөтү жайгаштырылат. Эмблеманын сүрөтүнүн диаметри 600 мм.

Кездеменин аркы бетинин борборунда сыпатталышы ушул сыпаттаманын 3-пунктунда келтирилген, расмий тилдеги жазуусу бар Финансылык чалгындоонун эмблемасынын сүрөтү жайгаштырылат. Эмблеманын сүрөтүнүн диаметри 600 мм.

Туунун каскагы жыгач, каралжын-күрөң түстө, диаметри 40 мм жана узундугу 2500 мм.

Туунун каскагынын учу дат баспас болоттон, ортосунда күн алкагынын ичине кыргыз боз үйүнүн түндүгүнүн сүрөтү түшүрүлгөн, кырк нуру тегиз чачыраган күн алкагынын сүрөтү жайгаштырылат. Каскактын учунун узундугу - 250 мм.

Туунун шоонасы эки чачыктуу, алтын түстүү эшилген жибек жиптерден даярдалат. Чачыктуу шоонанын узундугу - 2800 мм.

3. Эмблема (45 градуска бурулуп бири-бирине кайчылашуу менен эки төрт бурчтуктан турган сегиз бурчтуу жылдызды түзгөн) бурчтары ак карлуу тоолорду символдоштурган көк түстөгү сегиз бурчтук түрүндө.

Сегиз бурчтуктун ичиндеги ак түстүү айлампада көк түстөгү, мамлекеттик тилдеги төмөнкү жазуулар жазылат:

- үстүнкү бөлүгү - "Кыргыз Республикасы";

- астыңкы бөлүгү - "Финансылык чалгындоо".

Эмблема расмий тилдеги сөздөр менен даярдалышы мүмкүн, мындай учурда сегиз бурчтуктун ичиндеги ак түстүү айлампада расмий тилде көк түстүү төмөнкү жазуулар жазылат:

- үстүнкү бөлүгү - "Кыргызская Республика";

- астыңкы бөлүгү - "Финансовая разведка".

Үстүнкү жана астыңкы бөлүктөрдөгү сөздөрдүн ортосунда көк түстүү эки жылдызча бар.

Эмблеманын ак түстүү айлампасынын чок ортосундагы (ичиндеги) көк фондо канаттуу ак илбирстин элеси түшүрүлгөн.

4. Туу Финансылык чалгындоонун имаратында Финансылык чалгындоонун төрагасы тарабынан белгиленген жерде орнотулат жана сакталат.

5. Эмблеманын сүрөтү Финансылык чалгындоонун аймактарын жана имараттарын жасалгалоодо, Финансылык чалгындоонун документтеринин бланкаларында жана расмий басылмаларында, Финансылык чалгындоонун сыйлыктарында жана сувенирлеринде, ошондой эле башка учурларда Финансылык чалгындоонун төрагасынын чечими боюнча пайдаланылышы мүмкүн.

Эмблеманын сүрөтүнүн көчүрмөсүн ак-кара жана көлөмдүү варианттарда, ошондой эле англис тилиндеги жазуулар менен жасоого жол берилет.

6. Чет өлкөлүк адамдар катышкан иш-чараларда колдонуу максатында, туу кичине өлчөмдө (флагштоктун формасында), анын ичинде англис тилиндеги жазуулар менен даярдалышы мүмкүн.

7. Туу жана эмблема башка мамлекеттик органдар, юридикалык жактар жана жеке адамдар тарабынан пайдаланылышы мүмкүн эмес.

Тууну жана эмблеманы кордоого же аларга маани бузуучу жазууларды, белгилерди, сүрөттөрдү чиймелөөгө болбойт.

Кыргыз Республикасынын Өкмөтүнө караштуу Финансылык чалгындоо мамлекеттик кызматынын туусунун жана эмблемасынын эскиздери