КР Министрлер Кабинетинин 2023-жылдын 13-январындагы № 13 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2012-жылдын 31-декабры № 878

Кыргыз Республикасынын Өкмөтүнүн 2004-жылдын 23-февралындагы № 93 "Кыргыз Республикасынын Өкмөтүнө караштуу Интеллектуалдык менчик жаатында тартип бузууларга каршы аракеттенүү боюнча ведомстволор аралык комиссия жөнүндө" токтомуна өзгөртүүлөрдү киргизүү тууралуу

Кыргыз Республикасында интеллектуалдык менчик чөйрөсүндө тартип бузууларга каршы күрөшүү багытында мамлекеттик органдардын өз ара эриш-аркак иштөөсүнүн натыйжалуулугун жогорулатуу максатында Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2004-жылдын 23-февралындагы № 93 "Кыргыз Республикасынын Өкмөтүнө караштуу Интеллектуалдык менчик жаатында тартип бузууларга каршы аракеттенүү боюнча ведомстволор аралык комиссия жөнүндө" токтомуна төмөнкүдөй өзгөртүүлөр киргизилсин:

- аталган токтом менен бекитилген Кыргыз Республикасынын Өкмөтүнө караштуу Интеллектуалдык менчик жаатында тартип бузууларга каршы аракеттенүү боюнча ведомстволор аралык комиссия жөнүндө жобонун 6-пунктундагы "Премьер-министр" деген сөздөр "биринчи вице-премьер-министр" деген сөздөргө алмаштырылсын;

- Кыргыз Республикасынын Өкмөтүнүн жогоруда аталган токтому менен бекитилген Кыргыз Республикасынын Өкмөтүнө караштуу Интеллектуалдык менчик жаатында тартип бузууларга каршы аракеттенүү боюнча ведомстволор аралык комиссиянын курамында:

"Кыргыз Республикасынын экономика жана инвестициялар боюнча вице-премьер-министри" деген сөздөр "Кыргыз Республикасынын биринчи вице-премьер-министри" деген сөздөргө алмаштырылсын;

"Кыргыз Республикасынын экономика жана монополияга каршы саясат министри" деген сөздөр "Кыргыз Республикасынын экономика министри" деген сөздөргө алмаштырылсын.

2. Бул токтом расмий жарыяланган күндөн тартып күчүнө кирет.