ТоктомКүчүн жоготту

Кыргыз Республикасынын Өкмөтүнүн 2012-жылдын 24-октябрындагы № 745 «Кыргыз Республикасынын Социалдык фонду тарабынан Мамлекеттик пенсиялык топтоо фондунун пенсиялык топтолгон каражаттарын төлөп берүү эрежеси жөнүндө» токтому

Редакция
Жүктөө .docx
Бул документ орус тилинде да барОрусча
Кыргыз Республикасынын Мамлекеттик герби

Кыргыз Республикасынын

Министрлер Кабинетинин

2025-жылдын 11-сентябрындагы № 578

токтомуна ылайык

КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮНҮН

ТОКТОМУ

2012-жылдын 24-октябры № 745

Кыргыз Республикасынын Социалдык фонду тарабынан Мамлекеттик пенсиялык топтоо фондунун пенсиялык топтолгон

каражаттарын төлөп берүү эрежеси жөнүндө

 

Кыргыз Республикасынын Социалдык фонду тарабынан Мамлекеттик пенсиялык топтоо фондунун пенсиялык топтолгон каражаттарынан төлөөнүн тартибин белгилөө максатында Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Социалдык фонду тарабынан Мамлекеттик пенсиялык топтоо фондунун пенсиялык топтолгон каражаттарын төлөп берүү эрежеси (мындан ары - Эреже) тиркемеге ылайык бекитилсин.

2. Кыргыз Республикасынын Социалдык фонду ушул токтомдун 1-пункту менен бекитилген Эрежеге ылайык Мамлекеттик пенсиялык топтоо фондунун пенсиялык топтолгон каражаттарын төлөөнү төмөнкүдөй тартипте камсыз кылсын:

Кыргыз Республикасынын мыйзамдарында аныкталган учурдан баштап камсыздалган, каза болгон адамдын мурасчыларына:

2013-жылдын 1-январынан тартып:

а) Кыргыз Республикасынын жарандарына, туруктуу жашоого Кыргыз Республикасынын чегинен тышкары кеткен жана кетип жаткан чет өлкөлүк жарандарга жана жарандыгы жок адамдарга:

б) жеке камсыздандыруу эсебинин топтоо бөлүгүндө эсепке алынган пенсиялык топтоолору бар иштеп жаткан жана Мамлекеттик пенсиялык топтоо фондуна камсыздандыруу төгүмдөрүн төлөөдөн 2012-жылдын 1-январынан тартып бошотулган пенсионерлерге;

2013-жылдын 1-январынан тартып, бирок мамлекеттик пенсиялык социалдык камсыздандыруу боюнча пенсияга укук пайда болгон күндөн мурда эмес, төмөнкү камсыздандырылган адамдарга:

а) 2012-жылдын 1-январынан тартып пенсиянын топтоо бөлүгүн түзүүдөн чыгарылгандарга: 1964-жылдын 1-январынан мурда төрөлгөн эркектерге, жана 1969-жылдын 1-январынан мурда төрөлгөн аялдарга:

б) "Мамлекеттик пенсиялык социалдык камсыздандыруу жөнүндө" Кыргыз Республикасынын Мыйзамына ылайык пенсияга чыгып жаткандарга;

в) "Аскер кызматкерлерин пенсия менен камсыз кылуу жөнүндө" Кыргыз Республикасынын Мыйзамына ылайык пенсияга чыккандарга.

3. Бул токтомдун аткарылышын контролдоо Кыргыз Республикасынын Өкмөтүнүн Аппаратынын социалдык өнүктүрүү бөлүмүнө тапшырылсын.

4. Бул токтом расмий жарыяланган күндөн тартып күчүнө кирет.

 

 

Премьер-министр

 

 

 

Ж. Сатыбалдиев