КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2011-жылдын 3-январы №1

Кыргыз Республикасында өзгөчө жана кризистүү кырдаалдарда бирдиктүү маалыматтык-башкаруу системасы жөнүндө жобону бекитүү тууралуу

Өзгөчө жана кризистүү кырдаалдарда бирдиктүү маалыматтык-башкаруу системасын түзүү жана анын иштешин камсыз кылуу максатында Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасында өзгөчө жана кризистүү кырдаалдарда бирдиктүү маалыматтык-башкаруу системасы жөнүндө жобо бекитилсин.

2. Кыргыз Республикасынын Өзгөчө кырдаалдар министрлиги Кыргыз Республикасынын Финансы министрлиги менен биргеликте Кыргыз Республикасында өзгөчө жана кризистүү кырдаалдарда бирдиктүү маалыматтык-башкаруу системасын өнүктүрүү үчүн эл аралык финансы институттарынан техникалык жардам тартуу боюнча иштерди уюштурсун.

3. Бул токтом расмий жарыяланган күндөн тартып күчүнө кирет.