КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2013-жылдын 18-февралы № 86

Кыргыз Республикасынын Экономика жана коммерция министрлигине караштуу Кыргыз аккредитациялоо борборунун маселелери жөнүндө

(КР Өкмөтүнүн 2021-жылдын 10-мартындагы № 85, 2021-жылдын 1-апрелиндеги № 128, КР Министрлер Кабинетинин 2022-жылдын 29-августундагы № 474, 2023-жылдын 17-февралындагы № 78 токтомдорунун редакцияларына ылайык)

Кыргыз Республикасынын Экономика жана коммерция министрлигине караштуу Аккредитациялоо борборунун "КСА" логотибин эл аралык уюмдарда шайкештикти баалоо органдарын аккредитациялоо боюнча улуттук орган катары сактап калуу максатында Кыргыз Республикасынын Өкмөтү токтом кылат:

(КР Министрлер Кабинетинин 2023-жылдын 17-февралындагы № 78 токтомунун редакциясына ылайык)

1. Кыргыз Республикасынын Экономикалык тескөө министрлигинин алдындагы Аккредитациялоо борбору Кыргыз Республикасынын Экономика жана коммерция министрлигине караштуу Кыргыз аккредитациялоо борбору болуп кайра аталсын.

(КР Министрлер Кабинетинин 2023-жылдын 17-февралындагы № 78 токтомунун редакциясына ылайык)

2. Кыргыз Республикасынын Өкмөтүнүн 2006-жылдын 16-ноябрындагы № 795 "Кыргыз Республикасында шайкештикти баалоо боюнча органдарды аккредитациялоо жөнүндө" токтомуна төмөнкүдөй өзгөртүүлөр киргизилсин:

бүткүл тексти боюнча ар кандай жөндөмөдөгү "Кыргыз Республикасынын Экономикалык тескөө министрлигинин алдындагы Аккредитациялоо борбору" деген сөздөр тиешелүү жөндөмөдө "Кыргыз Республикасынын Экономика министрлигинин алдындагы Кыргыз аккредитациялоо борбору" деген сөздөргө алмаштырылсын;

4, 5, 7, 9, 10, 15-пункттар күчүн жоготту деп табылсын;

- жогоруда аталган токтом менен бекитилген Шайкештикти баалоо боюнча органдарды аккредитациялоо боюнча кеңеш жөнүндө жободо:

II бөлүмүнүн алтынчы абзацы төмөнкү редакцияда берилсин:

"- Кыргыз Республикасынын Экономика министрлигинин алдындагы Кыргыз аккредитациялоо борборунун директорунун кызмат ордуна дайындоо үчүн талапкер боюнча Кыргыз Республикасынын Экономика министрлигине сунуш берүү.".

3. (КР Министрлер Кабинетинин 2022-жылдын 29-августундагы № 474 токтомуна ылайык күчүн жоготту)

4. Кыргыз Республикасынын Өкмөтүнүн 2008-жылдын 16-августундагы № 457 "Кыргыз Республикасынын Экономикалык тескөө министрлигинин алдындагы Аккредитациялоо борборунун атайын каражаттары жөнүндө жобону бекитүү тууралуу" токтомуна төмөнкүдөй өзгөртүүлөр киргизилсин:

- аталышындагы "Кыргыз Республикасынын Экономикалык тескөө министрлигинин алдындагы Аккредитациялоо борборунун" деген сөздөр "Кыргыз Республикасынын Экономика министрлигинин алдындагы Кыргыз аккредитациялоо борборунун" деген сөздөргө алмаштырылсын;

- жогоруда аталган токтом менен бекитилген Кыргыз Республикасынын Экономикалык тескөө министрлигинин алдындагы Аккредитациялоо борборунун атайын каражаттары жөнүндө жободо:

аталышындагы "Кыргыз Республикасынын Экономикалык тескөө министрлигинин алдындагы Аккредитациялоо борборунун" деген сөздөр "Кыргыз Республикасынын Экономика министрлигинин алдындагы Кыргыз аккредитациялоо борборунун" деген сөздөргө алмаштырылсын;

1.2-пунктундагы "Кыргыз Республикасынын Экономикалык тескөө министрлигинин алдындагы Аккредитациялоо борбору (мындан ары - Аккредитациялоо борбору)" деген сөздөр "Кыргыз Республикасынын Экономика министрлигинин алдындагы Кыргыз аккредитациялоо борбору (мындан ары - КАБ)" деген сөздөргө алмаштырылсын;

бүткүл тексти боюнча ар кандай жөндөмөдөгү "Аккредитациялоо борбору" деген сөздөр "КАБ" аббревиатурасына алмаштырылсын;

1.3-пунктундагы "Кыргыз Республикасынын Өкмөтүнө караштуу Монополияга каршы саясат жана атаандаштыкты өнүктүрүү боюнча мамлекеттик агенттиги менен макулдашуу боюнча" деген сөздөр "монополияга каршы жөнгө салуучу ыйгарым укуктуу мамлекеттик орган менен макулдашуу боюнча" деген сөздөргө алмаштырылсын;

2.2-пунктунун экинчи абзацы төмөнкү редакцияда берилсин:

"- 50 пайызга чейин - бекитилген Прейскурантка ылайык аккредитациялоо же инспекциялык контролдоо боюнча кызмат көрсөтүүлөр үчүн юридикалык жактарга, ошондой эле Кыргыз аккредитациялоо борборунун баалоочуларынын жана техникалык эксперттеринин реестрине киргизилген жеке жактарга акы төлөөгө;".

5. (КР Өкмөтүнүн 2021-жылдын 1-апрелиндеги № 128 токтомуна ылайык күчүн жоготту)

6. (КР Өкмөтүнүн 2021-жылдын 10-мартындагы № 85 токтомуна ылайык күчүн жоготту)

7. Кыргыз Республикасынын Экономика министрлиги өзүнүн чечимдерин ушул токтомго ылайык келтирсин.

8. Бул токтом расмий жарыяланган күндөн тартып күчүнө кирет.

"Эркин Тоо" газетасынын 2013-жылдын 22-февралында № 15 жарыяланды