КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2013-жылдын 6-февралы № 51

Баку шаарында 2012-жылдын 30-мартында кол коюлган Маданият жаатында кызматташуу жөнүндө Кыргыз Республикасынын Өкмөтү менен Азербайжан Республикасынын Өкмөтүнүн ортосундагы Макулдашууну бекитүү тууралуу

Баку шаарында 2012-жылдын 30-мартында кол коюлган Маданият жаатында кызматташуу жөнүндө Кыргыз Республикасынын Өкмөтү менен Азербайжан Республикасынын Өкмөтүнүн ортосундагы Макулдашуунун 16-беренесинде каралган ички мамлекеттик жол-жоболорду аткаруу максатында, "Кыргыз Республикасынын эл аралык келишимдери жөнүндө" жана "Кыргыз Республикасынын ченемдик укуктук актылары жөнүндө" Кыргыз Республикасынын мыйзамдарынын негизинде Кыргыз Республикасынын Өкмөтү

ТОКТОМ КЫЛАТ:

1. Баку шаарында 2012-жылдын 30-мартында кол коюлган Маданият жаатында кызматташуу жөнүндө Кыргыз Республикасынын Өкмөтү менен Азербайжан Республикасынын Өкмөтүнүн ортосундагы тиркелген Макулдашуу бекитилсин.

2. Кыргыз Республикасынын Маданият жана туризм министрлиги аталган Макулдашууну аткарууга жооптуу орган болуп аныкталсын.

3. Кыргыз Республикасынын Тышкы иштер министрлиги аталган Макулдашуунун күчүнө кириши үчүн зарыл болгон ички мамлекеттик жол-жоболорду Кыргыз Республикасынын аткаргандыгы жөнүндө азербайжан тарапка билдирүү жиберсин.

4. Бул токтом расмий жарыяланган күндөн баштап күчүнө кирет.