КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2013-жылдын 8-февралы № 54

Санкт-Петербург шаарында 2011-жылдын 18-октябрында кол коюлган, Чернобылдагы жана башка радиациялык апааттардын жана кырсыктардын, ошондой эле ядролук сыноолордун натыйжасында радиациянын таасирине дуушар болгон жарандарды социалдык коргоо жана саламаттыгын сактоо жөнүндө 1994-жылдын 9-сентябрындагы макулдашууга өзгөртүүлөрдү жана толуктоолорду киргизүү тууралуу протоколду бекитүү жөнүндө

Мамлекеттик ички жол-жоболорду аткаруу максатында, "Кыргыз Республикасынын эл аралык келишимдери жөнүндө" Кыргыз Республикасынын Мыйзамынын негизинде Кыргыз Республикасынын Өкмөтү

ТОКТОМ КЫЛАТ:

1. Санкт-Петербург шаарында 2011-жылдын 18-октябрында кол коюлган, Чернобылдагы жана башка радиациялык апааттардын жана кырсыктардын, ошондой эле ядролук сыноолордун натыйжасында радиациянын таасирине дуушар болгон жарандарды социалдык коргоо жана саламаттыгын сактоо жөнүндө 1994-жылдын 9-сентябрындагы макулдашууга өзгөртүүлөрдү жана толуктоолорду киргизүү тууралуу тиркелген Протокол бекитилсин.

2. Кыргыз Республикасынын Тышкы иштер министрлиги аталган Протоколдун күчүнө кирүүсү үчүн зарыл болгон мамлекеттик ички жол-жоболорду Кыргыз Республикасынын аткаргандыгы жөнүндө Көз карандысыз Мамлекеттер Шериктештигинин Аткаруу комитетине билдирсин.

3. Бул токтом расмий жарыяланган күндөн тартып күчүнө кирет.