КР Өкмөтүнүн 2016-жылдын 17-июнундагы № 329 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮНҮН

ТОКТОМУ

2013-жылдын 9-апрели № 180

Кыргыз Республикасынын Өкмөтүнүн 2012-жылдын 17-февралындагы № 105 "Кыргыз Республикасынын аткаруу бийлигинин мамлекеттик органдарынын жана жергиликтүү өз алдынча башкаруу органдарынын ишинин натыйжалуулугун баалоо жөнүндө" токтомуна өзгөртүү киргизүү тууралуу

Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2012-жылдын 17-февралындагы № 105 "Кыргыз Республикасынын аткаруу бийлигинин мамлекеттик органдарынын жана жергиликтүү өз алдынча башкаруу органдарынын ишинин натыйжалуулугун баалоо жөнүндө" токтомуна төмөнкү өзгөртүү киргизилсин:

4-пункт төмөнкү редакцияда берилсин:

"4. Кыргыз Республикасынын жергиликтүү өз алдынча башкаруу органдарынын ишине түрткү берүү максатында айыл өкмөттөрүнүн арасында "Эң мыкты айыл өкмөтү" наамына жалпы мамлекеттик конкурс төмөнкү байге фонду менен уюштурулсун:

1-орун үчүн - 3,0 млн. сом;

2-орун үчүн - 2,0 млн. сом;

3-орун үчүн - 1,0 млн. сом.".

2. Бул токтом расмий жарыяланган күндөн баштап күчүнө кирет.

"Эркин Тоо" газетасынын 2013-жылдын 12-апрелинде № 28 жарыяланды