КР Ѳкмѳтγнγн

2015-жылдын 6-апрели № 197 токтомуна ылайык

кγчγн жоготту

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2013-жылдын 14-марты № 132

Кыргыз Республикасынын Өкмөтүнүн 2008-жылдын 11-июлундагы № 372 "Мамлекеттик мекемелерде, анын ичинде аткаруу бийлигинин мамлекеттик органдарынын карамагындагы мекемелерде иштеген жана мамлекеттик кызматкерлердин категорияларына кирбеген кызматкерлерге эмгек акы төлөөнүн шарттары жөнүндө" токтомуна өзгөртүүлөрдү киргизүү тууралуу

Кыргыз Республикасынын Айыл чарба жана мелиорация министрлигинин Суу чарба жана мелиорация департаментинин линиялык персоналына жана жумушчуларына эмгек акы төлөө шарттарын жакшыртуу максатында Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2008-жылдын 11-июлундагы № 372 "Мамлекеттик мекемелерде, анын ичинде аткаруу бийлигинин мамлекеттик органдарынын карамагындагы мекемелерде иштеген жана мамлекеттик кызматкерлердин категорияларына кирбеген кызматкерлерге эмгек акы төлөөнүн шарттары жөнүндө" токтомуна төмөнкүдөй өзгөртүүлөр киргизилсин:

- 10-тиркеменин аталышындагы "Айыл, суу чарба жана кайра иштетүү өнөр жай министрлигинин" деген сөздөр "Айыл чарба жана мелиорация министрлигинин" деген сөздөргө алмаштырылсын;

- жогоруда аталган токтомдун 11-тиркемесинде:

тиркеменин аталышындагы "Айыл, суу чарба жана кайра иштетүү өнөр жай министрлигинин Суу чарба" деген сөздөр "Айыл чарба жана мелиорация министрлигинин Суу чарба жана мелиорация" деген сөздөргө алмаштырылсын;

III бөлүмүнүн 6 жана 7-пункттарындагы "2100" жана "2300" цифралары тиешелүү түрдө "3150" жана "3450" цифраларына алмаштырылсын;

IV бөлүмүндө:

1, 2, 3, 5-пункттарындагы "2000" цифралары "3000" цифраларына алмаштырылсын;

4-пунктундагы "2100" цифралары "3150" цифраларына алмаштырылсын;

6 жана 7-пункттарындагы "1700" цифралары "2550" цифраларына алмаштырылсын;

8-пунктундагы "1800" цифралары "2700" цифраларына алмаштырылсын.

2. Кыргыз Республикасынын Финансы министрлиги белгиленген тартипте бул токтомдон келип чыккан чараларды көрсүн.

3. Бул токтом Кыргыз Республикасынын Айыл чарба жана мелиорация министрлигинин Суу чарба жана мелиорация департаментинин линиялык персоналынын жана жумушчуларынын 2013-жылдын 1-июлунан тартып күчүнө кирүүчү кызматтык маяналарын жогорулатууну караган жоболорду кошпогондо, расмий жарыяланган күндөн тартып күчүнө кирет.