КР Президентинин

2022-жылдын 31-майындагы № 172 жарлыгына

ылайык күчүн жоготту

КЫРГЫЗ РЕСПУБЛИКАСЫНЫН ПРЕЗИДЕНТИ

ЖАРЛЫК

2008-жылдын 27-ноябры ПЖ № 417

2009-жылы жазгы-талаа жумуштарын ийгиликтүү өткөрүүнү камсыз кылуу боюнча чаралар жөнүндө

(КР Президентинин 2009-жылдын 10-февралындагы ПЖ № 94 Жарлыгынынредакциясына ылайык)

2009-жылы жазгы-талаа жумуштарын натыйжалуу өткөрүү жана айылдык товар өндүрүүчүлөргө мамлекеттик колдоо көрсөтүү маселесин чечүү, ошондой эле Кыргыз Республикасынын азык-түлүк коопсуздугун камсыз кылуу максатында

ТОКТОМ КЫЛАМ:

1. Айылдык товар өндүрүүчүлөргө системалуу колдоо көрсөтүү агроөнөржай комплексин өнүктүрүү боюнча мамлекеттик саясаттын артыкчылыктуу багыты катары аныкталсын.

2. Кыргыз Республикасынын Өкмөтү:

- кийин брондон чыгаруу жана айылдык товар өндүрүүчүлөргө, мында ири айыл чарба товар өндүрүүчүлөрүнө - айыл чарба кооперативдерине, үрөнчүлүк жана асыл-тукум чарбаларына, агротехникалык сервистик борборлорго салынган баасы боюнча артыкчылык менен сатып өткөрүү үчүн 15 миң куб. метр дизель отунун мамлекеттик материалдык резервге коюуга каралган каражатты өз убагында бөлүүнү камсыз кылсын;

- эки айлык мөөнөттө төмөнкү өлчөмдө финансылык каражаттарды издеп тапсын:

айылдык товар өндүрүүчүлөргө кийин лизингге берүү үчүн ата мекендик өндүрүшчүлөрдөн айыл чарба техникасын жана жабдууларды сатып алуу мүмкүнчүлүгү менен 75 миллион сом;

- айылдык товар өндүрүүчүлөрдү жеңилдетилген кредиттик ресурстар менен камсыз кылуу максатында 2 жылдык мөөнөткө "Айыл Банк" ачык акционердик коомуна жылдык ставкасы 3 пайыздык бюджеттик ссуданы берүү үчүн 150 миллион сом;

- эки айлык мөөнөттө белгиленген тартипте Кыргыз Республикасынын Жогорку Кеңешинин кароосуна төмөнкүлөр жөнүндө сунуштарды киргизсин:

республиканын үрөнчүлүк жана асыл-тукум чарбаларынын мөөнөтү өткөн кредиттик, анын ичинде чет өлкөлүк кредиттер жана гранттар боюнча карыздарын 5 жылдык мөөнөткө реструкташтыруу жөнүндө;

айыл чарба кооперативдерине, үрөнчүлүк жана асыл-тукум чарбаларына айыл чарба айдоолорун кайра бөлүштүрүү фондунун жерлерин биринчи кезекте ижарага берүү жөнүндө;

- ченемдик укуктук актыларды ушул Жарлыкка ылайык келтирсин.

(КР Президентинин 2009-жылдын 10-февралындагы ПЖ № 94 Жарлыгынын редакциясына ылайык)

3. Бул Жарлыктын аткарылышына контролдук кылуу милдети Кыргыз Республикасынын Президентинин Администрациясынын экономикалык жана социалдык саясат бөлүмүнө жүктөлсүн.

4. Бул Жарлык жарыяланган күндөн тартып күчүнө кирет.