КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2013-жылдын 28-июну № 387

Ялта шаарында 2012-жылдын 28-сентябрында кол коюлган инфекциялык оорулар менен күрөшүү жаатында Евразиялык экономикалык коомдоштугуна мүчө мамлекеттердин кызматташуусу жөнүндө макулдашууну бекитүү тууралуу

"Кыргыз Республикасынын эл аралык келишимдери жөнүндө" Кыргыз Республикасынын Мыйзамына ылайык мамлекет ичиндеги жол-жоболорду аткаруу максатында Кыргыз Республикасынын Өкмөтү

ТОКТОМ КЫЛАТ:

1. Тиркелген: Ялта шаарында 2012-жылдын 28-сентябрында кол коюлган инфекциялык оорулар менен күрөшүү жаатында Евразиялык экономикалык коомдоштугуна мүчө мамлекеттердин кызматташуусу жөнүндө макулдашуу бекитилсин.

2. Кыргыз Республикасынын Тышкы иштер министрлиги Евразия экономикалык коомдоштугунун Интеграциялык комитетине ушул макулдашуунун күчүнө кириши үчүн зарыл болгон мамлекет ичиндеги жол-жоболорду Кыргыз Республикасы аткаргандыгы тууралуу билдирсин.

3. Бул токтом расмий жарыяланган күндөн тартып күчүнө кирет.