КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2013-жылдын 16-августу № 460

Автомашиналарды мамлекеттик менчикке кабыл алуу жөнүндө

Кыргыз Республикасынын ички иштер органдарынын материалдык-техникалык базасын чыңдоо максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10, 17-беренелерине жана Кыргыз Республикасынын Бажы кодексине ылайык Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнө караштуу Мамлекеттик бажы кызматы Эл аралык кызматташтык боюнча Германия коомунун арызынын негизинде 2004-жылы чыгарылган, кузовунун № КА24152019А "Ниссан-Террано маркасындагы автомашинаны мамлекеттин пайдасына баш тартуунун бажы режиминде тариздөөнү жүргүзсүн.

2. Кыргыз Республикасынын Өкмөтүнө караштуу Мамлекеттик мүлктү башкаруу боюнча фонд:

- белгиленген тартипте ушул токтомдун 1-пунктунда көрсөтүлгөн автомашинаны мамлекеттик менчикке кабыл алсын;

- ушул токтомдун 1-пунктунда көрсөтүлгөн автомашинанын наркын баалоону жүргүзсүн жана аны Кыргыз Республикасынын Ички иштер министрлигинин ыкчам башкаруусуна өткөрүп берсин.

3. Кыргыз Республикасынын Финансы министрлиги ушул токтомдун 1-пунктунда көрсөтүлгөн мүлктүн наркын республикалык бюджеттин киреше бөлүгүндө эске алсын.

4. Бул токтом расмий жарыяланган күндөн тартып күчүнө кирет.