КР Өкмөтүнүн 2016-жылдын 1-февралындагы № 47 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2014-жылдын 11-январы № 19

Кыргыз Республикасынын Өкмөтүнүн 2009-жылдын 14-апрелиндеги № 231

"Продукцияны ата мекендик өндүрүшчүлөрдөн бир булактан сатып алуу

 ыкмасы менен сатып алуу жөнүндө" токтомуна өзгөртүү киргизүү тууралуу

Товарларды сатып алууга жумшалуучу мамлекеттик каражаттарды сарамжалдуу пайдалануу максатында, "Мамлекеттик сатып алуулар жөнүндө" Кыргыз Республикасынын Мыйзамынын 38-беренесине ылайык, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10, 17-беренелерин жетекчиликке алып Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2009-жылдын 14-апрелиндеги № 231 "Продукцияны ата мекендик өндүрүшчүлөрдөн бир булактан сатып алуу ыкмасы менен сатып алуу жөнүндө" токтомуна төмөнкүдөй өзгөртүү киргизилсин:

- жогоруда аталган токтомдун тиркемесинде:

1-пункттун "Ишканалардын аталышы" графасындагы "OREMI" ААК" деген сөз жана аббревиатура "OREMI-Тяжэлектромаш" ЖЧК" деген сөздөр жана аббревиатура менен алмаштырылсын.

2. Бул токтом расмий жарыяланган күндөн он беш күн өткөндөн кийин күчүнө кирет.