КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2014-жылдын 13-январы № 22

Кыргыз Республикасынын Өкмөтүнүн 2006-жылдын 11-январындагы № 8

 "Шайкештиги милдеттүү түрдө тастыкталууга тийиш болгон продукцияларды

Кыргыз Республикасынын аймагына жүгүртүү үчүн алып келүүнүн тартиби жана

Кыргыз Республикасынын чегинен сырткары алынган продукциянын шайкештигин

 милдеттүү түрдө тастыктоонун натыйжаларын таануу жөнүндө"

токтомуна өзгөртүү киргизүү тууралуу

Ветеринардык багыттагы өндүрүмдөрдү Кыргыз Республикасынын аймагына киргизүүдө бирдиктүү талаптарды белгилөө максатында, "Ветеринария жөнүндө" Кыргыз Республикасынын Мыйзамына ылайык, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерин жетекчиликке алып Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2006-жылдын 11-январындагы № 8 "Шайкештиги милдеттүү түрдө тастыкталууга тийиш болгон продукцияларды Кыргыз Республикасынын аймагына жүгүртүү үчүн алып келүүнүн тартиби жана Кыргыз Республикасынын чегинен сырткары алынган продукциянын шайкештигин милдеттүү түрдө тастыктоонун натыйжаларын таануу жөнүндө" токтомуна төмөнкү өзгөртүү киргизилсин:

жогоруда аталган токтом менен бекитилген Шайкештиги милдеттүү түрдө тастыкталууга тийиш болгон продукцияларды Кыргыз Республикасынын аймагына алып келүүнүн тартибинде:

- 1-баптын 1.4-пунктунун бешинчи абзацы төмөнкүдөй редакцияда берилсин:

"- дары-дармек каражаттарын, медициналык жана ветеринардык багыттагы товарларды кабыл алган жана сактаган, ал эми шайкештигин тастыктоо жол-жобосу бүткөндөн кийин - аларды берген жана саткан кабыл алуучунун дарыкана кампаларына жайгаштыруу шарты менен дары-дармек каражаттарын, медициналык жана ветеринариялык багыттагы товарларды;".

2. Бул токтом расмий жарыяланган күндөн 15 күн өткөндөн кийин күчүнө кирет.