КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2011-жылдын 13-июлу№386

"ЭСК Банк" ачык акционердик коомунун уставдык капиталын көбөйтүү жөнүндө

(КР Өкмөтүнүн 2014-жылдын 13-октябрындагы № 598 токтомунун редакциясына ылайык)

Кыргыз Республикасында 2010-жылдын апрель жана июнь окуяларынын жүрүшүндө жабыр тарткан ишкерлерге жеңилдетилген кредит берүүнү камсыз кылуу максатында Кыргыз Республикасынын Өкмөтү

ТОКТОМ КЫЛАТ:

1. (КР Өкмөтүнүн 2014-жылдын 13-октябрындагы № 598 токтомунун редакциясына ылайык күчүн жоготту)

2. Кыргыз Республикасынын Өкмөтүнө караштуу Мамлекеттик мүлктү башкаруу боюнча фонд:

- "ЭСК Банк" ачык акционердик коомунун уставдык капиталын 897,0 млн. сом суммасына көбөйтүүнү Кыргыз Республикасынын мыйзамдарында белгиленген тартипте ишке ашырсын;

- жыл сайын "ЭСК Банк" ачык акционердик коомунун таза пайдасынын 50 пайызы өзүнүн уставдык капиталын көбөйтүүгө жана таза пайдасынын 50 пайызы дивиденд катары Кыргыз Республикасынын республикалык бюджетине багытталсын.

(КР Өкмөтүнүн 2014-жылдын 13-октябрындагы № 598 токтомунун редакциясына ылайык)

3. Бул токтомдун аткарылышын контролдоо Кыргыз Республикасынын Өкмөтүнүн Аппаратынын финансы жана кредиттик саясаты бөлүмүнө жүктөлсүн.

(КР Өкмөтүнүн 2014-жылдын 13-октябрындагы № 598 токтомунун редакциясына ылайык)

4. Бул токтом расмий жарыяланган күндөн тартып күчүнө кирет жана "ЭСК Банк" ачык акционердик коомун капиталдаштыруу аяктаганга чейин колдонулат.

(КР Өкмөтүнүн 2014-жылдын 13-октябрындагы № 598 токтомунун редакциясына ылайык)