КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2011-жылдын 27-октябры №687

Кыргыз Республикасынын Өкмөтүнүн айрым чечимдерине толуктоолорду жана өзгөртүүлөрдү киргизүү жөнүндө

(Кыргыз Республикасынын Өкмөтүнүн 2021-жылдын 21-апрелиндеги № 161, Кыргыз Республикасынын Министрлер Кабинетинин 2023-жылдын 23-майындагы № 269, 2023-жылдын 13-декабрындагы № 675 токтомдорунун редакцияларына ылайык)

Кыргыз Республикасынын калкына социалдык кепилдиктерди жана компенсацияларды берүү боюнча ченемдик укуктук актыларды шайкеш келтирүү максатында Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 1994-жылдын 22-февралындагы №79 "Чернобыль апаатынын кесепетинен жапа чеккен Кыргыз Республикасынын граждандарын социалдык жактан коргоо жөнүндө" Кыргыз Республикасынын Мыйзамын ишке ашыруу тууралуу" токтомуна төмөнкүдөй өзгөртүү киргизилсин:

- 6 жана 8-пункттарда түрдүү жөндөмөлөрдөгү "Кыргыз Республикасынын Өкмөтүнө караштуу Социалдык камсыз кылуу мамлекеттик агенттиги" деген сөздөр тиешелүү жөндөмөлөрдө "социалдык коргоо жаатындагы ыйгарым укуктуу мамлекеттик орган" деген сөздөр менен алмаштырылсын.

2. Кыргыз Республикасынын Өкмөтүнүн 1995-жылдын 28-сентябрындагы №401 "Саясий жана диний ынанымы, социалдык, улуттук жана башка белгилери боюнча куугунтуктан жапа чегип, акталган граждандардын укугу жана гарантиялары жөнүндө" Кыргыз Республикасынын Мыйзамын ишке ашыруу тууралуу" токтомуна төмөнкүдөй өзгөртүүлөр киргизилсин:

- 3 жана 4-пункттарда ар кандай жөндөмөлөрдөгү "Кыргыз Республикасынын Өкмөтүнө караштуу Социалдык камсыз кылуу мамлекеттик агенттиги" деген сөздөр тиешелүү жөндөмөлөрдөгү "социалдык коргоо жаатындагы ыйгарым укуктуу мамлекеттик орган" деген сөздөр менен алмаштырылсын;

- 5-пунктта "Бишкек жана Ош ш." деген сөздөр "Бишкек жана Ош шаарлары" деген сөздөр менен алмаштырылсын;

- 6-пунктта "социалдык коргоо органдары" деген сөздөр "жергиликтүү мамлекеттик администрациялардын, Бишкек жана Ош шаарларынын жергиликтүү өз алдынча башкаруусунун комиссиялары" деген сөздөр менен алмаштырылсын;

- жогоруда аталган токтом менен бекитилген Саясий жана диний ынанымы, социалдык, улуттук жана башка белгилери боюнча куугунтуктан жапа чегип, акталган граждандардын укуктарын калыбына келтирүү тартиби жөнүндө жободо:

бүткүл текст боюнча "Бишкек шаарынын" деген сөздөр "Бишкек жана Ош шаарларынын" деген сөздөр менен алмаштырылсын;

3-пункттун экинчи абзацындагы "прокуратура жана сот органдары" деген сөздөр "прокуратура, сот органдары жана ички иштер органдары" деген сөздөр менен алмаштырылсын.

3. (КР Өкмөтүнүн 2021-жылдын 21-апрелиндеги № 161 токтомуна ылайык күчүн жоготту)

4. Кыргыз Республикасынын Өкмөтүнүн 1996-жылдын 31-июлундагы № 348 "Согуштун, Куралдуу Күчтөрдүн ардагерлери жана ооруктагы эмгекчилер жөнүндө" Кыргыз Республикасынын Мыйзамын жүзөгө ашыруу боюнча чаралар тууралуу" токтомуна төмөнкүдөй өзгөртүүлөр киргизилсин:

бүткүл текст боюнча ар кандай жөндөмөлөрдөгү "Кыргыз Республикасынын Өкмөтүнө караштуу Социалдык камсыз кылуу мамлекеттик агенттиги" деген сөздөр тиешелүү жөндөмөлөрдө "социалдык коргоо жаатындагы ыйгарым укуктуу мамлекеттик орган" деген сөздөр менен алмаштырылсын;

бүткүл текст боюнча ар кандай жөндөмөлөрдөгү "Өкмөтүнө караштуу Мамлекеттик маданият агенттиги" деген сөздөр тиешелүү жөндөмөлөрдө "маданият жана маалымат жаатындагы ыйгарым укуктуу мамлекеттик орган" деген сөздөр менен алмаштырылсын.

5. Кыргыз Республикасынын Өкмөтүнүн 2002-жылдын 20-декабрындагы № 863 "Кыргыз Республикасынын жарандарынын жеңилдиктерге укуктарын ырастоочу документтердин үлгүлөрүн бекитүү жөнүндө" токтомуна төмөнкүдөй өзгөртүүлөр киргизилсин:

- 2-пункт төмөнкүдөй редакцияда берилсин:

"2. Жеңилдик берүүчү күбөлүктөрдү алмаштыруу күбөлүктүн бланктарынын наркын албастан милдеттүү тартипте жүргүзүлсүн.";

- 5-пункт күчүн жоготту деп табылсын.

6. (КР Министрлер Кабинетинин 2023-жылдын 23-майындагы № 269 токтомуна ылайык күчүн жоготту)

7. (Кыргыз Республикасынын Министрлер Кабинетинин 2023-жылдын 13-декабрындагы № 675 токтомуна ылайык күчүн жоготту)

8. Кыргыз Республикасынын Өкмөтүнүн 2009-жылдын 22-декабрындагы № 795 "Жеңилдиктердин ордуна ай сайынкы акчалай компенсация төлөө жөнүндө" токтомуна төмөнкүдөй өзгөртүүлөр жана толуктоолор киргизилсин:

- 5-пункттагы "Кыргыз Республикасынын Өкмөтүнө караштуу Социалдык камсыз кылуу мамлекеттик агенттиги" деген сөздөр "социалдык коргоо жаатындагы ыйгарым укуктуу мамлекеттик орган" деген сөздөр менен алмаштырылсын;

- аталган токтомдун 1-тиркемесинде:

"Бир айдагы акчалай компенсациялардын өлчөмдөрү (сом менен)" графасындагы 9-пунктта "3000" цифралары "7000" цифраларына алмаштырылсын;

"Компенсацияга укуктуу жарандардын категориялары" графасындагы 16-пункттагы "Чернобыль АЭСтеги авариянын кесепетин жоюуга катышкан адамдардын балдары (18 жашка чейин)" деген сөздөр "Чернобыль апаатынын кесепетинен радиацияга дуушарланган ата-энелерде генетикалык өзгөрүүлөр болушунан улам тукум кубалаган оорусу жана аномалиясы бар биринчи жана кийинки эки муундагы балдар" деген сөздөр менен алмаштырылсын;

- жогоруда аталган токтом менен бекитилген Жеңилдиктердин ордуна ай сайынкы акчалай компенсацияларды чектөөнүн тартиби жөнүндө жободо:

1.5-пункттагы "Кыргыз Республикасынын Өкмөтүнө караштуу Социалдык камсыз кылуу мамлекеттик агенттиги" деген сөздөр "социалдык коргоо жаатындагы ыйгарым укуктуу мамлекеттик орган" деген сөздөр менен алмаштырылсын;

2.1-пункт төмөнкү мазмундагы абзацтар менен толукталсын:

"Кыргыз Республикасынын аймагында туруктуу жашагандыгын ырастаган документ болуп төмөнкүлөр саналат:

- колдонуу мөөнөтү жарактуу жана паспорттук-визалык жана каттоо ишинин аймактык бөлүмдөрүнүн каттоосу бар болгон 1994-жылдагы үлгүдөгү Кыргыз Республикасынын жаранынын жалпы жарандык паспорту;

- Кыргыз Республикасынын жаранынын паспорту.

Россия Федерациясынын жана Көз карандысыз Мамлекеттер Шериктештигинин (мындан ары - КМШ) башка мамлекеттеринин жарандарынын Кыргыз Республикасынын аймагында туруктуу жашагандыгын ырастаган документ болуп колдонуу мөөнөтү жарактуу жана паспорттук-визалык жана каттоо ишинин аймактык бөлүмдөрүнүн каттоосу бар болгон чет өлкөлүк жарандын жашоого туруктуу документи саналат.";

2.3-пункттун экинчи абзацы "фактысын далилдеген" деген сөздөрдөн кийин "туруктуу" деген сөз менен толукталсын;

2.4-пункт:

"Компенсацияны" деген сөздөн кийин "туруктуу жашаган (катталган) жери боюнча" деген сөз менен толукталсын;

төмөнкү мазмундагы абзацтар менен толукталсын:

"Алуучунун каалоосу боюнча компенсация анын каалаган банкта ачылган жеке банктык эсептешүү эсебине которулушу мүмкүн.

Банктын реквизиттерин жана жеке банктык эсептешүү эсебинин номерин алуучу жашаган жери боюнча социалдык коргоо башкармалыгына берет.";

2.8-пункт:

алтынчы абзацта "каттоо фактысы жана" деген сөздөрдөн мурда "туруктуу" деген сөз менен толукталсын:

төмөнкү мазмундагы абзац менен толукталсын:

"- Россия Федерациясынын жана КМШнын башка мамлекеттеринин жарандары үчүн чет өлкөлүк жарандын жашоого туруктуу документинин көчүрмөсү.";

3.1-пункт төмөнкү мазмундагы абзац менен толукталсын:

"- Россия Федерациясынын жана КМШнын башка мамлекеттеринин жарандары үчүн чет өлкөлүк жарандын жашоого туруктуу документинин көчүрмөсү.";

3.2-пункттун жетинчи абзацы "Кыргыз Республикасынын Башкы прокуратурасы," деген сөздөрдөн кийин "ошондой эле КМШ мамлекеттеринин прокуратура, сот органдары жана ички иштер органдары" деген сөздөр менен толукталсын;

3.2-пункттун сегизинчи абзацы "эки муунундагы балдары (18 жашка чейин) үчүн" деген сөздөрдөн кийин "ата-энеси радиоактивдүү нурланышынын мүмкүн болгон генетикалык кесепети менен шартталган тукум кууган оорулар болгон учурда" деген сөздөр менен толукталсын;

5.2-пункттагы "Кыргыз Республикасынын Өкмөтүнө караштуу Социалдык камсыз кылуу мамлекеттик агенттиги" деген сөздөр "социалдык коргоо жаатындагы ыйгарым укуктуу мамлекеттик орган" деген сөздөр менен алмаштырылсын.

9. Бул токтом расмий жарыяланган күндөн тартып күчүнө кирет, буга 8-пункттун төртүнчү абзацы кирбейт, ал 2011-жылдын 1-ноябрынан тартып күчүнө кирет.