КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2011-жылдын 28-октябры №688

Кувейт мамлекетинде Кыргыз Республикасынын Элчилигин түзүү жөнүндө

Кувейт мамлекети менен Кыргыз Республикасынын саясий, соода-экономикалык жана маданий-гуманитардык байланыштарын андан ары өнүктүрүүнү камсыздоо максатында Кыргыз Республикасынын Өкмөтү

ТОКТОМ КЫЛАТ:

1. Кувейт мамлекетинде жайгашуу орду Эль-Кувейт шаарында болуу менен Кыргыз Республикасынын Элчилиги түзүлсүн.

2. Кыргыз Республикасынын Финансы министрлиги жана Кыргыз Республикасынын Тышкы иштер министрлиги бир айлык мөөнөттө Кыргыз Республикасынын Кувейт мамлекетиндеги Элчилигинин ишин уюштуруучулук жана финансылык камсыздоо маселелерин чечсин

3. Кыргыз Республикасынын Тышкы иштер министрлиги белгиленген тартипте ушул токтомдон келип чыгуучу Кыргыз Республикасынын Өкмөтүнүн мурда кабыл алынган ченемдик укуктук актыларына өзгөртүүлөрдү жана толуктоолорду киргизүү жөнүндө Кыргыз Республикасынын Өкмөтүнүн тийиштүү чечимдеринин долбоорлорун Кыргыз Республикасынын Өкмөтүнө киргизсин.

4. Бул токтом расмий жарыяланган күндөн тартып күчүнө кирет.

"Эркин Тоо" газетасынын 2011-жылдын 1-ноябрында №92 жарыяланды