КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2001-жылдын 7-декабры № 768

Кыргыз Республикасынын Президентинин Кыргызстандын

калкына жана Кыргыз Республикасынын Жогорку Кеңешине

"Кыргызстандын учурдагы социалдык-экономикалык

абалы жана 2002-жылдагы өнүгүүнүн келечектери

жөнүндө" Кайрылуусун ишке ашыруу

боюнча Иш-чаралардын

планы тууралуу

Кыргыз Республикасынын Президенти 2001-жылдын 16-октябрында Кыргызстандын калкына жана Кыргыз Республикасынын Жогорку Кеңешине "Кыргызстандын учурдагы социалдык-экономикалык абалы жана 2002-жылдагы өнүгүүнүн келечектери жөнүндө" Кайрылуусунда койгон милдеттерди аткаруу максатында, ошондой эле республиканын социалдык-экономикалык өнүгүүсүнүн негизги көрсөткүчтөрүнө ийгиликтүү жетишүү үчүн Кыргыз Республикасынын Өкмөтү

ТОКТОМ КЫЛАТ:

1. Тиркелген: Кыргыз Республикасынын Президентинин Кыргызстандын калкына жана Кыргыз Республикасынын Жогорку Кеңешине "Кыргызстандын учурдагы социалдык-экономикалык абалы жана 2002-жылдагы өнүгүүнүн келечектери жөнүндө" Кайрылуусун ишке ашыруу боюнча Иш-чаралардын планы бекитилсин.

2. Министрликтер, мамлекеттик комитеттер, административдик ведомстволор, мамлекеттик комиссиялар, жергиликтүү мамлекеттик администрациялар, жергиликтүү өз алдынча башкаруу органдары:

- Кыргыз Республикасынын Президентинин Кыргызстандын калкына жана Кыргыз Республикасынын Жогорку Кеңешине "Кыргызстандын учурдагы социалдык-экономикалык абалы жана 2002-жылдагы өнүгүүнүн келечектери жөнүндө" Кайрылуусун ишке ашыруу боюнча Иш-чаралардын планын толук көлөмдө жана белгиленген мөөнөттөрдө аткаруу боюнча бардыгын камтыган чараларды көрүшсүн;

- квартал сайын, кийинки айдын 5-күнүнөн кечиктирбестен жогоруда айтылган иш-чараларды аткаруунун жүрүшү жөнүндө маалыматты Кыргыз Республикасынын Финансы министрлигине жалпылоо үчүн беришсин.

3. Кыргыз Республикасынын Финансы министрлиги жалпыланган маалыматты отчеттук кварталдан кийинки айдын 10-күнүнөн кечиктирбестен Кыргыз Республикасынын Өкмөтүнө берсин.

4. Бул токтомдун аткарылышын көзөмөлдөө Кыргыз Республикасынын Премьер-министринин Аппаратынын башкармасына жана бөлүмдөрүнө тапшырылсын.