Байма-бай автобустук каттамдарды тейлөө үчүн

автоташуучуну аныктоо конкурстарын (тендерлерин)

 уюштуруу жана өткөрүү жөнүндө жобо

1. Жалпы жоболор

1. Байма-бай автобустук каттамдарды тейлөө үчүн автоташуучуну аныктоо конкурстарын (тендерлерин) уюштуруу жана өткөрүү жөнүндө бул жобо (мындан ары - Жобо) шаар четиндеги жана шаар аралык каттамдарда автомобиль унаасы менен жүргүнчүлөрдү ташууну уюштуруу үчүн автоташуучуну же автоташуучуларды аныктоого ачык Конкурстарды өткөрүүнүн тартибин аныктайт, ачык конкурска катышкан юридикалык жана жеке жактарга (мындан ары - Катышуучуга) карата талаптарды белгилейт.

2. Бул Жобонун максаты автомобиль унаасы менен жүргүнчүлөрдү сапаттуу тейлөөнү, ошондой эле шаар четиндеги жана шаар аралык каттамдарда ачык акыйкаттуу атаандаштыкты камсыз кылуу болуп эсептелет.

2. Конкурстук комиссия

3. Конкурс унаа чөйрөсүндөгү ыйгарым укуктуу мамлекеттик орган тарабынан өткөрүлөт (мындан ары - Конкурсту уюштуруучу).

4. Конкурстук сунуштарды кароо, аларды баалоо жана конкурстун жеңүүчүсүн аныктоо үчүн Конкурсту уюштуруучу конкурстук комиссияны түзөт жана конкурстук Комиссиянын (мындан ары - Комиссия) курамын бекитет.

Комиссиянын курамына Комиссиянын катчысы кирет, ал Комиссиянын жыйындарынын иш кагаздарын жана протоколдорун жүргүзөт.

5. Комиссиянын курамына төмөнкүлөрдүн өкүлдөрү кирет:

- унаа чөйрөсүндөгү ыйгарым укуктуу мамлекеттик органдын;

- Кыргыз Республикасынын Өкмөтүнүн облустагы ыйгарым укуктуу өкүлүнүн аппаратынын;

- жайгашкан жери боюнча жол кыймылынын коопсуздугу чөйрөсүндөгү ыйгарым укуктуу органдын;

- ишкердикти өнүктүрүү жаатындагы ыйгарым укуктуу мамлекеттик органдын;

- ташуучулар менен жүргүнчүлөрдүн кызыкчылыктарын көздөбөгөн коммерциялык эмес уюмдардын.

6. Конкурсту уюштуруучунун өкүлү комиссиянын төрагасы болуп эсептелет. Төрага жок болгон учурда, аны орун басары алмаштырат.

Комиссиянын мүчөлөрүнүн саны так болуп, 5тен (беш) кем эмес, бирок 9дан (тогуз) ашпаган адамдан түзүлүшү керек.

7. Эгер Комиссиянын жыйынына анын мүчөлөрүнүн кеминде 2/3си катышса, Комиссиянын жыйыны укук ченемдүү деп таанылат.

8. Конкурстун Катышуучусу конкурсту өткөрүү башталганга чейин, бул Жобонун 3-10-тиркемелерине ылайык квалификациялык маалыматтардын документ түрүндөгү ырастоосун берүүгө тийиш.

9. Эгер конкурстук сунуш конкурстук документтерде көрсөтүлгөн бардык шарттарга туура келсе, анда ал талаптарга ылайык деп эсептелет. Эгер конкурстук сунуш талаптарга жооп бербесе, ал четке кагылат.

10. Комиссия, бул Жобонун 3-10-тиркемелерине ылайык маалыматтардын өз убагында берилбегендиги, ошондой эле так эмес жана толук эмес маалыматтарды (квалификациялык маалыматтарды, уруксат берилген документтерди ж.б.) бергендиги үчүн, же конкурстук сунуштарда конкурстун Катышуучусун аныктоого мүмкүнчүлүк берген маалыматтар көрсөтүлгөндө, Катышуучуну конкурска катышуудан четтете алат.

11. Комиссия жарыяланган конкурстун талаптарына шайкеш деп таанылган конкурстук сунуштарды гана кабыл алат, ал жөнүндө протокол түзүлөт.

3. Конкурстук документтердин пакети

12. Конкурсту өткөрүү алдында, конкурсту Уюштуруучу лотторду түзөт жана конкурстук документтердин пакетин даярдайт.

13. Конкурстук документтердин пакети төмөнкү документтерди камтыйт:

- бул Жобонун 2-тиркемесинде көрсөтүлгөн, форма боюнча конкурска катышуу арызы;

- бул Жобонун 3-тиркемесинде көрсөтүлгөн, форма боюнча, сынакта катышуучунун жүргүнчүлөрдү ташыган унаа каражаттарынын бардыгы жана алардын абалы жөнүндө маалыматтар;

- бул Жобонун 4-тиркемесинде көрсөтүлгөн, форма боюнча конкурстун Катышуучусунун өндүрүштүк-техникалык базасынын абалы жөнүндө маалыматтар;

- бул Жобонун 5-тиркемесинде көрсөтүлгөн, форма боюнча конкурстун Катышуучусунун унаа каражаттарынын кыймыл коопсуздугу (мындан ары - КК), коопсуздук техникасы (мындан ары - КТ) жана эксплуатациялоо үчүн жооптуу адамдар (аты-жөнүн көрсөтпөстөн) жөнүндө маалыматтар;

- бул Жобонун 6-тиркемесинде көрсөтүлгөн, форма боюнча, конкурска Катышуучунун айдоочулар курамынын тизмеси (аты-жөнүн көрсөтпөстөн);

- бул Жобонун 7-тиркемесинде көрсөтүлгөн форма боюнча конкурска Катышуучунун жүргүнчүлөр унаасындагы иш стажы жөнүндө (юридикалык жак катары) маалыматтар;

- бул Жобонун 8-тиркемесинде көрсөтүлгөн форма боюнча, каттамда жүргүнчүлөрдүн жол киресинин тарифтери жөнүндө маалыматтар;

- бул Жобонун 9-тиркемесинде көрсөтүлгөн форма боюнча Катышуучунун унаа каражаттарынын КК, КТ жана эксплуатациялоо боюнча жооптуу адамдар жөнүндө маалыматтар (Катышуучу жөнүндө маалымат үчүн);

- бул Жобонун 10-тиркемесинде көрсөтүлгөн форма боюнча, Катышуучунун айдоочулар курамы жөнүндө маалыматтар (Катышуучу жөнүндө маалымат үчүн);

- бул Жобонун 11-тиркемесине ылайык каттамдарда автомобиль унаасы менен жүргүнчүлөрдү ташууну уюштуруу үчүн Типтүү контракттын үлгүсү;

- конкурсту Уюштуруучуга Катышуучу жөнүндө маалыматтарды жана конкурстук сунуштарды берүү үчүн чоң жана кичине конверттер. Кичине конверттерге "Конкурстук сунуштар" деген жазуу жазылат жана алардын саны комиссиянын мүчөлөрүнүн санына дал келиши керек, ошондой эле бирине - "Катышуучу жөнүндө маалымат" деген жазуу жазылат.

Конкурстук сунуштар жана Катышуучу жөнүндө маалыматтар бул Жобонун 18-тиркемесине ылайык Нускамага жараша толтурулат.

4. Конкурстук сунуштардын мазмуну жана Катышуучу жөнүндө маалыматтар

14. Конкурстук сунуштар төмөнкү маалыматтарды камтыйт:

- бул Жобонун 3-8-тиркемелеринде көрсөтүлгөндөр;

- Катышуучунун авариялык коэффициенти жөнүндө (К = D/N формуласы боюнча аныкталат, мында: К - авариялык коэффициент, D - отчеттук жана эсепке алуу мүнөздөгү жол-унаа кырсыгынын саны, N - Катышуучунун кыймылдуу курамынын саны);

- кыймылдуу курамды жаңыртуу боюнча иш-чаралар жөнүндө (баяндоо түрүндө, жаңы техника кайсыл каражаттардын жардамы менен алынат: гранттар, долбоорлор, кредиттер ж.б.).

Конкурстук сунуштарда, конкурстук сунуштардын конкреттүү Катышуучуга таандык экендигин белгилей турган маалыматтар көрсөтүлбөшү керек.

Унаа каражаттарын жана айдоочулар курамын бирден көп каттамга, сезон учурун эске албаганда, бир эле убакытта кайрадан кошууга жол берилбейт. Конкурска катышууга мурда коюлган жана лотторду утуп алган унаа каражаттарынын андан ары башка лоттордун сынагына катыштыруусуна жол берилбейт.

Конкурстук сунуштар бул Жобонун 3-8-тиркемелерине ылайык белгиленген формадагы бланктарда, комиссиянын мүчөлөрүнүн санына туура келген нускада катасыз жана сызылып оңдоолорсуз толтурулат.

Конкурстун Катышуучусу тарабынан акыркы жыл ичиндеги кайрымдуулук социалдык акцияларына катышкандыгы жөнүндө кошумча маалыматтар берилиши мүмкүн (баяндоо түрүндө, качан жана кимге материалдык жана техникалык жардам көрсөтүлгөн, балдар мекемелеринин эсебине канча акчалай каражат которулган ж.б.у.с.).

15. Катышуучу тууралуу маалымат бул Жобонун 2-тиркемесинде көрсөтүлгөн форма боюнча конкурска катышууга берилген билдирмени камтыйт, ага төмөндөгү документтер тиркелет:

- юридикалык жактар үчүн - юстиция органдарындагы, жеке жактар үчүн - мамлекеттик статистика органдарындагы мамлекеттик каттоо жөнүндө күбөлүктүн көчүрмөсү;

- салык төлөөчүнүн жана камсыздоо төгүмдөрүн төлөөчүнүн идентификациялык коду (номери) Катышуучуга ыйгарылгандыгын ырастаган документтин көчүрмөсү;

- жүргүнчүлөрдү ташууларды уюштуруу лицензиясынын көчүрмөсү;

- жайгашкан жери боюнча салык кызматынын салыктар боюнча карызынын бардыгы же жоктугу тууралуу маалымкаты;

- жайгашкан жери боюнча карызынын бардыгы же жоктугу тууралуу Кыргыз Республикасынын Социалдык фондунун маалымкаты;

- акыркы 2 жылда, республиканын ичинде жана андан тышкары да болуп өткөн отчеттук жана эсепке алуучу мүнөздөгү жол-унаа кырсыктарынын (мындан ары - ЖТК) саны жөнүндө, жабыр тарткандардын (жаракат алгандардын, өлгөндөрдүн) санын жана бүткүл кыймылдуу курамдын жалпы санын көрсөтүү менен жол кыймылынын коопсуздугу чөйрөсүндөгү ыйгарым укуктуу органдан маалымкат;

- бул Жобонун 9-тиркемесинде келтирилген форма боюнча толтурулган, Катышуучу тууралуу маалымат үчүн конкурстун Катышуучусунун унаа каражаттарынын КК, КТ жана эксплуатациялоо боюнча жооптуу адамдар жөнүндө маалымдар;

- бул Жобонун 10-тиркемесинде көрсөтүлгөн форма боюнча толтурулган, конкурстун Катышуучусунун айдоочулар курамы жөнүндө маалымат (Катышуучу тууралуу маалымат үчүн);

- конкурстук документтерге акы төлөнгөндүгү жөнүндө квитанция.

Катышуучу тууралуу маалымат белгиленген формадагы бланктарда оңдоолорсуз жана катасыз эки нускада толтурулат.

16. Катышуучу жөнүндө маалымат жана конкурстук сунуштар өзүнчө, ар башка конверттерге салынып, мөөр басылып, бир чоң конвертке салынат, ага дагы мөөр басылып, Комиссиянын катчысына берилет. Бардык конверттер кандайдыр бир таанымал эн тамгасыз, Катышуучу жөнүндө белгилерсиз жана маалыматтарсыз болушу керек.

5. Конкурстарды уюштуруу жана өткөрүү

17. Конкурсту уюштуруучу жалпыга маалымдоо каражаттарында конкурсту өткөрүүнүн шарттары жөнүндө кеминде 30 күн мурда, бул Жобонун 13-тиркемесине ылайык, конкурсту өткөрүүнүн датасын, убактысын, ордун жана иретин, билдирмелерди кабыл алуучу жерди жана мөөнөтүн көрсөтүү менен кулактандыруу жарыялайт.

18. Конкурс процесси, ЖМКга кулактандыруу берилгенден баштап, жеңүүчүнү тандоо жана аны менен Контракт түзүлгөнгө чейин 45 календардык күндөн ашпашы керек.

19. Конкурска өзүнчө каттамга же эки же андан ашык каттамдарга, ошондой эле жөнөтүү убактысы боюнча каттамдардын рейстерине лоттор коюлушу мүмкүн. Бир лотко көбүрөөк рентабелдүүлүгү жогору жана рентабелдүүлүгү төмөн каттамдар бириктирилиши мүмкүн.

20. Конкурстарга Кыргыз Республикасынын мыйзамдарына ылайык жүргүнчүлөрдү ташууну уюштурууга уруксаттамасы бар жана конкурска катышуу үчүн зарыл болгон бардык шарттарды аткарган юридикалык жана жеке жактар менчигинин формасына карабастан катыша алат.

21. Бул Жобонун 20-пунктунда көрсөтүлгөн конкурска катышууну каалаган жактар, конкурстук документтер пакетин сатып алуу наркын алдын ала төлөп, эркин формадагы жазылган арызын берет. Конкурстук документтер комплексинин наркы конкурсту өткөрүү боюнча уюштуруу маселелеринин чыгымдарына ылайык келүүгө тийиш (канцеляриялык товарларга жана буюмдарга жумшалган чыгым) жана конкурстук Комиссия тарабынан белгиленет.

22. Конкурстун Катышуучуларын каттоо конкурс жөнүндө кулактандыруу ЖМКда жарыялангандан баштап, 30 календардык күн өткөндөн кийин аяктайт.

23. Конкурстун Катышуучусу катары катталуу үчүн, бул Жобонун 14 жана 15-пункттарына ылайык документтерди Комиссияга берүү зарыл.

24. Комиссиянын катчысы мөөнөтүндө берилген билдирмелерди кабыл алат, катышуучуга бул Жобонун 14-тиркемесине ылайык, документтерди кабыл алгандыгы тууралуу маалымдоо берет жана чоң конверттерди мөөр басып күбөлөндүрөт.

25. Көрсөтүлгөн убакыттан кийин келип түшкөн билдирмелер конкурска катышууга кабыл алынбайт.

26. Конкурсту Уюштуруучу берилген жана пайдаланылган маалыматтын купуялуулук принцибин сактоого милдеттүү.

27. Эгер кандайдыр бир лот боюнча бир гана катышуучу катталса же бир дагы катышуучу катталбаса, бул лот боюнча сынак болгон жок деп эсептелет жана кайрадан конкурска коюлат. Мында бул каттам кайрадан конкурсту өткөргөнгө чейин бул лоттун катышуучусуна бекитилет. Эгер бул лотко бир дагы Катышуучу катталбаса, бул каттам сынак өткөрүлгөнгө чейин келишим боюнча мурда бекитилген ташуучу тарабынан тейленет.

6. Конкурска катышуудан чыгаруу

28. Катышуучуну конкурска катышуудан чыгаруу жөнүндө чечим Комиссия тарабынан төмөнкү учурларда кабыл алынат:

- Катышуучу конкурстук документтердин пакетин белгиленген талаптарды бузуп, талаптагыдай тариздебесе;

- Катышуучу тууралуу кабарларда анык эмес маалыматтар болсо;

- Катышуучунун салыктар жана Социалдык камсыздандыруу фондуна төлөмдөр боюнча карыздары болсо;

- эгер Катышуучу тарабынан контракттын шарттарын аткарбагандыгы үчүн лотко коюлган каттамды тейлөө контрагы мурда бузулса;

- каттамды тейлөө үчүн унаа каражаттарынын зарыл саны болбосо.

7. Конкурстук сунуштарды баалоо жана жеңүүчүнү аныктоо тартиби

29. Конверттерди ачуу, Катышуучулардын сунуштарын баалоо жана жеңүүчүнү аныктоо Комиссия тарабынан конкурстун Катышуучусунун катышуусунда же ал жок учурда да ишке ашырылат.

30. Комиссиянын катчысы ар бир лот боюнча Катышуучулардын конкурстук документтеринин пакеттеринин ачылышын протоколдоону жүргүзөт.

31. Катышуучу тууралуу маалымат салынган конверт менен Конкурстук сунуштар мөөр басылып бекитилген чоң конверттер тунук эмес жашикте болушу керек. Чоң конверт бекитилген түрдө конкурсту уюштуруучунун мөөрү менен күбөлөндүрүлүүгө тийиш.

32. Комиссиянын төрагасы жашиктеги чоң конверттердин каалаганын алып чыгат жана конверттин оң тарабынын жогорку бурчуна чоң ариптер менен катар номурду коёт.

33. Комиссиясынын төрагасы чоң конвертти ачат жана конкурстук сунуштар салынган конверттерге, ошондой эле Катышуучу тууралуу маалымат бар конвертке ошол эле катар номурду коюп чыгат.

Андан кийин Комиссиянын төрагасы конкурстук сунуштар салынган конверттерди комиссиянын мүчөлөрүнө берет. Катышуучу тууралуу маалымат салынган конверт чоң конвертте ачылбаган бойдон калат.

34. Конкурстук сунуштар Комиссиянын мүчөлөрү тарабынан каралат. Алар документтердин бар экендигин жана таризделишин текшеришет, конкурстук сунуштардын ар бир пункттары боюнча конкурстук сунуштарды баалоо шкаласына ылайык (бул Жобонун тиркемелери) балл коюшат (бул Жобонун 1-тиркемеси).

35. Конкурстук сунуштар баалангандан кийин алар Комиссиянын төрагасына берилет, ал аларды ошол эле номурда, чоң конвертке кайрадан салат.

36. Облустар аралык жана облустук ички катнаштарга шаар аралык каттамдарда конкурстарды өткөрүүдө, жыйынтыктоочу баллдарды суммалоодо Катышуучунун жайгашуусуна жараша балл кошумча эске алынат, алар Катышуучулардын конкурстук сунуштарын баалоодон жана бул Жобого ылайык Катышуучулар жөнүндө маалыматтар салынган конверттер ачылгандан кийин гана коюлат. Бул каттамдарга сынак өткөрүүдө лоттор паритеттик негизде түзүлөт.

37. Комиссия мүчөлөрү күбөлөндүрүлгөн формалардын негизинде Катышуучунун жыйынтыктоочу баллын бирдей катар номур боюнча суммалайт жана ар бир Катышуучу боюнча жалпы суммалык баллды бул Жобонун 15-тиркемесине ылайык аныкташат, аны конкурстук Комиссиянын катчысы протоколдо каттайт.

38. Жалпы суммалык баллдын жыйынтыгы боюнча Комиссиянын төрагасы максималдуу жалпы суммалык балл топтогон Катышуучунун катар номурун жарыялайт.

39. Комиссиянын төрагасы конкурстун жеңүүчүсүнүн жарыяланган катар номуруна ылайык жеңүүчүнүн номуруна шайкеш чоң конвертти алат, Катышуучу тууралуу маалымат жазылган конвертти алып чыгат, аны ачып, конкурстук Комиссиянын мүчөлөрүнө тааныштырат.

40. Конкурстук комиссиянын мүчөлөрүн Катышуучу тууралуу маалымат менен тааныштыргандан кийин, Комиссиянын төрагасы эң көп балл топтогон Катышуучунун маалыматтарын жарыялайт, катчы бул Жобонун 16-тиркемесине ылайык протоколду тариздейт.

41. Эгер эки же андан көп катышуучу максималдуу бирдей балл топтосо, артыкчылык унаа каражаттарынын абалы үчүн көбүрөөк балл алган катышуучуга берилет, эгер унаа каражаттарынын абалы үчүн бирдей балл топтолсо, артыкчылык өндүрүштүк-техникалык база үчүн көбүрөөк балл алган Катышуучуга берилет.

42. Эң көп балл топтогон Катышуучунун конкурстук сунуштарынын маалыматтарынын аныктыгы Комиссия тарабынан контролдук текшерүүгө алынат. Ал үчүн Катышуучу белгиленген мөөнөттө (10 күндөн ашык эмес) кыймылдуу курамды, өндүрүштүк базаны жана конкурстук сунуштарга ылайык талап кылынган документтерди (лотторду утуп алган бардык унаа каражаттарынын техникалык паспортторун, таандык экендигин күбөлөндүргөн документтерди), билими тууралуу дипломдордун көчүрмөлөрүн (администрациялык-башкаруу персоналы үчүн), эмгек китепчесинен жана айдоочулук күбөлүктөн көчүрмөлөрдү (айдоочулар персоналы үчүн), каттамдарды тейлөөгө буйруктардын жана контракттардын көчүрмөлөрүн, төлөмдөрдү төлөө жөндөмдүүлүгү жана салыктар, төлөмдөр боюнча карыздарынын жоктугу жөнүндө маалыматтарды көрсөтөт.

43. Контролдук текшерүү процессинде, Катышуучу тарабынан берилген конкурстук сунуштардын так эмес фактылары аныкталган учурда Комиссия топтогон баллдын санын жокко чыгарат жана бул лот үчүн конкурска кайрадан катышуу укугунан ажыратуу менен сынактан четтетет жана эң көп балл топтогон кийинки Катышуучуну жеңүүчү деп таанып, бул Жобонун 42-пунктунда көрсөтүлгөн жол-жоболорду кайталайт.

Комиссиянын кабыл алган чечими протоколдо көрсөтүлүп, Комиссия тарабынан конкурстун Катышуучуларына 10 күндүн ичинде кабарланат.

44. Контролдук текшерүүдөн кийин Комиссия жыйынтык чыгарат жана акыркы чечимди кабыл алат. Конкурстун жеңүүчүсү деп жүргүнчүлөрдү ташууларды уюштуруунун эң жакшы шарттарын сунуштаган жана Комиссиянын контролдук текшерүүсү менен ырасталган, бул Жобонун 1-тиркемесине ылайык конкурстук сунуштарды баалоонун тийиштүү шкаласы боюнча эсептелген, эң көп балл алган катышуучу таанылат жана бул Жобонун 17-тиркемесине ылайык протокол таризделет.

45. Комиссиянын катчысы конкурстун катышуучуларына конкурс өткөрүлгөн күндөн тартып 30 күндүн ичинде алар берген конкурстук сунуштарды баалоонун жыйынтыктарын жиберет.

46. Комиссиянын чечими боюнча конкурстун жыйынтыктары жарыялангандан кийин он күндүн ичинде конкурстун Катышуучулары тарабынан даттануу берилиши мүмкүн. Бул мөөнөт өткөндөн кийин конкурстун Катышуучуларынын даттануулары конкурстун Уюштуруучусу тарабынан каралбайт.

47. Комиссиянын чечими сот тартибинде даттанылышы мүмкүн.

48. Конкурстун жыйынтыктары сот тарабынан жараксыз деп таанылган учурда, мурдагы конкурстун жыйынтыктарын жокко чыгаруу жөнүндө соттун чечими күчүнө киргенден кийин 60 күндөн кечиктирбей конкурс кайрадан өткөрүлөт. Мында, кайрадан катышып жаткан мурдагы конкурстун Катышуучуларына конкурстук документтер акысыз берилет.

8. Контракттын түзүлүшү, аткарылышы

 жана бузулушу

49. Комиссиянын протоколунун негизинде, конкурстун Уюштуруучусу Кыргыз Республикасында автомобиль унаасы менен жүргүнчүлөрдү ташууну жөнгө салуучу ченемдик укуктук актыларга ылайык, конкурстун жеңүүчүсү менен каттамдарда автомобиль унаасы менен жүргүнчүлөрдү ташууну уюштуруу үчүн контракт түзөт (мындан ары - Контракт).

50. Каттамдарда жүргүнчүлөрдү тейлөө укугу ачык конкурстун жеңүүчүлөрүнө берилип, алар менен Контракт түзүлөт. Контракт бирдей юридикалык күчкө ээ болгон эки нускада түзүлүп, бири конкурстун Уюштуруучусунда, экинчиси конкурстун жеңүүчүсүндө калат.

51. Конкурстун жыйынтыктары боюнча каттамдарды тейлөө мөөнөттөрү жана ташуучуга каттамдарды бекитип берүү Контракттын шарттарына ылайык 2 жылга, андан ары мөөнөтүн узартуу менен 3 жылга

белгиленет, бирок мөөнөт 5 жылдан ашпайт.

52. Жеңүүчү Контракт түзүүдөн баш тарткан учурда, Контракт конкурстун жыйынтыгы боюнча кийинки орунду ээлеген Катышуучу менен түзүлөт.

53. Контрактта бул Жобонун 12-тиркемесине ылайык, Контракттын ажырагыс бөлүгү болуп саналган тиркемеси болот, анда Конкурстун жеңүүчүсү каттамда пайдалануу үчүн конкурстук сунуштарында маалымдаган автобустар көрсөтүлөт.

54. Каттамда (каттамдарда) иштөө укугун үчүнчү жакка өткөрүп берүүгө жол берилбейт.

55. Контракт, анын шартында каралган мөөнөттөн мурда токтотулган же Контракттын колдонуу мөөнөтү бүткөн учурда, конкурсту Уюштуруучу, бул Контракт боюнча тейленүүчү каттамга (каттамдарга) жаңы сынак жарыялайт.

56. Контракт тараптардын биринин демилгеси менен бузулган учурда, бузуунун демилгечиси бул жөнүндө Контракт боюнча милдеттер токтотулганга чейин 30 күн мурда экинчи тарапка кат жүзүндө билдирет.

Конкурстук сунуштарды баалоо шкаласы

Форма

Конкурска катышууга билдирме

Кимге _____________________________________________________

(Конкурсту өткөрүүнү Уюштуруучуга)

Кимден_____________________________________________________

(Конкурстун катышуучусу)

АТМнын жайгашкан орду (дареги)_____________________________тел.______________факс__

билдирмени берүү датасы ____________________________________

Конкурска катышууга билдирме

Сынак тууралуу жарыялоо датасы _____________________________

Лоттун номуру ______________________________________________

Каттамдын номуру жана аталышы _____________________________

Бул билдирме аркылуу, каттамдарда автоунаа менен жүргүнчүлөрдү ташууларды уюштуруу укугу сынагына катышууга ниеттенгендигимди ырастайм.

Байма-бай автобустук каттамдарды тейлөө үчүн автоташуучуну аныктоочу Конкурстарды (тендерлерди) өткөрүүнү уюштуруу жөнүндө жободо камтылган шарттар жана талаптар менен тааныштым, макулмун жана аткарууга милдеттенем.

Өзүбүз жөнүндө маалыматты кабарлайбыз:

1.Конкурстун катышуучусунун өкүлү катары чыккан ыйгарым укуктуу адам (Аты-жөнү, ээлеген кызматы) __________________________

2. Тейлеген банктын аталышы жана анын юридикалык дареги, эсеп-кысап номуру ____________________________________________________

МО

Жетекчинин аты-жөнү, колу___________________________________

Жүргүнчүлүк унаа каражаттарынын бар болушу жана абалы

Лот №_____

Эскертүү: II, IV, VI, VIII, X жана XII графалар – Катышуучу тарабынан, III, V, VII, IX, XI, XIII жана XIV графалар – конкурстук комиссия тарабынан толтурулат.                       

Комиссиянын төрагасы:_____________________ ____________________

                                                     (аты-жөнү)                                       (колу)

Комиссиянын мүчөлөрү:_____________________ ____________________

                                                     (аты-жөнү)                                       (колу)

Форма

Өндүрүштүк-техникалык базанын абалы жөнүндө маалымат

Лот № ___________

Эскертүү: II, III- графалар – Катышуучу тарабынан, IV- графа – конкурстук комиссия тарабынан толтурулат.

Комиссиянын төрагасы:_____________________ ____________________

                                                                (аты-жөнү)                                       (колу)

Комиссиянын мүчөлөрү:_____________________ ____________________

                                                                (аты-жөнү)                                       (колу)

Форма

Унаа каражаттарынын кыймылынын коопсуздугу жана эксплуатациялоо үчүн жооптуу адамдардын

курамы

(конкурстук сунуштар үчүн)

Лот № __________

Эскертүү: III жана IV графалар – Катышуучу тарабынан, V графа – конкурстук комиссия тарабынан толтурулат

Комиссиянын төрагасы:__________________ __________________

                                                    (аты-жөнү)                                       (колу)

Комиссиянын мүчөлөрү:__________________ __________________

                                                    (аты-жөнү)                                       (колу)

Форма

Айдоочулар курамынын тизмеси

(конкурстук сунуштар үчүн)

Лот №______

Эскертүү: II, III, IV графалар – Катышуучу тарабынан, V графа – конкурстук комиссия тарабынан толтурулат.

Комиссиянын төрагасы: ___________________ _________________

                                                    (аты-жөнү)                                       (колу)

Комиссиянын мүчөлөрү:___________________ _________________

                                                    (аты-жөнү)                                       (колу)

Форма

Конкурска катышуучунун жүргүнчүлөрдү ташуучу унаа каражаттарындагы иш стажы

Лот №___

Эскертүү: III, IV жана V графалары Катышуучу тарабынан, VI графа – конкурстук комиссия тарабынан толтурулат.

Комиссиянын төрагасы: ________________ ___________________

                                                     (аты - жөнү)                          (колу)

Комиссиянын мүчөлөрү:________________ ___________________

                                                    (аты - жөнү)                         (колу)

Каттамдагы жүргүнчүлөрдүн жол киреси

Лот № ____

Эскертүү: II, III, IV графалары Катышуучу тарабынан, V графа – конкурстук комиссия тарабынан толтурулат.

Комиссиянын төрагасы: ________________ ___________________

                                                      (аты - жөнү)                        (колу)

Комиссиянын мүчөлөрү: ________________ ___________________

                                                     (аты - жөнү)                        (колу)

Форма

Жол кыймылынын коопсуздугу жана унаа каражаттарын

колдонууга жооптуу адамдар жөнүндө маалымат

(катышуучу жөнүндө маалымат үчүн)

Конкурстун катышуучусу______________________________________

Лот № __________

Эскертүү: бардык графалар катышуучу тарабынан толтурулат

МО

Жетекчи: _______________________ ________________

                                         (аты - жөнү)                                     (колу)

Форма

Айдоочулар курамы жөнүндө маалымат

(катышуучу жөнүндө маалымат үчүн)

Конкурстун катышуучусу _________________________________________

Лот №______

Эскертүү: бардык графалар катышуучу тарабынан толтурулат

МО

Жетекчи _______________________ _________________

                                         (аты - жөнү)                                     (колу)

Форма

Каттамдарда жүргүнчүлөрдү автомобиль унаасы менен ташууларды уюштуруудагы типтүү контракт

Мындан ары “Тапшырык ээси” деп аталган_________________________________________________________ атынан Жобонун негизинде иштеген биринчи тараптан, ____________________________ атынан жана мындан ары «Ташуучу» деп аталган,____________________________ атынан Уставдын негизинде иштеген экинчи тараптан, __________________________________________ атынан, конкурстук комиссиянын «____» ______________ 20___ -жылдагы № ______ протоколуна ылайык төмөнкүлөр жөнүндө бул контракты түзүштү.

Контракттын предмети

«Тапшырык ээси» төмөнкү байма-бай автобустук каттамдарды ташуучуга бекитет, ал эми «Ташуучу» бул каттамдар боюнча каттамдарда автомобиль унаасы менен жүргүнчүлөрдү ташууларды уюштуруу укугу боюнча контрактка жараша автобустардын кыймыл ырааттамасына, айдоочулар курамына жана автоунаа каражаттарына ылайык жүргүнчүлөрдү ташууларды уюштурат.

Тараптардын милдеттери

1. Ташуучу төмөнкүлөргө милдеттенет:

1) бул контракт колдонулган бүткүл мөөнөттүн ичинде, бекитилген ырааттамасына ылайык көрсөтүлгөн каттамда жөнгө салынган коопсуз ташууларды, автобустардын кыймыл схемасын жана каттамдагы автоунаа каражаттарынын белгиленген санын уюштурууга жана аткарууга.

2) Кыргыз Республикасында автомобиль унаа каражаттарынын ишин (жүргүнчүлөрдү ташуу) тескеген уруксаттамалык жана ченемдик-укуктук актылардын талаптарын жана ошондой эле ушул Контракттын шарттарын сактоого;

3) Линияда иштеген айдоочуларды төмөнкү документтер менен камсыз кылууга:

- уруксаттама менен;

- каттам схемасы менен;

- автобустардын кыймыл ырааттамасы менен;

- эмгек режими жана айдоочулардын эс алуу графиги менен;

- жолдомо баракчалары жана автобустардын кыймылын жөнгө салуу баракчалары менен;

- автовокзалдар жана автостанциялар тарабынан билеттердин сатылышынын тизмеси менен;

- тарификация менен;

4) жүргүнчүлөрдү ташууну аткарууда, ташуулардын коопсуздук талаптарына, медициналык, санитардык, экологиялык жана өрткө каршы ченемдерге жооп берген, техникалык оң унаа каражаттарын пайдаланууга;

5) Тарифтердин жана ташуулардын шарттары өзгөргөн учурларда калкка, ошол өзгөртүүлөрдү киргизүүгө жети күн калганда жалпыга маалымдоо каражаттары аркылуу, автобустарда жана станциялык курулмаларда жарыялоону маалымдоого;

6) автоунаа каражаттарын техникалык тейлөөнү, салондун тышын жана ичин күнүмдүк жууп-тазалоо жумуштарын, унаа каражатын рейс алдында техникалык контролдоо жана айдоочуларды медициналык күбөлөндүрүүнү уюштурууну, алардын эмгек жана эс алуу режимин сактоону камсыз кылууга;

7) Каттамдарда автобустардын бекитилген кыймыл схемасын өзгөртүүгө, унаа каражаттарынын пландалган санын төмөндөтүүгө жол бербөөгө, иш режимин, кыймыл ырааттамасынын жана кыймылдын байма-байлыгын, ошондой эле ташуу процесси менен байланышкан башка иш-аракеттерди жасоого жол бербөөгө;

8) көрсөтүлгөн каттамдар боюнча жүргүнчүлөрдү ташууларда, Кыргыз Республикасында жүргүнчүлөрдү автомобиль унаасы менен ташууну уюштуруу эрежелерине (мындан ары – Жүргүнчүлөрдү ташууну уюштуруу Эрежелери) ылайык керектүү нерселер менен жабдылган, тандоо сынагынын шарттары боюнча көрсөтүлгөн жана өткөн автобустарды пайдаланууга;

9) каттамды тейлөө үчүн автобустарды алмаштырууну заманбап комфортабелдүү автобустарга алмаштыруу мүмкүнчүлүгү пайда болгон учурларда жана тапшырык ээсинин макулдугу боюнча гана жүргүзүүгө;

10) ар бир унаа каражатынын салонунда көрүнүктүү жерде төмөндө көрсөтүлгөн маалымат илиниши керек: Ташуучунун аталышы, жайгашкан орду жана телефон номуру, тарификация, кыймыл схемасы, Жүргүнчүлөрдү ташууларды уюштуруу Эрежесинен көчүрмө, ошондой эле айдоочунун аты-жөнү, автомобилдин маркасы жана мамлекеттик номуру, ал эми автомобилдин тышында көрүнүктүү жерде – ташуучу-фирманын өзгөчө белгиси же логотиби илинет.

11) талаптарга ылайык, унаа каражаттарына өз убагында мамлекеттик техникалык кароону жүргүзүү жана айдоочуларды медициналык күбөлөндүрүүнү камсыз кылууга;

12) жол кыймылынын коопсуздугу боюнча 40 сааттык программа боюнча айдоочуларды окутууну уюштурууга;

13) каттамдарда Ташуучунун ишине контролду уюштуруу жана жүргүзүү боюнча унаа чөйрөсүндөгү ыйгарым укуктуу мамлекеттик органдын бардык талаптарын жана көрсөтмөлөрүн аткарууну убагында камсыз кылууга;

14) Кыргыз Республикасындагы автомобиль унаасы менен жүргүнчүлөрдү ташууну жөнгө салуучу укуктук ченемдик актыларга ылайык автовокзалдар жана автостанциялар менен келишим түзүүгө;

15) эл аралык жана шаарлар аралык ташууларды аткарууда автовокзалдар менен түзүлгөн келишимге ылайык төмөнкү талаптарды сактоого:

баштапкы пункттарда жүргүнчүлөрдүн бардыгы түздөн-түз кассадан билет алуусу;

баштапкы, акыркы жана орто арадагы пункттарда кыймыл ырааттамасында каралган автобустун келиши жана кетиши жөнүндө кыймыл туруктуулугунун барагына милдеттүү түрдө белгилерди коюуга;

16) Кыргыз Республикасынын укуктук ченемдик актыларынын негизинде жеңилдетилген жана акысыз жүрүүгө укугу бар адамдарды ташууга;

17) тапшырыкчыга каттамдарда жүргүнчүлөрдү ташуудагы негизги унаа көрсөткүчтөрү жөнүндө ай сайын отчёт берүүгө;

18) Үчүнчү жак алдында жүргүнчүлөрдү камсыздандыруу жана жарандык жоопкерчиликти камсыздандыруу келишимдерин түзүүгө;

19) Кыргыз Республикасынын мыйзамдарына ылайык өзгөчө кырдаалдар жана жарандык коргоо боюнча машыгуулар өткөрүлгөн учурларда унаа чөйрөсүндөгү ыйгарым укуктуу мамлекеттик органга ошондой эле жергиликтүү мамлекеттик администрацияларга унаа каражатынын зарыл болгон санын берүүгө.

2. Тапшырыкчы төмөнкүлөргө милдеттенет:

1) Ташуучуну өз убагында каттам схемасы жана кыймыл ырааттамасы менен камсыз кылууга;

2) Ташуучуну өз убагында кыймыл маршрутунун, ташуунун шарттарынын өзгөргөндүгү тууралуу маалымдоого.

Тараптардын укуктары

3. Ташуучу төмөнкүлөргө укуктуу:

1) каттамдагы жүргүнчүлөрдү ташуудагы, каттам боюнча иштин режими жана башка суроолор боюнча каттамдагы жүргүнчүлөрдү тейлөөнү өркүндөтүүгө багытталган негиздүү сунуштарды Тапшырыкчыга киргизүүгө;

2) Тапшырыкчыга, автобекеттердин жана автостанциялардын өкүлдөрүнө маалымдоо менен каттамдагы же каттамдын бөлүгүндө көчө-жол тармагындагы жол коопсуздугунун жана кыймыл коопсуздугунун шарттарына, жүргүнчүлөрдү ташуу талаптарына жооп бербеген учурларда жүргүнчүлөрдү ташууларды белгиленген тартипте убактылуу токтотууга;

3) кыймыл ырааттамасын кайра карап чыгуу жана каттам схемасын өзгөртүү боюнча Тапшырыкчыга сунуш киргизүү.

4.Тапшырыкчы төмөнкүлөргө укуктуу:

1) ушул Контракттын шарттарын аткарууну жана сактоону Ташуучудан талап кылуу жана аныкталган бузуу фактылары боюнча тийиштүү чараларды белгиленген тартипте көрүүгө;

2) Кыргыз Республикасынын мыйзамдарына ылайык белгиленген жол кирени жүргүнчүлөрдөн туура алууну талап кылууга;

3) ташуучудан ушул контракт боюнча негизги унаа көрсөткүчтөрүн аткаруусу жөнүндө ай сайын отчёт талап кылууга;

4) автобустардын кыймыл ырааттамасына жана схемасында өзгөртүүлөрдү жүргүзүүгө;

5) Кыргыз Республикасындагы автомобиль унаасы менен жүргүнчүлөрдү ташууну жөнгө салуучу укуктук ченемдик актыларын, ушул контрактын шарттарын, талаптарын ташуучу аткарбаган ошондой эле Ташуучу иш жүргүзүү укугун үчүнчү тарапка берген учурда, буга чейин кеткен чыгымдарын төлөп бербестен Контрактты бир тараптуу бузууга чейин ага администрациялык чара колдонууга.

Тараптардын жоопкерчилиги

5. Ташуучунун жоопкерчилиги:

1) ушул Контракттын 1-пунктунун шарттарын аткарбагандыгы, ошондой эле Кыргыз Республикасынын унаа мыйзамдарын бузгандыгы үчүн;

2) Кыргыз Республикасынын мыйзамдарына ылайык каттамдын сапатсыз тейлөөсүнө даттануулардын жана арыздардын ырасталган фактылары үчүн;

3) Ташуучунун күнөөсү боюнча жол унаа кырсыгы үчүн Кыргыз Республикасынын мыйзамдарына ылайык жоопкерчилик тартат;

4) өзүнө бекитилген каттамды бөтөн бирөөгө өткөрүп бергендиги үчүн.

6. Тапшырыкчынын жоопкерчилиги :

1)  ушул Контракттын 2-пунктунун шарттарын аткарбагандыгы үчүн.

Өзгөчө шарттар

7. Ушул Контракттын 1-пунктунун бир шартын аткарбаганда Тапшырыкчы Ташуучуга жазуу түрүндө эки жумалык мөөнөттө тартип бузууларды жоюу жөнүндө кат жүзүндө эскертүү жөнөтөт.

8. Ушул Контракт төмөнкү учурларда бир тараптуу түрдө бузулушу мүмкүн:

- Тапшырыкчы ушул Контракттын 1-пунктунун шарттарын эки жолудан ашык бузганда жана аны жоюу жөнүндө эскертүү берилгенден кийин аткарбагандыгы үчүн;

- ташуучунун каттамдарда жүргүнчүлөрдү ташууну ишке ашыруу учурунда уруксаттамасы токтотулган жана кайра алынган учурда;

- ташуучуга бекитилген каттамды тейлөө укугу башка адамга берилгенде.

Контракт тараптардын биринин кат түрүндөгү арыз/кабарлоосу алынган күндөн бир ай өткөндөн кийин бузулат.

9.  Контракт Кыргыз Республикасынын Жарандык Кодексинин 411-беренесине ылайык тараптардын биринин талабы боюнча, ошондой эле Кыргыз Республикасынын Жарандык Кодексинин 412-беренесине ылайык, Контрактты түзүүдө тараптар негиздеген жагдайлар маанилүү өзгөргөндө жана Контрактты түзүү учурунда алдын ала билүүгө мүмкүн болбогон өзгөрүүлөр келип чыкканда, Контрактты аткаруу Кыргыз Республикасынын Өкмөтүнүн чечимдерине каршы келсе кайрадан каралышы жана бузулушу мүмкүн.

Сунушталган өзгөртүүлөр тараптардын ар бири кат түрүндөгү арызды/кабарлоону алган күндөн кийин бир айдын ичинде кабыл алынат.

Контрактын колдонуу мөөнөтү

10. Контракт:

 «____»_______________20___-жылдын «____»____________20___ -жылга чейин колдонулат

Тараптардын юридикалык даректери жана колдору

Тапшырыкчы:_______________    Ташуучу:____________________                                                                                                                                                                  (дареги)                                            (дареги)

Эсеп счёту__________________   Эсеп счёту___________________

Жетекчи:___________________ Жетекчи: __________________                                                                                                                                                                         (аты - жөнү)                                     (аты - жөнү)

Каттамдарда жүргүнчүлөрдү автомобиль унаасы менен ташууну уюштуруу укугу контрагына тиркеме барагы

(Ташуучунун аталышы)

Каттам №___________________________________________________

(Каттамдын аталышы)

Каттоо № _____________ «___»____________________20____ - жыл

Ишкананын жетекчиси (ташуучунун)                              

Жетекчи:                       Тапшырыкчы:

___________________________   _______________________

(Ташуучунун аталышы)                                (Тапшырыкчынын аталышы)

____________________________ _______________________

                 (аты - жөнү, колу)                                                  (аты - жөнү, колу)

МО                                                                                 МО

Кулактандыруу

(Конкурсту уюштуруучу)

каттамдарда жүргүнчүлөрдү автомобиль унаасы менен ташууну уюштурууга сынак жарыялайт:

Конкурска юридикалык же жеке жактар, ишкердик иш субъекти катары катталган жүргүнчүлөрдү ташууга тиешелүү уруксаттамасы бар ишкерлер катыша алат.

Конкурстун катышуучулары, конкурстун документтерин төмөнкү даректен ала алышат:

Кыргыз Республикасы, _______________________________________

Телефон №: ________________________________________________

Билдирмелер жана конкурстук документтер «____» _______________20__жылдан баштап төмөнкү дарек боюнча: __________________________________________________________________________________________________________кабыл алынат.

Сынак «_____» ______________20__ - жылы төмөнкү дарек боюнча ___________________________________________________________

Кыргыз Республикасы,_____________________саат______өткөрүлөт.

Сынак комиссиясы

Кабарлоо

«___» _________________ 20 __ - жылы

___________________________________________________________

(Катышуучунун аталышы)

___________________________ каттамдагы автомобиль унаасы менен ташууларды уюштуруу сынагына катышууга билдирме менен документтер кабыл алынды, лоттун №_______________________________ Конверттердин ачылышы «___»_____________20__-жылы дарек: ________________________________________________________________

Комиссиянын катчысы:_______________          ____________________

(аты - жөнү)                              (колу)

Кабарлоону алдым: __________________________________________

(конкурстун катышуучусу)

Конкурстун катышуучуларынын конкурстук сунуштарынын жалпы баасы

Лот № ______

Эскертүү: Таблица комиссия тарабынан 2, 3, 4, 5, 6, 7, 8, 9, 10, 11 жана 12 - тиркемелерине ылайык толтурулат.

Комиссиянын мүчөлөрү: _____________________                  _______________________________                                                                                                                                   (аты - жөнү)                                                                        (колу)

Комиссиянын баасы менен тааныштырылды:

Жетекчи: __________________________________                 ________________________________

                                                    (аты - жөнү)                                                                        (колу)

Көп балл топтогон Катышуучунун конкурстук сунуштарын баалоо боюнча Протокол

«___» ____________ 20__ - жыл

Конкурстук комиссиянын курамы менен:

төрага _____________________________________________________

 (аты - жөнү, ээлеген кызматы, иш орду)

жана комиссиянын мүчөлөрү:__________________________________

 (аты - жөнү, ээлеген кызматы, иш орду)

20___- жылдын «____»_________________________ жарыяланган, микроавтобустук, автобустук каттамдарды тейлөөгө ачык сынак өткөрүлдү, анда көп балл топтогон жана төмөнкүдөй жыйынтыктарга ээ болгон Катышуучулар аныкталды:

Конкурстук комиссиянын төрагасы: ___________________________

(аты - жөнү)

Конкурстук комиссиянын катчысы: ____________________________

(аты - жөнү)

Конкурстук комиссиянын мүчөлөрү:____________________________

                                                                                         (аты - жөнү)

Конкурстун жеңүүчүсүн аныктоо үчүн комиссиянын отурумунун

№ _____ протоколу

Убактысы: __________ саат «_____»______________ 20_____- жыл.

Орду: ______________________________________________________

Катышкандар:_______________________________________________

Конкурстук комиссиянын төрагасы:____________________________

(аты - жөнү)

Комиссиянын мүчөлөрү:             ___________________________________________________________

                                                                (аты - жөнү)              ___________________________________________________________

                                                                (аты - жөнү)              _____________________________________________________________________

                                                                (аты - жөнү)                        

Комиссиянын катчысы: ___________________________________________________________

                                                                (аты - жөнү)

Ошондой эле конкурстун Катышуучуларынын төмөнкү өкүлдөрү катышты:

1. _________________________________________________________

(аты - жөнү)

2. _________________________________________________________

(аты - жөнү)

3. _________________________________________________________

(аты - жөнү)

Күн тартиби:

Каттамдарда автомобиль унаасы менен жүргүнчүлөрдү ташууларды уюштуруу сынагынын жеңүүчүсүн аныктоо.

Конкурстук комиссиянын төрагасы болуп өткөн конкурстун жыйынтыктары жөнүндө маалымат берип, жыйынды ачты жана 20___-жылдын «_____» __________________________________ (ЖМК аталышы) гезитине жарыяланып, каттамдарда автомобиль унаасы менен жүргүнчүлөрдү ташууларды уюштуруу сынагына төмөнкү талапкерлер катышты деп билдирди:

1.__________________________________________________________

(аты - жөнү)

2.__________________________________________________________

(аты - жөнү)

3.__________________________________________________________

(аты - жөнү)

ж.б.у.с.

Конкурстук сунуштарды баалоо жүргүзүлүп, көп сандагы балл топтогон жана төмөнкүдөй жыйынтыкка ээ болгон жеңүүчүлөр аныкталды:

Лот № 1 ____________________________________________________

(каттамдын аталышы)

Лот № 2____________________________________________________

(каттамдын аталышы)

Лот № 3 ____________________________________________________

(каттамдын аталышы)

Каралган маселени талкуулап жана пикир алмашуу менен, добуш берүүгө төмөнкүлөр коюлду:

1. Конкурстук сунуштарды баалоо жыйынтыгына ылайык:

№ _____ лот боюнча _________________________________________

(жеңүүчүнүн аталышы)

жеңүүчү деп табылсын жана аны менен ______________________________

_______________________________________ каттамы боюнча автомобиль унаасы менен жүргүнчүлөрдү ташууларды уюштурууга контракт түзүлсүн;

№ _____ лот боюнча __________________________________________

(жеңүүчүнүн аталышы)

жеңүүчү деп табылсын жана аны менен ______________________________

_______________________________________ каттамы боюнча автомобиль унаасы менен жүргүнчүлөрдү ташууларды уюштурууга контракт түзүлсүн;

№ _____ лот боюнча __________________________________________

(жеңүүчүнүн аталышы)

жеңүүчү деп табылсын жана аны менен ______________________________

_______________________________________ каттамы боюнча автомобиль унаасы менен жүргүнчүлөрдү ташууларды уюштурууга контракт түзүлсүн;

Конкурстук комиссиянын мүчөлөрүнүн добушу:

“МАКУЛ”

“КАРШЫ”          

“КАЛЫС”           

Колдору:

Төрага:_____________________________________________________

(аты - жөнү)

Комиссия мүчөлөрү:_________________________________________

                                                                (аты - жөнү)

Конкурстук сунуштарды жана Катышуучу жөнүндө

маалыматтарды толтуруу боюнча

Нускама

1. Конкурстун катышуучулары Каттамдарда жүргүнчүлөрдү тейлөө үчүн автоташуучуну аныктоого ачык Конкурстарды өткөрүү жөнүндө жобо менен таанышууга жана конкурстук Комиссия тарабынан берилген конкурстук документтерди, ошондой эле конкурстук сунуштардын жана конкурстун катышуучусу жөнүндө маалыматтардын туура толтурулушун үйрөнүшү зарыл.

2. Конкурстун Катышуучуларынын өкүлдөрү конкурска катышууга билдирме берилгенге чейин конкурсту Уюштуруучудан консультация ала алышат.

3. Бул Нускаманын «Конкурстук сунуштарына», «Катышуучу тууралуу маалыматына», ошондой эле «Конкурска катышуудан четтетүү шарттарына» өзгөчө көңүл буруу зарыл .

Конкурстук сунуштар.

4. 3 - тиркеме II, IV, VI, VIII, X, XII графалар автомобилдердин техникалык паспортторуна ылайык Катышуучу тарабынан, III, V, VII, IX, XI, XIII жана XIV графалар конкурстук Комиссия тарабынан толтурулат.

5. 4 - тиркеме II, III графалар конкурстун Катышуучусу тарабынан, IV - графа конкурстук Комиссия тарабынан толтурулат. «КК жана ТК Кабинети» пунктуна кабинет кандай техникалык каражаттар менен жабдылган, КК жана ТК боюнча айдоочулар курамынын окуусу кандайча уюштурулган, жолдо жүрүү эрежелери (ЖЖЭ) боюнча экзамендерди кабыл алуу кандайча өтөт, ж.б.у.с. кененирээк жазуу зарыл.

6. 5 - тиркеме III жана IV графалар конкурстун Катышуучусу тарабынан, V графа конкурстук комиссия тарабынан толтурулат. «Адистиги» графасы дипломго ылайык; ал эми «Жүргүнчүлөр унаа каражаттарындагы иш стажы» графасы эмгек китепчесине ылайык толтурулат.

7. 6 - тиркеме II, III жана IV графалар конкурстун Катышуучусу тарабынан, V графа конкурстук Комиссия тарабынан толтурулат. «Туулган жылы, айы, күнү» графасы паспортко, «Жүргүнчүлөр унаа каражаттарындагы иш стажы» графасы эмгек китепчесине, «Уруксаттманын номуру, датасы жана иштөө мөөнөтү» графасы унаа чөйрөсүндөгү ыйгарым укуктуу органдары тарабынан берилген, колдонуудагы уруксаттамага ылайык толтурулат.

8. 7 - тиркеме III, IV жана V графалар конкурстун Катышуучусу тарабынан, VI графа конкурстук Комиссия тарабынан толтурулат. Бул графалар каттамды бекитүү жөнүндө унаа чөйрөсүндөгү ыйгарым укуктуу органдын чечимине ылайык же унаа чөйрөсүндөгү ыйгарым укуктуу орган менен конкурстун Катышуучусунун (эгер азыркы учурда автобустук каттамдарды тейлесе) ортосунда түзүлгөн Контрактка ылайык толтурулат.

9. 8 - тиркеме I, II, III жана IV графалар конкурстун Катышуучусу тарабынан, V графа конкурстук Комиссия тарабынан толтурулат.

Катышуучу тууралуу маалымат.

10. Конкурска катышуу билдирмесине бул жобонун 15-пунктунда көрсөтүлгөн бардык документтер тиркелиши керек.

11. 9 жана 10-тиркемелер бул Жобонун 5 жана 6-тиркемелерине окшош. Катышуучу тарабынан бардык графалар, конкурска сунушталган жетекчилердин, адистердин жана айдоочулардын аты-жөнүн көрсөтүү менен документтердин: дипломдун, эмгек китепчесинин, айдоочулук күбөлүктөрүнүн, уруксаттамалардын негизинде толтурулат.