КЫРГЫЗ РЕСПУБЛИКАСЫНЫН ѲКМѲТY

ТОКТОМ

2015-жылдын 10-январы № 2

Мамлекеттин менчигине өткөрүлгөн товарларды

максаттуу пайдалануу жөнүндө

“Кыргыз Республикасынын Өкмөтү жөнүндө” Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнө караштуу Мамлекеттик бажы кызматы Германиянын Эл аралык кызматташтык боюнча коомунун (GIZ) арызынын негизинде “Ниссан-Патрол” маркасындагы, 2012-жылы чыгарылган, кузовунун № JNITCSY61Z0583251, кыймылдаткычынын

№ TD422219362 автоунааны “мамлекеттин пайдасына баш тартуу” бажылык режиминде тариздесин.

2. Кыргыз Республикасынын Өкмөтүнө караштуу Мамлекеттик мүлктү башкаруу боюнча фонд белгиленген тартипте ушул токтомдун

1-пунктунда көрсөтүлгөн автоунааны мамлекеттин менчигине өткөрүп алсын жана белгиленген тартипте Кыргыз Республикасынын Өзгөчө кырдаалдар министрлигине оперативдик башкарууга өткөрүп берсин.

3. Кыргыз Республикасынын Өзгөчө кырдаалдар министрлиги ушул токтомдун 1-пунктунда көрсөтүлгөн автоунааны белгиленген тартипте оперативдик башкарууга өткөрүп алсын жана автоунаанын наркына баалоо жүргүзсүн.

4. Кыргыз Республикасынын Финансы министрлиги ушул токтомдун 1-пунктунда көрсөтүлгөн автоунаанын баасын белгиленген тартипте республикалык бюджеттин киреше бөлүгүнө киргизсин.

5. Ушул токтомдун аткарылышын контролдоо Кыргыз Республикасынын Өкмөтүнүн Аппаратынын коргоо, укуктук тартип жана өзгөчө кырдаалдар бөлүмүнө жүктөлсүн.