КЫРГЫЗ РЕСПУБЛИКАСЫНЫН ѲКМѲТY

ТОКТОМ

2015-жылдын 27-январы № 24

Кыргыз Республикасынын эл аралык келишимдерин түзүү,

колдонулушу жана токтотуу, ошондой эле аларды

мамлекеттик каттоо жана жарыялоо маселелери жөнүндө

“Кыргыз Республикасынын эл аралык келишимдери жөнүндө” Кыргыз Республикасынын Мыйзамын ишке ашыруу максатында, “Кыргыз Республикасынын Өкмөтү жөнүндө” Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү

ТОКТОМ КЫЛАТ:

1. Төмөнкүлөр бекитилсин:

- Кыргыз Республикасынын эл аралык келишимдерин каттоонун жана эсепке алуунун бирдиктүү мамлекеттик тутуму жөнүндө жобо 1-тиркемеге ылайык;

- Кыргыз Республикасынын эл аралык келишимдеринин күчүнө кирүүсү, колдонулушун токтото туруу же денонсациялоо (токтотуу, андан чыгуу), ошондой эле жарыялоо жөнүндө билдирүү тартиби 2-тиркемеге ылайык.

2. Ушул токтом расмий жарыяланган күндөн жети күн өткөндөн кийин күчүнө кирет.

2-тиркеме

Кыргыз Республикасынын эл аралык келишимдеринин

күчүнө кирүүсү, колдонулушун токтото туруу

же денонсациялоо (токтотуу, андан чыгуу),

ошондой эле  жарыялоо жөнүндө билдирүү

 тартиби

1. Кыргыз Республикасынын мамлекеттер аралык жана өкмөттөр аралык эл аралык келишимдеринин күчүнө кирүүсү үчүн зарыл болгон мамлекеттик ички жол-жоболордун аткарылгандыгы жөнүндө кабарлоо Кыргыз Республикасынын Тышкы иштер министрлиги же болбосо ага ыйгарым укуктуу Кыргыз Республикасынын башка мамлекеттик органы тарабынан Кыргыз Республикасынын мамлекеттер аралык жана өкмөттөр аралык эл аралык келишимдеринин күчүнө кирүүсү үчүн зарыл болгон  мамлекеттик ички жол-жоболордун аткарылгандыгы жөнүндө Кыргыз Республикасынын ченемдик укуктук актысына ылайык ишке ашырылат.

2. Кыргыз Республикасынын мамлекеттер аралык жана өкмөттөр аралык эл аралык келишимдеринин күчүнө кирүүсү үчүн зарыл болгон мамлекеттик ички жол-жоболордун аткарылгандыгы жөнүндө кабарламаны жиберүү Кыргыз Республикасынын мамлекеттер аралык жана өкмөттөр аралык эл аралык келишимдеринин күчүнө кирүүсү үчүн зарыл болгон мамлекеттик ички жол-жоболордун аткарылгандыгы жөнүндө ченемдик укуктук акты күчүнө кирген күндөн тартып 10 жумуш күндүн ичинде ишке ашырылат. Зарыл болгон учурда Кыргыз Республикасынын мамлекеттер аралык жана өкмөттөр аралык эл аралык келишимдеринин күчүнө кирүүсү боюнча мамлекеттик ички жол-жоболордун аткарылгандыгы жөнүндө кабарламаны жиберүүнүн башка мөөнөтү белгилениши мүмкүн. 

3. Кыргыз Республикасынын мамлекеттер аралык жана өкмөттөр аралык эл аралык келишимдерин ратификациялоо жөнүндө же Кыргыз Республикасынын мамлекеттер аралык жана өкмөттөр аралык эл аралык келишимдерге кошулуусу жөнүндө грамотаны жиберүү (депонирлөө) зарыл болгон учурда Кыргыз Республикасынын Тышкы иштер министрлиги бир айлык мөөнөттө Кыргыз Республикасынын Президенти кол коюучу жана анын мөөрү менен бекитилүүчү, андан кийин Кыргыз Республикасынын Тышкы иштер министринин колу жана мөөрү менен  бекитилүүчү жогоруда аталган грамоталарды даярдайт жана андан кийин аларды эл аралык келишимдин депозитарийине  жиберет. 

Кыргыз Республикасынын мамлекеттер аралык жана өкмөттөр аралык эл аралык келишимдерин ратификациялоо жөнүндө грамоталар менен алмашуу зарыл болгон учурда Кыргыз Республикасынын Тышкы иштер министрлиги бир айлык мөөнөттө Кыргыз Республикасынын Президенти кол коюучу жана анын мөөрү менен бекитилүүчү, андан кийин Кыргыз Республикасынын Тышкы иштер министринин колу жана мөөрү менен бекитилүүчү ратификациялоо жөнүндө грамотаны даярдайт жана андан кийин эл аралык келишимдин экинчи  тарабы менен макулдашылган мөөнөттөрдө ратификациялоо жөнүндө грамоталар менен алмашууну камсыз кылат, муну ырастоо үчүн эл аралык келишимдин тараптары тийиштүү документке кол коюшат.

4. Кыргыз Республикасынын Тышкы иштер министрлиги же болбосо Кыргыз Республикасынын бул боюнча ыйгарым укуктуу башка мамлекеттик органы Кыргыз Республикасынын эл аралык келишими күчүнө кирген күндөн тартып 10 календардык күндүн ичинде өзүнүн ведомстволук сайтында тийиштүү маалыматты жайгаштырат жана тийиштүү мамлекеттик органдарга кабарлама жиберет.

5. Кыргыз Республикасынын эл аралык келишимдеринин колдонулушун  токтото туруу жана денонсациялоо (токтотуу, андан чыгуу) жөнүндө кабарлоо Кыргыз Республикасынын Тышкы иштер министрлиги же Кыргыз Республикасынын бул боюнча ыйгарым укуктуу башка мамлекеттик органы тарабынан ишке ашырылат.

6. Кыргыз Республикасынын эл аралык келишимдеринин колдонулушун  токтото туруу жана денонсациялоо (токтотуу, андан чыгуу) жөнүндө кабарламаны жиберүү Кыргыз Республикасынын эл аралык келишимдеринин колдонулушун токтото туруу жана денонсациялоо (токтотуу, андан чыгуу) жөнүндө ченемдик укуктук акты күчүнө кирген күндөн тартып 10 жумуш күндүн ичинде ишке ашырылат. Зарыл болгон учурда Кыргыз Республикасынын эл аралык келишимдеринин колдонулушун  токтото туруу жана денонсациялоо (токтотуу, андан чыгуу) жөнүндө кабарламаны жиберүүнүн башка мөөнөтү белгилениши мүмкүн.

7. Кыргыз Республикасынын Тышкы иштер министрлиги же Кыргыз Республикасынын бул боюнча ыйгарым укуктуу башка мамлекеттик органы Кыргыз Республикасынын эл аралык келишимдеринин колдонулушу токтотулуп турган жана денонсацияланган (токтотуу, андан чыгуу) күндөн тартып 10 календардык күндүн ичинде өзүнүн ведомстволук сайтында тийиштүү маалыматты жайгаштырат жана тийиштүү мамлекеттик органдарга кабарлама жиберет.

8. Эгерде Кыргыз Республикасынын эл аралык келишиминин жоболору же эл аралык укуктун ченемдеринде каралган башка ыкмалар менен Кыргыз Республикасына Кыргыз Республикасынын эл аралык келишимин эл аралык уюмдарда каттоо милдеттенмеси жүктөлсө, мындай каттоону Кыргыз Республикасынын Тышкы иштер министрлиги ишке ашырат.

9. Кыргыз Республикасы өз демилгеси боюнча да Кыргыз Республикасынын эл аралык келишимин эл аралык уюмдарда каттоого укуктуу. Бул учурда мындай каттоо Кыргыз Республикасынын Тышкы иштер министрлиги тарабынан Кыргыз Республикасынын Президентинин жана Кыргыз Республикасынын Өкмөтүнүн тапшырмасы боюнча ишке ашырылат.

10. Кыргыз Республикасы үчүн күчүнө кирген Кыргыз Республикасынын мамлекеттер аралык жана өкмөттөр аралык эл аралык келишимдерди аларды түзүү жөнүндө сунушун киргизген Кыргыз Республикасынын тийиштүү мамлекеттик органдары Кыргыз Республикасынын мындай мамлекеттер аралык жана өкмөттөр аралык эл аралык келишимдери күчүнө кирген күндөн тартып бир айлык мөөнөттө өздөрүнүн расмий сайттарына расмий жарыялоого тийиш.

11. Күчүнө киргенге чейин келишимди толугу менен же анын айрым бөлүгүн Кыргыз Республикасынын убактылуу колдонуусун караган же убактылуу колдонуу жөнүндө макулдашуу кандайдыр башка тартип менен жетишилген Кыргыз Республикасынын мамлекеттер аралык жана өкмөттөр аралык эл аралык келишимдерин  аларды  түзүү жөнүндө сунуш киргизген Кыргыз Республикасынын тийиштүү мамлекеттик органдары  Кыргыз Республикасынын мамлекеттер аралык жана өкмөттөр аралык эл аралык келишимдери    күчүнө кирген күндөн тартып бир айлык мөөнөттө өздөрүнүн расмий сайттарында расмий жарыялоого тийиш.