КЫРГЫЗ РЕСПУБЛИКАСЫНЫН ѲКМѲТY

ТОКТОМ

2015-жылдын 25-марты № 153

Кыргыз Республикасынын Өкмөтүнүн айрым чечимдерине өзгөртүүлөрдү жана толуктоо киргизүү тууралуу

(КР Өкмөтүнүн 2019-жылдын 10-сентябрындагы № 464, 2020-жылдын 17-декабрындагы № 614 токтомдорунун редакцияларына ылайык)

Кыргыз Республикасынын Өкмөтүнүн айрым чечимдерин "Өлчөө бирдиктүүлүгүн камсыз кылуу жөнүндө" Кыргыз Республикасынын Мыйзамына шайкеш келтирүү максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2010-жылдын 5-февралындагы № 79 "Кыргыз Республикасынын Экономика министрлигине караштуу Метрологиялык көзөмөл боюнча мамлекеттик инспекция жөнүндө" токтомуна төмөнкүдөй өзгөртүүлөр жана толуктоо киргизилсин:

жогоруда аталган токтом менен бекитилген Кыргыз Республикасынын Экономика министрлигине караштуу Метрологиялык көзөмөл боюнча мамлекеттик инспекция жөнүндө жободо:

- 6-пунктта:

- төртүнчү-тогузунчу абзацтар төмөнкүдөй редакцияда баяндалсын: "саламаттык сактоого, ветеринарияга;

айлана-чөйрөнү коргоого, транспорттун кыймылынын коопсуздугун камсыз кылууга;

эмгектин коопсуз шарттарын жана коргоону камсыз кылууга;

өндүрүүчү (сатуучу) менен керектөөчүнүн (сатып алуучунун) ортосунда соода операцияларын жана өз ара эсептешүүлөрдү ишке ашырууга, анын ичинде:

товарлардын массасынын, көлөмүнүн, чыгымынын же башка чоңдуктарынын чыныгы маанисин жана бул товарлардын сатылган санына туура келишин аныктоо максатында соода операцияларын жүргүзүүдө ажыратылуучу товарлардын санына;

таңгакта камтылгандар аны ачмайынча же бузулмайынча өзгөртүлүшү мүмкүн болбогон, ал эми таңгакта камтылган товардын массасы, өлчөмү, узуну, аянты же санын көрсөткөн башка чоңдуктары таңгакта белгиленген учурларда ар кандай таңгакта оролгон товарлардын ачуудагы, сатуудагы жана импорттоодогу санына;";

- төмөнкүдөй мазмундагы онунчу жана он биринчи абзацтар менен толукталсын:

"почта байланышы кызматтарын көрсөтүүгө жана электр байланышынын көрсөтүлгөн кызматтарынын көлөмүн эсепке алууга (байланыштыруу узактыгы жана трафиктин көлөмү);

милдеттүү түрдө техникалык жөнгө салуу чөйрөсүндө ишти жүзөгө ашырууга;";

- 7-пунктунун тогузунчу абзацындагы "метрологиялык аттестациядан өтпөгөн," деген сөздөр алып салынсын.

2. Кыргыз Республикасынын Өкмөтүнүн 2012-жылдын 31-майындагы № 350 "Мамлекеттик метрологиялык көзөмөл жүргүзүүнүн тартиби жөнүндө жобону бекитүү тууралуу" токтомуна төмөнкүдөй өзгөртүүлөр киргизилсин:

жогоруда аталган токтом менен бекитилген Мамлекеттик метрологиялык көзөмөл жүргүзүүнүн тартиби жөнүндө жободо:

- 6-пункт төмөнкүдөй редакцияда баяндалсын:

"6. Мамлекеттик метрологиялык көзөмөл төмөнкү мамлекеттик жөнгө салуу чөйрөсүнө жайылтылат:

саламаттык сактоого, ветеринарияга;

айлана-чөйрөнү коргоого, транспорттун кыймылынын коопсуздугун камсыз кылууга;

эмгектин коопсуз шарттарын жана коргоону камсыз кылууга;

ишканалар, уюмдар жана жарандар - чарба жүргүзүүчү субъекттер тарабынан жүргүзүлүүчү ички эсепке алууну кошпогондо, энергетикалык жана материалдык ресурстарды (электр, жылуулук энергиясы, газ, суу ж.б.у.с.) ченөө бирдейлигин камсыз кылуу бөлүгүндө эсепке алууда өндүрүшчү (сатуучу) менен керектөөчүнүн (сатып алуучунун) ортосунда соода операцияларын жана өз ара эсептешүүлөрдү ишке ашырууга;

почта байланышы кызматтарын көрсөтүүгө жана электр байланышынын көрсөтүлгөн кызматтарынын көлөмүн эсепке алууга (байланыштыруу узактыгы жана трафиктин көлөмү);

техникалык жөнгө салуунун милдеттүү чөйрөсүндөгү ишти жүзөгө ашырууга;

милдеттүү түрдө техникалык жөнгө салуу чөйрөсүндө ишти жүзөгө ашырууга.";

- 7-пункттун биринчи абзацы төмөнкүдөй редакцияда баяндалсын:

"7. Саламаттык сактоо, ветеринария, айлана-чөйрөнү коргоо, транспорт кыймылынын коопсуздугун камсыздоо, эмгектин коопсуз шарттарын жана коргоону камсыз кылуу, соода операциялары жана өз ара эсептешүүлөр, почта байланышы кызматтарын көрсөтүү жана электр байланышынын көрсөтүлгөн кызматтарынын көлөмүн эсепке алуу (байланыштыруу узактыгы жана трафиктин көлөмү) жаатындагы ММКнын предмети болуп төмөнкүлөр саналат:";

- 11-пункттун он биринчи абзацындагы "метрологиялык аттестациялар," деген сөздөр алып салынсын;

- 13-пункттун он биринчи абзацындагы метрологиялык аттестациядан өтпөгөн" деген сөздөр алып салынсын;

- 8-тиркемедеги ", метрологиялык аттестация өтпөгөн" жана "метрологиялык аттестация," деген сөздөр алып салынсын.

3. Кыргыз Республикасынын Өкмөтүнүн 2012-жылдын 10-октябрындагы № 703 "Ченөө бирдейлигин камсыз кылуу боюнча талаптарды камтыган техникалык регламенттердин, башка ченемдик укуктук актылардын долбоорлоруна метрологиялык экспертиза жүргүзүү тартибин бекитүү жөнүндө" токтомуна төмөнкүдөй өзгөртүүлөр киргизилсин:

жогоруда аталган токтом менен бекитилген Ченөө бирдейлигин камсыз кылуу боюнча талаптарды камтыган техникалык регламенттердин, башка ченемдик укуктук актылардын долбоорлоруна метрологиялык экспертиза жүргүзүү тартибинде:

- 1-пункт төмөнкүдөй редакцияда баяндалсын:

"Метрологиялык экспертиза - биринчи кезекте ченөөлөрдүн бирдейлигине жана тактыгына байланыштуу метрологиялык талаптарды, эрежелерди жана ченемдерди колдонуунун тууралыгын талдоо жана баалоо.";

- 5 жана 8-пункттардагы ар түрдүү жөндөмөдөгү "метрология боюнча ыйгарым укуктуу орган" деген сөздөр тиешелүү жөндөмөдө "метрология боюнча улуттук орган" деген сөздөр менен алмаштырылсын.

4. Кыргыз Республикасынын Өкмөтүнүн 2013-жылдын 4-февралындагы № 49 "Ченөө каражаттарын текшерүүчүлөргө аттестация өткөрүүнүн тартибин бекитүү жөнүндө" токтомуна төмөнкүдөй өзгөртүү киргизилсин:

жогоруда аталган токтом менен бекитилген Ченөө каражаттарын текшерүүчүлөргө аттестация өткөрүүнүн тартибинин бүткүл тексти боюнча ар түрдүү жөндөмөдөгү "метрология боюнча ыйгарым укуктуу орган" деген сөздөр тиешелүү жөндөмөдө "метрология боюнча улуттук орган" деген сөздөр менен алмаштырылсын.

5. (КР Өкмөтүнүн 2020-жылдын 17-декабрындагы № 614 токтомуна ылайык күчүн жоготту)

6. (КР Өкмөтүнүн 2019-жылдын 10-сентябрындагы № 464 токтомуна ылайык күчүн жоготту)

7. "Кыргыз Республикасынын Өкмөтүнүн 2013-жылдын 6-мартындагы № 120 "Ченөө каражаттарына метрологиялык аттестация жүргүзүүнүн тартиби жөнүндө жобону бекитүү тууралуу" токтому күчүн жоготту деп таанылсын.

8. Ушул токтом расмий жарыяланган күндөн он беш күн өткөндөн кийин күчүнө кирет.