КЫРГЫЗ РЕСПУБЛИКАСЫНЫН ѲКМѲТY

ТОКТОМ

2015-жылдын 8-июну № 349

Кызыл-Кыя шаарындагы Оорулардын алдын алуу жана мамлекеттик санитардык-эпидемиологиялык көзөмөлдөө борборунун имаратын Баткен облусунун Кызыл-Кыя шаарынын муниципалдык менчигине өткөрүп берүү жөнүндө

"Мүлккө муниципалдык менчик жөнүндө" Кыргыз Республикасынын Мыйзамына, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнө караштуу Мамлекеттик мүлктү башкаруу боюнча фонд Кызыл-Кыя шаары, 1-кичи району, үй № 12 дареги боюнча жайгашкан Оорулардын алдын алуу жана мамлекеттик санитардык-эпидемиологиялык көзөмөлдөө борборунун имаратын Баткен облусундагы Кызыл-Кыя шаарынын муниципалдык менчигине белгиленген тартипте өткөрүп берсин.

2. Баткен облусунун Кызыл-Кыя шаардык мэриясына төмөнкүлөр сунушталсын:

- ушул токтомдун 1-пунктунда аталган объектти муниципалдык менчикке кабыл алуу;

- жогоруда аталган объектти белгиленген тартипте мамлекеттик кайра каттоо.

3. Ушул токтомдун аткарылышын контролдоо Кыргыз Республикасынын Өкмөтүнүн Аппаратынын уюштуруу-инспектордук иштер жана жергиликтүү өз алдынча башкаруу бөлүмүнө жүктөлсүн.

4. Ушул токтом расмий жарыяланган күндөн он күн өткөндөн кийин күчүнө кирет.