КР Министрлер Кабинетинин 2021-жылдын 15-ноябрындагы № 264 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2016-жылдын 12-декабры № 664

Кыргыз Республикасынын Өкмөтүнө караштуу Жаштар иштери, дене тарбия жана спорт боюнча мамлекеттик агенттиктин түзүмүн оптималдаштыруу жөнүндө

(КР Өкмөтүнүн 2017-жылдын 27-октябрындагы № 706 токтомунун редакциясына ылайык)

Кыргыз Республикасынын Өкмөтүнө караштуу Жаштар иштери, дене тарбия жана спорт боюнча мамлекеттик агенттиктин түзүмүн оптималдаштыруу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнө караштуу Жаштар иштери, дене тарбия жана спорт боюнча мамлекеттик агенттик:

- Кыргыз Республикасынын Өкмөтүнө караштуу Жаштар иштери, дене тарбия жана спорт боюнча мамлекеттик агенттиктин алдындагы "Манас" республикалык жаштар ордосун жойсун;

- Кыргыз Республикасынын Өкмөтүнө караштуу Жаштар иштери, дене тарбия жана спорт боюнча мамлекеттик агенттиктин борбордук аппаратына 4 штаттык бирдикти кабыл алсын;

- 4 штаттык бирдикти кыскартсын;

- Кыргыз Республикасынын мыйзамдарына ылайык "Манас" республикалык жаштар ордосун жоюу боюнча тиешелүү иш-чараларды өткөрүү үчүн жоюу комиссиясын түзсүн.

2. Кыргыз Республикасынын Билим берүү жана илим министрлиги Кыргыз Республикасынын Өкмөтүнө караштуу Жаштар иштери, дене тарбия жана спорт боюнча мамлекеттик агенттиктин карамагына төмөнкүлөрдү өткөрүп берсин:

- Кыргыз Республикасынын Билим берүү жана илим министрлигинин карамагындагы мектептен тышкаркы кошумча билим берүүнүн спорт уюмдарын жана аларга таандык болгон финансылык жана материалдык-техникалык каражаттарын тиркемеге ылайык;

- борбордук аппараттын 4 штаттык бирдигин финансылык жана материалдык-техникалык каражаттары менен жаштар саясатын иштеп чыгуу боюнча функциясын;

- жыл сайын окуучулар арасындагы, мугалимдер арасындагы спартакиаданы уюштурууга жана өткөрүүгө жана республикалык жана эл аралык универсиадаларга даярдык көрүүгө, өткөрүүгө жана катышууга каралган финансылык каражаттарын.

3. Кыргыз Республикасынын Өкмөтүнүн 2011-жылдын 22-августундагы № 473 "Кыргыз Республикасынын министрликтеринин, администрациялык ведомстволорунун жана башка мамлекеттик органдарынын штаттык санынын чеги жөнүндө" токтомуна төмөнкүдөй өзгөртүүлөр киргизилсин:

жогоруда аталган токтомдун 1-тиркемесинде:

- 10-пункттагы "402" жана "81" деген цифралар тиешелүүлүгүнө жараша "398" жана "77" деген цифралар менен алмаштырылсын;

16-пунктта:

- "47" деген цифралар "55" деген цифралар менен алмаштырылсын;

- "ведомствого караштуу бөлүктөр" деген сөздөр жана "8" деген цифра алып салынсын.

4. Кыргыз Республикасынын Билим берүү жана илим министрлиги жана Кыргыз Республикасынын Өкмөтүнө караштуу Жаштар иштери, дене тарбия жана спорт боюнча мамлекеттик агенттик:

- бир жумалык мөөнөттө өткөрүп берилүүчү мекемелердин активдерин жана пассивдерин белгиленген тартипте кабыл алуу-өткөрүп берүү үчүн комиссия түзүшсүн;

- бир айлык мөөнөттө ченемдик укуктук актыларга ушул токтомдон келип чыгуучу өзгөртүүлөрдү жана толуктоолорду киргизүү жөнүндө Кыргыз Республикасынын Өкмөтүнүн чечимдеринин долбоорлорун даярдашсын жана Кыргыз Республикасынын Өкмөтүнүн кароосуна белгиленген тартипте киргизишсин;

- штаттарды өткөрүп берүүдө өткөрүп берилүүчү функцияларды аткаруу үчүн ушул токтомдун күчүнө кирген күнүнө карата тиешелүү кызмат орундарын ээлеп турган Кыргыз Республикасынын Билим берүү жана илим министрлигинин кызматкерлери которулууга тийиш экендигин көңүлгө алышсын;

- ушул токтомдон келип чыгуучу толук чараларды Кыргыз Республикасынын мыйзамдарына ылайык көрүшсүн.

5. Ушул токтом расмий жарыяланган күндөн тартып жети күн өткөндөн кийин күчүнө кирет.

6. Ушул токтомдун аткарылышын контролдоо Кыргыз Республикасынын Өкмөтүнүн Аппаратынын билим берүү, маданият жана спорт бөлүмүнө жүктөлсүн.

Тиркеме

Кыргыз Республикасынын Билим берүү жана илим министрлигинен Кыргыз Республикасынын Өкмөтүнө караштуу Жаштар иштери, дене тарбия жана спорт боюнча мамлекеттик агенттиктин карамагына өткөрүлүүчү мектептен тышкаркы кошумча билим берүүнүн спорт уюмдарынын ТИЗМЕГИ

(КР Өкмөтүнүн 2017-жылдын 27-октябрындагы № 706 токтомунун редакциясына ылайык)