КР Министрлер Кабинетинин 2022-жылдын 29-августундагы № 474 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2016-жылдын 27-декабры № 705

Кыргыз Республикасынын Өкмөтүнүн 2013-жылдын 18-октябрындагы № 568 “Кыргыз Республикасынын прокуратура органдарынын мамлекеттик кызматчыларына эмгек акы төлөө шарттары тууралуу” токтомуна толуктоолорду киргизүү жөнүндө

Кыргыз Республикасынын прокуратура органдарынын кызматкерлеринин эмгегине дем берүү, “Кыргыз Республикасынын прокуратурасы жөнүндө” Кыргыз Республикасынын Мыйзамынын 50-беренесине, “Кыргыз Республикасынын Өкмөтү жөнүндө” Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2013-жылдын 18-октябрындагы № 568 “Кыргыз Республикасынын прокуратура органдарынын мамлекеттик кызматчыларына эмгек акы төлөө шарттары тууралуу” токтомуна төмөнкүдөй толуктоолор киргизилсин:

- 3-пункту төмөнкүдөй мазмундагы бешинчи жана алтынчы абзацтар менен толукталсын:

“- “Аскер кызматкерлерин пенсия менен камсыз кылуу жөнүндө” Кыргыз Республикасынын Мыйзамынын 13-статьясына ылайык пенсия алууга укугу бар жана ишин улантып жаткан прокуратура органдарынын прокурорлоруна жана тергөөчүлөрүнө негизги акчалай акы төлөө учуруна карата белгиленген пенсиянын өлчөмүнөн 50 пайыз өлчөмүндө кошумча төлөөлөр жүргүзүлөт;

негизги акчалай акы төлөө учуруна карата белгиленген пенсиянын өлчөмүнөн 50 пайыз өлчөмүндөгү кошумча төлөөлөр өргүүгө, өргүүгө карата жөлөкпулду, квартал сайынкы сыйлыкты жана эмгек акы фондунан үнөмдөөлөрдү эсептөөдө эске алынбай тургандыгы белгиленсин.”.

2. Ушул токтом 2017-жылдын 1-январынан тартып күчүнө кирет.