КР Министрлер Кабинетинин 2025-жылдын 30-декабрындагы № 849 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2017-жылдын 18-августу № 503

Кыргыз Республикасынын Өкмөтүнүн 2015-жылдын 17-ноябрындагы № 776 "Ачык компанияларда милдеттүү аудит жүргүзүүгө коюлуучу талаптар жөнүндө" токтомуна өзгөртүүлөрдү киргизүү тууралуу

Ачык компанияларда милдеттүү аудитти жүргүзүү боюнча маселени жөнгө салуу максатында, "Баалуу кагаздар рыногу жөнүндө" Кыргыз Республикасынын Мыйзамынын 29-беренесине, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2015-жылдын 17-ноябрындагы № 776 "Ачык компанияларда милдеттүү аудит жүргүзүүгө коюлуучу талаптар жөнүндө" токтомуна төмөнкүдөй өзгөртүүлөр киргизилсин:

- 2-пункту төмөнкүдөй редакцияда баяндалсын:

"2. Ачык компаниялар аудитордук уюмду тандоодо ушул токтомдун тиркемесине ылайык талаптарды жетекчиликке алуулары зарыл.";

- жогоруда аталган токтом менен бекитилген Ачык компанияларда милдеттүү аудит жүргүзүү үчүн аудиторлорго коюлуучу талаптарда:

биринчи абзацы төмөндөгүдөй редакцияда баяндалсын:

"Ачык компанияларда милдеттүү аудит жүргүзүү үчүн аудитордук уюмдун аудитору акыркы 3 (үч) жылдын ичинде Финансы отчетунун эл аралык стандарттарына (ФОЭС) ылайык түзүлгөн 10дон (он) кем эмес финансы отчетунун аудитин жүргүзүү тажрыйбасына ээ болушу керек.".

2. Ушул токтом расмий жарыяланган күндөн тартып он беш күн өткөндөн кийин күчүнө кирет.