КЫРГЫЗ РЕСПУБЛИКАСЫНЫН МЫЙЗАМЫ

2015-жылдын 28-апрели № 89

"Курал жөнүндө" Кыргыз Республикасынын Мыйзамына толуктоолорду жана өзгөртүү киргизүү тууралуу

1-берене.

"Курал жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 1999-ж., № 11, 448-ст.) төмөнкүдөй толуктоолор жана өзгөртүү киргизилсин:

8-статьяда:

мамлекеттик тилдеги биринчи абзацы "аймагында" деген сөздөн кийин "төмөнкүлөргө тыюу салынат" деген сөздөр менен толукталсын;

мамлекеттик тилдеги 8-пунктунда "тыюу салынат" деген сөздөр алып салынсын;

статья төмөнкүдөй мазмундагы 9-пункт менен толукталсын:

"9) билим берүү уюмдарынын, саламаттык сактоо жана коомдук тамактануу уюмдарынын аймактарында, ошондой эле мамлекеттик органдар жана жергиликтүү өз алдынча башкаруу органдары жайгашкан имараттарда жарандык, кызматтык куралдарды жана алардын ок-дарыларын сатууга.".

2-берене.

Ушул Мыйзам расмий жарыяланган күндөн тартып 15 күн өткөндөн кийин күчүнө кирет.

"Эркин Тоо" газетасынын 2015-жылдын 1-майында № 38-39 жарыяланды

Кыргыз Республикасынын Өкмөтү 3 айлык мөөнөттө өзүнүн ченемдик укуктук актыларын ушул Мыйзамга ылайык келтирсин.