КЫРГЫЗ РЕСПУБЛИКАСЫНЫН МЫЙЗАМЫ

2017-жылдын 19-апрели № 61

Кыргыз Республикасынын айрым мыйзам актыларына ("Кыргыз Республикасынын Адвокатурасы жана адвокаттык иш жөнүндө" Кыргыз Республикасынын Мыйзамына, Кыргыз Республикасынын Администрациялык жоопкерчилик жөнүндө кодексине) өзгөртүүлөрдү киргизүү тууралуу

1-берене.

"Кыргыз Республикасынын Адвокатурасы жана адвокаттык иш жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2014-ж., № 7, 672-ст.) төмөнкүдөй өзгөртүү киргизилсин:

25-берененин 1-бөлүгүнүн 2-пунктунда "бир айлык мөөнөттөн кечиктирбестен" деген сөздөр "14 жумушчу күндүн ичинде" деген сөздөргө алмаштырылсын.

2-берене.

Кыргыз Республикасынын Администрациялык жоопкерчилик жөнүндө кодексине (Кыргыз Республикасынын Жогорку Кеңешинин Ведомосттору, 1998-ж., № 2, 77-ст.) төмөнкүдөй өзгөртүүлөр киргизилсин:

1) 29-глава төмөнкүдөй мазмундагы 409⁴-статья менен толукталсын:

"409⁴-статья. Адвокаттык суроо-талап келип түшкөндүгүнө байланыштуу адвокатка маалымат берүүдөн мыйзамсыз баш тартуу

Адвокаттык суроо-талап келип түшкөндүгүнө байланыштуу адвокатка маалымат берүүдөн мыйзамсыз баш тартуу, аны өз учурунда бербөө же болбосо атайылап жалган маалыматтарды берүү -

эсептик көрсөткүчтүн ондон жыйырмага чейинки өлчөмүндө администрациялык айып салууга алып келет.

Ушул статьянын биринчи бөлүгүндө каралган ошол эле аракеттер администрациялык жаза-чара колдонулгандан кийин жыл ичинде кайталанып жасалса, -

эсептик көрсөткүчтүн элүү өлчөмүндө администрациялык айып салууга алып келет.";

2) 508-статьянын 1-бөлүгү "409³," деген цифралардан кийин "409⁴," деген цифралар менен толукталсын;

3) 556-1-статьянын 1-пунктунун 1-пунктчасынын экинчи абзацы "409¹" деген цифралардан кийин ", 409⁴" деген цифралар менен толукталсын.

3-берене.

Ушул Мыйзам расмий жарыяланган күндөн тартып он күн өткөндөн кийин күчүнө кирет.

"Эркин Тоо" газетасынын 2017-жылдын 25-апрелинде № 49-50 (2774-2775) жарыяланды