МыйзамКүчүндө

КР 2021-жылдын 8-декабрындагы № 148 «2010-жылдын апрель-июнунда болуп өткөн окуялардын натыйжасында курман болгондордун үй-бүлө мүчөлөрүн жана жабыр тарткан адамдарды социалдык коргоо жөнүндө» Кыргыз Республикасынын Мыйзамына өзгөртүүлөрдү киргизүү жөнүндө" Мыйзамы

Редакция08.12.2021 редакциясы
Жүктөө .docx
Бул документ орус тилинде да барОрусча
Кыргыз Республикасынын Мамлекеттик герби

КЫРГЫЗ РЕСПУБЛИКАСЫНЫН МЫЙЗАМЫ

2021-жылдын 8-декабры № 148

"2010-жылдын апрель-июнунда болуп өткөн окуялардын натыйжасында курман болгондордун үй-бүлө мүчөлөрүн жана жабыр тарткан адамдарды социалдык коргоо жөнүндө" Кыргыз Республикасынын Мыйзамына өзгөртүүлөрдү киргизүү жөнүндө

1-берене.

"2010-жылдын апрель-июнунда болуп өткөн окуялардын натыйжасында курман болгондордун үй-бүлө мүчөлөрүн жана жабыр тарткан адамдарды социалдык коргоо жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2012-ж., № 9, 2865-ст.) төмөнкүдөй өзгөртүүлөр киргизилсин:

1) Мыйзамдын аталышы "апрель-июнунда" деген сөздөрдөн кийин "жана 2021-жылдын апрелинде" деген сөздөр менен толукталсын;

2) 1-берене "апрель-июнунда" деген сөздөрдөн кийин "жана 2021-жылдын апрелинде" деген сөздөр менен толукталсын;

3) 2-берененин экинчи жана үчүнчү абзацтары "жана Жалал-Абад облустарындагы" деген сөздөрдөн кийин ", ошондой эле 2021-жылдын 28-30-апрелинде Баткен облусундагы" деген сөздөр менен толукталсын;

4) 5-берененин үчүнчү абзацы "апрель-июнь" деген сөздөрдөн кийин "жана 2021-жылдын апрель" деген сөздөр менен толукталсын;

5) 6-берене "апрель-июнунда" деген сөздөрдөн кийин "жана 2021-жылдын апрелинде" деген сөздөр менен толукталсын;

6) 8-беренеде:

- 1-бөлүгү "жана Жалал-Абад облустарындагы" деген сөздөрдөн кийин ", ошондой эле 2021-жылдын 28-30-апрелинде Баткен облусундагы" деген сөздөр менен толукталсын;

- мамлекеттик тилдеги 2-бөлүгүнүн үчүнчү абзацындагы "жеткенче" деген сөз "жеткенде" деген сөзгө алмаштырылсын;

7) 10-берененин алтынчы абзацындагы "белгиленген тартипте" деген сөздөр "белгиленген тартипте жана шарттарда" деген сөздөргө алмаштырылсын.

2-берене.

Ушул Мыйзам расмий жарыяланууга тийиш жана 2021-жылдын 1-октябрынан тартып күчүнө кирет.

Кыргыз Республикасынын Министрлер Кабинети ушул Мыйзам расмий жарыяланган күндөн тартып үч айлык мөөнөттө өзүнүн чечимдерин ушул Мыйзамга ылайык келтирсин.

 

Кыргыз Республикасынын

         Президенти

 

С.Н. Жапаров

 

2021-жылдын 27-октябрында

Кыргыз Республикасынын Жогорку Кеңеши тарабынан кабыл алынган