КЫРГЫЗ РЕСПУБЛИКАСЫНЫН МЫЙЗАМЫ

2023-жылдын 13-апрели № 88

Кыргыз Республикасынын айрым мыйзам актыларына ("Кыргыз Республикасынын азык-түлүк коопсуздугу жөнүндө", "Автомобиль транспорту жөнүндө" Кыргыз Республикасынын мыйзамдарына) өзгөртүүлөрдү киргизүү жөнүндө

1-берене

"Кыргыз Республикасынын азык-түлүк коопсуздугу жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2008-ж., № 6/2, 647-ст.) төмөнкүдөй өзгөртүүлөр киргизилсин:

5-беренеде:

а) төртүнчү абзац төмөнкүдөй редакцияда баяндалсын:

"- Кыргыз Республикасынын баа түзүү жөнүндө мыйзамдарында белгиленген тартипте азык-түлүк товарларынын айрым түрлөрүнө бааларды мамлекеттик жөнгө салууну киргизет;";

б) бешинчи абзац күчүн жоготту деп таанылсын.

2-берене

"Автомобиль транспорту жөнүндө" Кыргыз Республикасынын Мыйзамына (Кыргыз Республикасынын Жогорку Кеңешинин Жарчысы, 2013-ж., № 7, 940-ст.) төмөнкүдөй өзгөртүүлөр киргизилсин:

11-беренеде:

а) 1-бөлүк күчүн жоготту деп таанылсын;

б) 3-бөлүк төмөнкүдөй редакцияда баяндалсын:

"3. Жүктөрдү, почтаны ташууга байланышкан тарифтер, жыйымдар жана төлөм келишимдик негизде белгиленет.".

3-берене

Ушул Мыйзам расмий жарыяланган күндөн тартып он күн өткөндөн кийин күчүнө кирет.

"Эркин Тоо" газетасынын 2023-жылдын 14-апрелиндеги № 30 (3479) жарыяланды