КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2017-жылдын 17-ноябры № 752

"Бишкек шаарында 2017-жылдын 20-октябрында кол коюлган Кыргыз Республикасы менен Эл аралык өнүктүрүү ассоциациясынын (Дүйнөлүк банктын) ортосундагы "Санариптик Борбордук Азия жана Түштүк Азия" (Digital CASA) (ТF0А5602) сунушталган долбоорун даярдоого ЕСАРDЕV грантын бөлүү жөнүндө макулдашуу катын ратификациялоо тууралуу" Кыргыз Республикасынын Мыйзамынын долбоору жөнүндө

Кыргыз Республикасынын Конституциясынын 79-беренесине, 80-беренесинин 2-бөлүгүнө, "Кыргыз Республикасынын Жогорку Кеңешинин Регламенти жөнүндө" Кыргыз Республикасынын Мыйзамынын 68-беренесине, "Кыргыз Республикасынын эл аралык келишимдери жөнүндө" Кыргыз Республикасынын Мыйзамына ылайык, мамлекеттик ички жол-жоболорду аткаруу максатында Кыргыз Республикасынын Өкмөтү

ТОКТОМ КЫЛАТ:

1. Төмөнкү тиркелгендер жактырылсын:

- "Бишкек шаарында 2017-жылдын 20-октябрында кол коюлган Кыргыз Республикасы менен Эл аралык өнүктүрүү ассоциациясынын (Дүйнөлүк банктын) ортосундагы "Санариптик Борбордук Азия жана Түштүк Азия" (Digital CASA) (ТF0А5602) сунушталган долбоорун даярдоого ЕСАРDЕV грантын бөлүү жөнүндө макулдашуу катын ратификациялоо тууралуу" Кыргыз Республикасынын Мыйзамынын долбоору;

- Бишкек шаарында 2017-жылдын 20-октябрында кол коюлган Кыргыз Республикасы менен Эл аралык өнүктүрүү ассоциациясынын (Дүйнөлүк банктын) ортосундагы "Санариптик Борбордук Азия жана Түштүк Азия" (Digital CASA) (ТF0А5602) сунушталган долбоорун даярдоого ЕСАРDЕV грантын бөлүү жөнүндө макулдашуу катына Кыргыз Республикасынын Өкмөтүнүн корутундусу.

2. Аталган мыйзамдын долбоору Кыргыз Республикасынын Жогорку Кеңешинин кароосуна жиберилсин.

3. Кыргыз Республикасынын Жогорку Кеңешинен бул мыйзамдын долбоорун кечиктирилгис катары кезексиз тартипте кароо суралсын.

4. Кыргыз Республикасынын Маалыматтык технологиялар жана байланыш мамлекеттик комитетинин төрагасы аталган мыйзамдын долбоору Кыргыз Республикасынын Жогорку Кеңешинде каралганда Кыргыз Республикасынын Өкмөтүнүн расмий өкүлү болуп дайындалсын.

Долбоор

КЫРГЫЗ РЕСПУБЛИКАСЫНЫН МЫЙЗАМЫ

Бишкек шаарында 2017-жылдын 20-октябрында кол коюлган Кыргыз Республикасы менен Эл аралык өнүктүрүү ассоциациясынын (Дүйнөлүк банктын) ортосундагы "Санариптик Борбордук Азия жана Түштүк Азия" (Digital CASA) (TF0A5602) cунушталган долбоорун даярдоого ECAPDEV грантын бөлүү жөнүндө макулдашуу катын ратификациялоо тууралуу

1-берене.

Бишкек шаарында 2017-жылдын 20-октябрында кол коюлган Кыргыз Республикасы менен Эл аралык өнүктүрүү ассоциациясынын (Дүйнөлүк банктын) ортосундагы "Санариптик Борбордук Азия жана Түштүк Азия" (Digital CASA) (TF0A5602) cунушталган долбоорун даярдоого ECAPDEV грантын бөлүү жөнүндө макулдашуу каты ратификациялансын.

2-берене.

Кыргыз Республикасынын Финансы министрлиги Эл аралык өнүктүрүү ассоциациясына (Дүйнөлүк банкка) жогоруда көрсөтүлгөн Макулдашуу катынын күчүнө кириши үчүн зарыл болгон мамлекеттик ички жол-жоболор Кыргыз Республикасы тарабынан аткарылгандыгы жөнүндө белгиленген тартипте кабарласын.

3-берене.

Ушул Мыйзам расмий жарыяланган күндөн тартып он күн өткөндөн кийин күчүнө кирет.

Кыргыз Республикасынын Президенти

Бишкек шаарында 2017-жылдын 20-октябрында кол коюлган Кыргыз Республикасы менен Эл аралык өнүктүрүү ассоциациясынын (Дүйнөлүк банктын) ортосундагы "Санариптик Борбордук Азия жана Түштүк Азия" (Digital CASA) (TF0A5602) cунушталган долбоорун даярдоого ECAPDEV грантын бөлүү жөнүндө макулдашуу катына Кыргыз Республикасынын Өкмөтүнүн КОРУТУНДУСУ

Бишкек шаарында 2017-жылдын 20-октябрында кол коюлган Кыргыз Республикасы менен Эл аралык өнүктүрүү ассоциациясынын (Дүйнөлүк банктын) ортосундагы "Санариптик Борбордук Азия жана Түштүк Азия" (Digital CASA) (TF0A5602) cунушталган долбоорун даярдоого ECAPDEV грантын бөлүү жөнүндө макулдашуу каты Кыргыз Республикасынын Конституциясынын жана мыйзамдарынын, ошондой эле Кыргыз Республикасы катышуучу болуп саналган, мыйзамдарда белгиленген тартипте күчүнө кирген эл аралык келишимдердин ченемдерине шайкеш келет.

Долбоордун максаты "Digital CASA" сунушталган долбоорду даярдоого көмөктөшүү болуп саналат.

Долбоор төмөнкүдөй иштин түрлөрүнөн турат:

- Долбоорлорду ишке ашыруу бөлүмүн уюштуруу жана күнүмдүк ишин, анын ичинде фидуциардык, финансылык, мониторинг жана баалоо ишин жүргүзүү, зарыл болгон материалдык-техникалык камсыздоо механизмдерин түзүү жана ушул максаттар үчүн керектүү персонал алуу;

- Долбоордун негизги документтерин даярдоону колдоо жана тиешелүү техникалык жардам, анын ичинде Долбоорду даярдоо үчүн зарыл болгон жыйынтыктардын матрицасы, сатып алуулардын стратегиялык документин түзүү үчүн рынокту изилдөө, долбоордук көрсөткүчтөргө базалык текшерүү жүргүзүү жана Долбоордун операциялык колдонмосу сыяктуу техникалык изилдөөлөр жана документтер; жана "Digital CASA" сунушталган долбооруна берилген кепилдиктер жөнүндө документтер;

- Долбоордун Аткаруучусунун жана долбоордун цикли менен байланышкан маселелер боюнча профилдик министрликтердин айрым кызматкерлеринин, ошондой эле жетекчиликтин квалификациясын жогорулатуу жана сатып алуулар менен финансылык башкаруу боюнча Дүйнөлүк банктын жол-жоболорун жакшыртуу;

- Долбоордун Аткаруучусуна консультациялык кызмат көрсөтүү, окутуу жана Долбоорду ишке ашыруу жана Долбоордун аудитин каржылоо үчүн кошумча операциялык чыгымдар.

Макулдашуу катына ылайык үч жүз элүү миң АКШ долларынан (350000$) ашпаган өлчөмдө грант (Грант) бөлүү сунушталууда, анын ичинен:

- 303 миң АКШ доллары - консультанттардын кызматтарына;

- 34 миң АКШ доллары - окутууга;

- 13 миң АКШ доллары - кошумча операциялык чыгымдарга.

"Кыргыз Республикасынын эл аралык келишимдери жөнүндө" Кыргыз Республикасынын Мыйзамына ылайык Макулдашуу катынын долбооруна кол коюлганга чейин Кыргыз Республикасынын Жогорку Кеңешинин профилдик комитеттери: Бюджет жана финансы боюнча комитети, Эл аралык иштер, коргоо жана коопсуздук боюнча комитети жана Транспорт, коммуникациялар, архитектура жана курулуш боюнча комитети менен макулдашылган жана Кыргыз Республикасынын Өкмөтүнүн 2017-жылдын 5-октябрындагы № 459-б буйругу менен жактырылган.

Жогоруда аталган Макулдашуу катына Кыргыз Республикасынын Финансы министри Бишкек шаарында 2017-жылдын 20-октябрында кол койгон.

Аталган Макулдашуу катын ратификациялоодо финансы-экономикалык жана башка терс кесепеттерге алып келбейт, ошондой эле республикалык бюджеттен каржылоо талап кылынбайт.