КР Өкмөтүнүн 2018-жылдын 25-декабрындагы № 607 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2018-жылдын 11-апрели № 196

"Кыргыз Республикасынын Жазык-процесстик кодексине өзгөртүүлөрдү киргизүү жөнүндө" Кыргыз Республикасынын Мыйзамынын долбоору тууралуу

Кыргыз Республикасынын Конституциясынын 79-беренесине ылайык Кыргыз Республикасынын Өкмөтү

ТОКТОМ КЫЛАТ:

1. "Кыргыз Республикасынын Жазык-процесстик кодексине өзгөртүүлөрдү киргизүү жөнүндө" Кыргыз Республикасынын Мыйзамынын долбоору жактырылсын.

2. Аталган мыйзам долбоору Кыргыз Республикасынын Жогорку Кеңешине кароого киргизилсин.

3. Кыргыз Республикасынын Өкмөтүнө караштуу Мамлекеттик бажы кызматынын төрагасы ушул мыйзам долбоору Кыргыз Республикасынын Жогорку Кеңешинде каралганда Кыргыз Республикасынын Өкмөтүнүн расмий өкүлү болууга дайындалсын.

Долбоор

Кыргыз Республикасынын Мыйзамы

Кыргыз Республикасынын Жазык-процесстик кодексине өзгөртүүлөрдү киргизүү жөнүндө

1-берене.

Кыргыз Республикасынын Жазык-процесстик кодексине (Кыргыз Республикасынын Жогорку Кеңешинин Жарчысы, 1999-ж., № 10, 442-берене) төмөнкүдөй өзгөртүүлөр киргизилсин:

1) 5-беренесинин жыйырма алтынчы абзацы "жазык-аткаруу тутумунун," деген сөздөрдөн кийин "бажы органдарынын" деген сөздөр менен толукталсын;

2) 163-беренеси төмөнкүдөй мазмундагы 5-2-бөлүк менен толукталсын:

"(5-2) Экономикалык иш чөйрөсүндөгү кылмыштар жөнүндө жазык иштери боюнча (Кыргыз Республикасынын Кылмыш-жаза кодексинин 204-беренесинин биринчи бөлүгү жана 210-беренеси) тездетилген сотко чейинки өндүрүш бажы органдарынын алгачкы текшерүү органы ыйгарым укук берген кызмат адамдары тарабынан жүргүзүлөт.".

2-берене.

Бул Мыйзам расмий жарыяланган күндөн тартып он беш күн өткөндөн кийин күчүнө кирет.