1-тиркеме

Мамлекеттик социалдык заказды ишке ашырууда коомдук пайдалуу долбоорлордун конкурсун өткөрүү тартиби жөнүндө ЖОБО

1. Жалпы жоболор

1. Ушул Жобо "Мамлекеттик социалдык заказ жөнүндө" Кыргыз Республикасынын Мыйзамына ылайык мамлекеттик социалдык заказды ишке ашырууда коомдук пайдалуу долбоорлордун конкурсун өткөрүү тартибин белгилейт.

2. Тиешелүү бюджетти бекитүү тууралуу ченемдик укуктук акт күчүнө кирген күндөн тартып мамлекеттик социалдык заказ программасын каржылоого каражаттар бюджетинде каралган ыйгарым укуктуу мамлекеттик орган же жергиликтүү өз алдынча башкаруу органы мамлекеттик заказчы статусуна ээ болот.

3. Мамлекеттик заказчы тиешелүү бюджетти бекитүү тууралуу ченемдик укуктук акт күчүнө кирген күндөн тартып 21 календарлык күндөн кечиктирбеген мөөнөттө программаны ишке ашыруу планын иштеп чыгат жана бекитет.

4. Мамлекеттик социалдык заказ программасын ишке ашыруу планы "Мамлекеттик социалдык заказ жөнүндө" Кыргыз Республикасынын Мыйзамынын 6-беренесинин 1-бөлүгүндө каралган анын ар бир формасы боюнча атайын бөлүмдү камтышы керек, анда деталдуу түрдө мамлекеттик социалдык заказды ишке ашыруу тартиби көрсөтүлөт жана төмөнкүдөй маалымат камтылат:

1) ишке ашыруу мөөнөтү;

2) мамлекеттик социалдык заказды аткаруучулардын категориялары;

3) социалдык кызматтарды алуучулар (эгерде бул форма кызмат көрсөтүүнү карай турган болсо);

4) коомдук пайдалуу максаттар;

5) мамлекеттик социалдык заказды ишке ашыруу аймагы;

6) гранттын максималдуу суммасын көрсөтүү, билим берүү ишмердигине лицензиянын зарылдыгы жана башка мамлекеттик социалдык заказды ишке ашыруу шарттары жөнүндө.

5. Жергиликтүү өз алдынча башкаруу органдарына мамлекеттик социалдык заказды ишке ашырууну өкүлдөгөн учурда ыйгарым укуктуу мамлекеттик органдын программасын ишке ашыруу планында "Мамлекеттик социалдык заказ жөнүндө" Кыргыз Республикасынын Мыйзамынын 11-беренесинин 5-бөлүгүнө ылайык мамлекеттик социалдык заказды ишке ашыруу үчүн жергиликтүү өз алдынча башкаруу органдарына бериле турган каражаттар каралышы керек.

6. Эгерде программанын кайсы бир бөлүгүн же толугу менен ишке ашыруу ыйгарым укуктуу мамлекеттик орган тарабынан анын аймактык бөлүмүнө мамлекеттик заказчы катары чыккан ыйгарым укуктуу мамлекеттик органдын ыйгарым укуктарында көрсөтүлгөн "Мамлекеттик социалдык заказ жөнүндө" Кыргыз Республикасынын Мыйзамынын 8-беренесинин 11-бөлүгүнүн 2-пунктуна ылайык берилсе, аны тиешелүү аймактык бөлүм ишке ашырат.

7. Коомго пайдалуу долбоорлордун конкурсу ушул Жобонун 1-тиркемесине ылайык форма боюнча графикке ылайык жүргүзүлөт.

8. Мамлекеттик социалдык заказды ишке ашырууда коомдук пайдалуу долбоорлордун конкурсун өткөрүүнүн ачыктыгын камсыздоо үчүн мамлекеттик социалдык заказдын программасы, программаны ишке ашыруу планы, өткөрүлгөн конкурстар, темалары, мөөнөттөрү жана конкурстарды өткөрүү тартиби, конкурстун катышуучулары, жеңүүчүлөрдү тандоо критерийлери жана башка конкурска тиешелүү болгон ар кандай маалымат жарандарга жеткиликтүү болуусу керек жана мамлекеттик заказчынын расмий сайтына же мамлекеттик социалдык заказдын алкагында коомдук пайдалуу долбоорлорду каржылоого мамлекеттик гранттар порталына жарыяланышы керек.

9. Мамлекеттик социалдык заказдын алкагында коомдук пайдалуу долбоорлорду каржылоого мамлекеттик гранттар порталынын (мындан ары - мамлекеттик гранттар порталы) форматы жана иши Кыргыз Республикасынын Өкмөтү тарабынан аныкталат.

10. Коомдук пайдалуу долбоорлорду ишке ашырууга конкурсту жарыялоо "Мамлекеттик социалдык заказ жөнүндө" Кыргыз Республикасынын Мыйзамынын 18-беренесинде каралган тартипте жарыяланат. Коомдук пайдалуу долбоорлорду ишке ашырууга конкурсту жарыялоонун формасы ушул Жобонун 2-тиркемесинде келтирилген.

11. Коомдук пайдалуу долбоорлорду ишке ашырууга конкурс мамлекеттик заказчы "Мамлекеттик социалдык заказ жөнүндө" Кыргыз Республикасынын Мыйзамынын 19-беренесинде каралган тартипте конкурсту өткөрүү шарттарын түшүндүрүү үчүн маалымат жыйынын өткөрүүгө милдеттүү.

12. Мамлекеттик заказчы коомдук пайдалуу долбоорлорду ишке ашырууга конкурстун жеңүүчүлөрүн аныктоо үчүн гранттык комиссияны түзөт. Гранттык комиссия "Мамлекеттик социалдык заказ жөнүндө" Кыргыз Республикасынын Мыйзамынын 20 жана 21-беренелеринде каралган тартипте түзүлөт.

2. Коомдук пайдалуу долбоорлор конкурсунун катышуучулары

13. Мамлекеттик социалдык заказды ишке ашыруунун алкагында коомдук пайдалуу долбоорлордун конкурсунун катышуучулары болуп "Мамлекеттик социалдык заказ жөнүндө" Кыргыз Республикасынын Мыйзамынын 5-беренесинде каралган чөйрөлөрдө өз ишин жүргүзгөн, конкурстун жарыяланган темасынын чөйрөсүндө бир жылдан кем эмес иш тажрыйбасы бар, мамлекеттик социалдык камсыздандыруу боюнча салыктар жана камсыздандыруу төгүмдөрүнө карата карыздары болбогон коммерциялык эмес уюмдар эсептелет.

14. Конкурстун катышуучусу юридикалык жак катары катталган жана өз банктык эсеби болушу керек. Эгерде конкурстун катышуучусунун банктык эсеби жок болсо, анда ага конкурстук документтер берилген күндөн тартып 10 календардык күндүн ичинде банк эсебин ачууга мүмкүндүк берилет.

15. Бир нече бейөкмөт уюмдар келишимдик негизде конкурстун катышуучуларынын биргелешкен топторун түзө алышат (мындан ары - консорциум), жалпы арызды жана долбоорлоо сунушун беришет. Бул учурда:

1) арызда жана долбоорлоо сунушунда функциялар, уюмдар ортосундагы жоопкерчилик жана долбоорду ишке ашырууга алардын ар биринин салымы чектелиши керек;

2) консорциумдун мүчөлөрү өз ара келишим түзөт, анда коомдук пайдалуу долбоорду биргелешип ишке ашырууга милдеттенет, мамлекеттик заказчы менен өз ара мамиледе консорциумду түзө турган уюмду аныктайт.

16. Коммерциялык эмес бир уюм коомдук пайдалуу долбоорлор конкурсунун бир темасынын алкагында бир консорциумдун курамында катыша алат.

17. Конкурстун катышуучусу коомдук пайдалуу долбоорлор конкурсунун бир темасынын алкагында бир гана арыз бере алат. Конкурстун катышуучусу конкурстун бир темасынын алкагында бир нече арызды берген учурда гранттык комиссия анын акыркы арызын карап чыгат.

3. Конкурска катышуу үчүн керек болгон документтер

18. Конкурска катышуу үчүн коммерциялык эмес уюм же консорциум ушул Жобонун 3-тиркемесине ылайык форма боюнча конкурска катышуу тууралуу арызды бериши керек - коммерциялык эмес уюмдар үчүн жана ушул Жобого 4-тиркемеде - консорциум үчүн.

19. Коммерциялык эмес уюм же консорциум конкурска катышуу тууралуу арызда көрсөтүшү керек, анда:

1) мамлекеттик социалдык камсыздандыруу үчүн салыктар менен камсыздандыруу төлөмдөрү боюнча эч кандай карызы жоктугун;

2) коомдук-пайдалуу долбоорду ишке ашырууга терс таасир этиши мүмкүн болгон карыз жана башка милдеттенмелер менен байланышпагандыгын.

20. Арызга төмөнкүдөй документтер тиркелиши керек:

1) юридикалык жак катары коммерциялык эмес уюмду каттоо тууралуу күбөлүктүн көчүрмөсү;

2) коммерциялык эмес уюмдун уставынын көчүрмөсү;

3) өткөн жыл үчүн уюмдун ишин сүрөттөө (же конкурска арыз берүүчүнүн каалоосу боюнча өткөн бир нече жылга) конкурстун темасына дал келген ишти жүргүзүү бөлүгүндө;

4) билим тууралуу тиешелүү документтердин көчүрмөсү жана коомдук пайдалуу долбоорду аткаруучулардын резюмеси (коомдук пайдалуу долбоорду ишке ашырган учурда белгилүү бир квалификациясы бар кызматкерлерди тартууну талап кылат);

5) долбоорлоо сунушу жана анын бюджети.

21. Консорциумдун арызына ушул Жобонун 20-пунктунун 1-4-пунктчаларында каралган консорциумдун бардык мүчөлөрүнүн документтери тиркелет.

22. Ушул Жобонун 20-пунктунун 1-4-пункттары менен каралган арыз жана конкурстук документтер ачык, ал эми ушул Жобонун 20-пунктунун 5-пунктчасында каралган конкурстук документтер жабык (жашыруун) болуп эсептелет. Жабык конкурстук документтер бекитилген конвертте берилет же коддолгон формада PDF форматында сканерленген түрдө электрондук почта боюнча гранттык комиссияга жиберилет. Гранттык комиссия долбоорлоо сунуштарын карап чыгууну баштоо алдында коддун шифри электрондук почта аркылуу анын сурамына гранттык комиссиянын төрагасына жиберилет.

23. Конкурска берилген долбоорлоо сунушу ушул Жобонун 5-тиркемесине ылайык форма боюнча түзүлөт жана төмөнкүлөрдү камтышы керек:

1) коомдук пайдалуу долбоордун аталышын;

2) коомдук пайдалуу долбоордун кыскача сүрөттөмөсүн;

3) коомдук пайдалуу долбоордун максаттарын;

4) кызмат алуучулардын категорияларын (эгерде долбоор кызмат көрсөтүүнү караса);

5) долбоор боюнча иш-чаралар планын жана анын аткаруу мөөнөтүн;

6) долбоордун күтүлгөн жыйынтыктарын;

7) долбоорду ишке ашыруу мөөнөтүн.

24. Коомдук пайдалуу долбоордун бюджети ушул Жобонун 6-тиркемесине ылайык форма боюнча түзүлөт жана өзүнө камтыйт:

1) чыгымдар сметасын;

2) суралган каржылоонун көлөмүн;

3) өздүк салымдын (долбоордун алкагында колдонула турган финансылык каражаттар, транспорт, жайлар жана башка мүлк) жана тартылган каражаттардын (өздүк салымдын барлыгы жана/же тартылган каражаттар конкурстун шарттары менен каралган учурда) өлчөмүн;

4) долбоордун максаттарына жетүү менен байланышкан чыгымдардын ар бир статьясы боюнча финансылык эсептерди.

25. Арыз жана долбоорлоо сунушу мамлекеттик жана расмий тилдерде кагаз жүзүндө жана электрондук түрдө гранттык комиссия тарабынан жиберилет.

26. Арыз, долбоорлоо сунушу, коомдук пайдалуу долбоор бюджетинин формасы мамлекеттик заказчынын расмий сайтына жана мамлекеттик гранттар порталына жайгаштырылат, ошондой эле мамлекеттик заказчы жана анын аймактык бөлүмү тарабынан коммерциялык эмес уюмдарга алардын сурамы боюнча берилет.

27. Конкурстун катышуучусу алар берген маалыматтардын аныктыгы үчүн жоопкерчилик тартат. Конкурстун катышуучулары берген документтер ыйгарым укуктуу жактардын колу жана мөөрү менен тастыкталышы керек, сүрөттөмөсү болушу шарт, ал эми бирден ашык барактан турган документтер боолонушу, мындай документтердин барактарына номер коюлушу шарт. Кагаз түрүндө конкурска берилген документтер кайтарылбайт.

4. Конкурска документтерди берүү тартиби

28. Арыз жана ага тиркелген документтер төмөнкү ыкмалардын бири аркылуу арыз берүүчүнүн тандоосу боюнча мамлекеттик заказчы (заказчы) аркылуу гранттык комиссияга төмөнкү ыкмалардын бири менен берилет:

1) жеке берилет;

2) почта аркылуу жиберилет;

3) заказчынын электрондук почтасына жиберилет жана сканерленет;

4) заказчынын расмий сайты же мамлекеттик гранттар порталы аркылуу жиберилет.

29. Мамлекеттик заказчы арызды жана ага тиркелген документтерди кабыл алгандан кийин, келип түшкөн датасын жана убактысын көрсөтүү менен конкурска катышуу үчүн арызды жана тиркелген документтерди кабыл алгандыгы тууралуу маалымкатты берүүгө милдеттүү. Эгерде арыз жана ага тиркелген документтер почта, электрондук почта, мамлекеттик заказчынын расмий сайты же мамлекеттик гранттар порталы аркылуу алынган болсо мамлекеттик заказчы арыз берүүчүгө конкурска катышуу үчүн арызды жана тиркелген документтерди электрондук почта же арызды жана тиркелген документтерди алган учурдан тартып үч күндүн ичинде кабарламаны арыз берүүчүнүн алуусун тастыктаган башка ыкма менен алгандыгы тууралуу кабарлайт.

30. Коомдук пайдалуу долбоорлордун сынагы жөнүндө жарыяда көрсөтүлгөн арызды кабыл алуу мөөнөтү аяктаганга чейин почта аркылуу мамлекеттик заказчыга жиберилген конкурска катышуу үчүн арыз жана ага тиркелген документтер мөөнөтүндө берилген деп эсептелет. Почта кызматкери арызды жана ага тиркелген документтерди кабыл алуу күнү болуп конкурска катышуу тууралуу арызды берген күн эсептелет.

31. Мамлекеттик заказчы документтерди кабыл алуу мөөнөтү аяктагандан кийин 3 жумушчу күндүн ичинде гранттык комиссияга түшкөн арыздарды жана ага тиркелген документтерди берет.

32. Мамлекеттик заказчы арыз берүүчүнү конкурстун катышуучуларын каттоо журналында каттайт. Конкурстун катышуучуларын каттоо журналы кагаз жүзүндө же электрондук формада жүргүзүлөт жана төмөнкүдөй маалыматты камтыйт:

1) арызды берген датасы жана убактысы;

2) арыздын каттоо номери;

3) конкурстун катышуучусунун аталышы (эгерде консорциум болсо, анда консорциумдун бардык мүчөлөрүнүн аталышы);

4) почта дареги, электрондук почтанын дареги жана уюмдун телефон номери;

5) уюмдун жетекчисинин аты-жөнү;

6) долбоорлоо сунушунун аталышы;

7) арызды берген адамдын фамилиясы, аты жана атасынын аты;

8) арызга тиркелген документтердин тизмеси.

5. Арыз берүүчүнүн жана анын арызынын конкурстун шарттарына ылайыктуулугун аныктоо жана арыздан баш тартуу негиздери

33. Арыз берүүчүнүн, анын арызынын жана ага тиркелген документтердин конкурстун шарттарына ылайыктуулугун аныктоо максатында, гранттык комиссия текшерет:

1) Конкурска катышуу тууралуу арызды жана документтерди тизмеге ылайык конкурс тууралуу жарыяда көрсөтүлгөн мөөнөттө берүүнүн өз убагында болуусу;

2) ушул Жобонун 3 жана 4-тиркемелерине ылайык форма боюнча берилген арыздагы маалыматтын толуктугу;

3) ушул Жобонун 20-21-пункттарында каралган документтердин барлыгы.

34. Арыз берүүчү төмөнкү учурларда конкурска катышууга киргизилбейт:

1) эгерде арыз конкурс тууралуу жарыяда көрсөтүлгөн мөөнөт аяктагандан кийин берилген болсо;

2) ушул Жобонун 13-16-пункттарында белгиленген талаптарга арыз берүүчү уюм ылайык келбегенде;

3) конкурстун темасына долбоорлоо сунушу ылайык келбеген учурда;

4) эгерде сунуш кылынган долбоордун бюджетинин суммасы конкурс тууралуу жарыяда көрсөтүлгөн гранттын максималдуу суммасынан жогору боло турган болсо (эгерде жарыяда максималдуу сумма белгиленген болсо);

5) жалган маалыматты берген учурда.

6. Коомдук пайдалуу долбоорлор конкурсун өткөн жок деп таануу жана кайрадан конкурс өткөрүү

35. Коомдук пайдалуу долбоорлор конкурсу өзүнчө темалар боюнча төмөнкү учурларда өткөн жок деп эсептелет:

1) бир тема боюнча коомдук пайдалуу долбоорлор конкурсуна катышууга экиден аз арыздар түшкөндө;

2) бир тема боюнча экиден аз арыз берүүчү конкурска катышса.

36. Коомдук пайдалуу долбоорлорду ишке ашырууга конкурсту өткөн жок деп тааныган учурда, мамлекеттик заказчы ошол күндөн тартып 10 календарлык күндөн кечиктирбестен коомдук пайдалуу долбоорлорду ишке ашырууга кайрадан конкурс жарыялоого же коомдук пайдалуу долбоорлорго дайындалган каражаттарды колдонууга, мамлекеттик социалдык заказдын башка формаларын ишке ашырууга милдеттүү.

37. Коомдук пайдалуу долбоорлорду ишке ашырууга кайрадан конкурс "Мамлекеттик социалдык заказ жөнүндө" Кыргыз Республикасынын Мыйзамы жана ушул Жобо менен каралган тартипте жүргүзүлөт.

7. Гранттык комиссиянын иштөө тартиби

38. Мамлекеттик заказчы гранттык комиссиянын курамын жарыялаган күндөн тартып 5 календарлык күндүн ичинде гранттык комиссиянын биринчи отурумун уюштурат, гранттык комиссиянын кийинки отуруму гранттык комиссиянын төрагасы (ал эми ал жок учурда - төраганын орун басары) тарабынан чакыртылат.

39. Гранттык комиссиянын төрагасы мамлекеттик заказчы тарабынан мамлекеттик заказчынын гранттык комиссиясынын мүчөлөрүнүн санынан дайындалат. Гранттык комиссиянын отурумун төрага, ал эми ал жок учурда гранттык комиссиянын бардык мүчөлөрү берген добуш менен шайланган төраганын орун басары алып барат жүргүзөт.

40. Мамлекеттик заказчы гранттык комиссиянын катчысынын функциясын аткарат, гранттык комиссиянын ишин уюштурат, пландалган отурумдар тууралуу гранттык комиссиянын мүчөлөрүнө маалымдайт, гранттык комиссиянын отурумдарынын протоколдорун жүргүзүүгө жана сактоого жоопкерчилик тартат жана анын ишине көмөк көрсөтөт. Гранттык комиссиянын катчысы мамлекеттик заказчы тарабынан мамлекеттик заказчы түзгөн гранттык комиссиянын мүчөлөрүнөн дайындалат.

41. Гранттык комиссиянын отуруму эгерде ага гранттык комиссиянын 7 кем эмес мүчөсү катыша турган болсо ыйгарым укуктуу деп эсептелет. Гранттык комиссиянын катышпаган мүчөлөрүнүн ордун ээлөөгө жол берилбейт. Гранттык комиссиянын жүйөлүү себептер боюнча катышпаган мүчөсү добуш бергенге чейин бир күндө же отурум башталганга чейин добуш берген күндө электрондук почта аркылуу катты гранттык комиссиянын мүчөлөрүнө жиберүү жолу менен күн тартибиндеги маселелер боюнча добуш берүүгө укуктуу.

42. Гранттык комиссиянын отурумун өткөрүү күнү, убактысы жана орду тууралуу маалымат расмий сайтка, мамлекеттик гранттар порталына жана мамлекеттик заказчынын маалыматтык тактасына гранттык комиссиянын отурумун өткөрүү күнүнө чейин 3 (үч) күндөн кечиктирбестен жайгаштырылат.

43. Мамлекеттик заказчы гранттык комиссиянын карап чыгуусу үчүн гранттык комиссиянын отурумунун убагында конкурстун катышуучуларын каттоо журналында катталган баардык долбоорлоо сунуштарын киргизет.

44. Гранттык комиссиянын чечими добуш берүү жолу менен чечилет. Гранттык комиссиянын ар бир мүчөсү бир добушка ээ. Гранттык комиссиянын чечими гранттык комиссиянын мүчөлөрүнүн көпчүлүгү ага добуш берген болсо кабыл алынган болуп таанылат. "Макул" жана "каршы" добуштары бирдей болгон учурда гранттык комиссиянын отурумунда төрагалык кылуучунун добушу чечүүчү болуп эсептелет.

45. Гранттык комиссиянын чечими протокол менен жол-жоболоштурулат. Гранттык комиссиянын отурумунун протоколунда күн тартибинин маселелери, добуш берүүнүн жыйынтыктары жана кабыл алынган чечимдер көрсөтүлөт. Гранттык комиссиянын отурумунун протоколуна отурумга төрагалык кылуучу, бардык мүчөлөр жана гранттык комиссиянын катчысы кол коёт.

46. Гранттык комиссиянын чечими менен макул болбогон учурда гранттык комиссиянын мүчөсү өзгөчө оюн билдирүүгө укуктуу, ал гранттык комиссиянын отурумунун протоколуна жазылат.

47. Гранттык комиссиянын чечими мамлекеттик заказчынын расмий сайтына, мамлекеттик гранттар порталына жарыяланат жана/же анын маалымат тактасына жайгаштырылат.

48. Гранттык комиссиянын мүчөлөрү кайтарымсыз негизде гранттык комиссиянын ишине катышат. Гранттык комиссиянын мүчөлөрүнө жарандык коомдон гранттык комиссиянын ишине катышууга байланыштуу транспорт чыгымдары кайтарылат. Жарандык коомдун гранттык комиссиясынын мүчөлөрүнө транспорт чыгымдарынын ордун толтуруу Кыргыз Республикасынын Өкмөтү тарабынан белгиленген тартипте иш сапарына барып жана кайтып келгенде чыгымдардын ордун толтуруу ченемине ылайык жүргүзүлөт.

8. Долбоорлоо сунуштарын баалоо ыкмалары

49. Долбоорлоо сунуштарын баалоо төмөнкү ыкмалардын бири менен жүргүзүлөт:

1) гранттык комиссия жарыяланган конкурстун бардык темалары боюнча долбоорлоо сунуштарын баалайт;

2) гранттык комиссия долбоорлоо сунуштарынын бөлүгүн баалайт, ал эми долбоорлоо сунуштарынын калган бөлүгүн баалоо үчүн эксперттерди тартат, эгерде гранттык комиссиянын мүчөлөрү жарыяланган конкурстун тигил же бул темалары боюнча долбоорлоо сунуштарын баалоо үчүн тиешелүү квалификацияга ээ болбой турган болсо;

3) бардык долбоорлоо сунуштарын эксперттер баалайт, эгерде гранттык комиссиянын мүчөлөрү жарыяланган конкурстун бардык темалары боюнча долбоорлоо сунуштарын баалоо үчүн тиешелүү квалификацияга ээ болбой турган болсо.

50. Гранттык комиссия добуш берүү жолу менен долбоорлоо сунуштарын баалоо ыкмасын тандоо тууралуу чечимди кабыл алат.

51. Гранттык комиссия менен макулдашуу боюнча мамлекеттик заказчы конкурстун катышуучуларынын долбоорлоо сунуштарын баалоо үчүн көз карандысыз эксперттер менен келишим түзүүгө укуктуу.

9. Долбоорлоо сунуштарын баалоо критерийлери

52. Долбоорлоо сунуштарын баалоо критерийлери "Мамлекеттик социалдык заказ жөнүндө" Кыргыз Республикасынын Мыйзамынын 31-беренесинде аныкталган.

53. Мамлекеттик заказчы конкурстун жарыяланган темасынын өзгөчөлүктөрүнө жараша долбоорлоо сунуштарын баалоо үчүн кошумча критерийлерди белгилөө жана алардын ар бири боюнча баллдын санын аныктай алат. Кошумча критерийлер боюнча баллдын суммасы "Мамлекеттик социалдык заказ жөнүндө" Кыргыз Республикасынын Мыйзамынын 31-беренесинин 1-бөлүгүндө көрсөтүлгөн критерийлер боюнча баллдын суммасынан 10 пайыздан жогору болбойт.

54. Жалпы балл тиешелүү критерийлер боюнча коюлган баллды суммалоо жолу менен эсептелет.

55. Долбоорлоо сунуштарын баалоо критерийлери ушул Жобонун 2-тиркемесинде келтирилген баалоо барагында камтылат.

10. Гранттык комиссиянын долбоорлоо сунуштарын баалоосу

56. Гранттык комиссиянын мүчөлөрү Конкурстун катышуучуларынын арыздарын жана аларга тиркелген документтерди алганга чейин ушул Жобонун 7-тиркемесинде келтирилген формага ылайык конкурстун катышуучуларынын долбоорлоо сунуштарында камтылган маалыматты таркатпоо тууралуу милдетке кол коёт.

57. Гранттык комиссиянын мүчөлөрүнүн долбоорлоо сунуштарын баалоосу төмөнкү тартипте жүргүзүлөт:

1) долбоорлоо сунуштары электрондук формадагы PDF форматындагы гранттык комиссиянын мүчөлөрүнө берилет;

2) гранттык комиссиянын мүчөсү ар бир долбоорлоо сунушун изилдеп чыгат;

3) гранттык комиссиянын мүчөсүнө ушул Жобонун 2-тиркемесинде келтирилген форма боюнча жарыяланган конкурстун ар бир темасы боюнча мамлекеттик заказчы түзгөн баалоо барагы берилет;

4) долбоорлоо сунуштарын изилдөөнүн жыйынтыктары менен гранттык комиссиянын ар бир долбоорлоо сунуштары талкууланат, андан кийин, гранттык комиссиянын мүчөлөрү баалоонун ар бир критерийи боюнча баалоо кагазына балл коюшат;

5) бардык критерийлер боюнча баалоо кагазында гранттык комиссиянын мүчөлөрү койгон балл кошулат жана алынган сумма гранттык комиссиянын мүчөсүнүн долбоорлоо сунушун баалоо болуп эсептелет;

6) ар бир долбоорлоо сунушу боюнча гранттык комиссия мүчөлөрүнүн баалары кошулат жана баалоо барактарынын бирдей абалдагы санына бөлүнөт, алынган орточо маани долбоорлоо сунушу боюнча жыйынтык балл деп эсептелет;

7) долбоорлоо сунуштары боюнча жыйынтык балл азаюу тартибинде жалпы рейтингдик тизмеге киргизилет;

8) эгерде бир нече долбоорлук сунуш баллдын бирдей санына ээ болсо, анда алар конкурска катышуу үчүн документтердин бардык тизмесин берген убакытка (хронологиялык тартип менен) жараша рейтингдик тизмеге киргизилет; долбоорлоо сунуштарынын маалыматтарынын рейтингдик тизмесиндеги орунду аныктоо үчүн бардык документтерди бир убакта берген учурда гранттык комиссия аныктаган тартипте чүчү кулак өткөрүлөт;

9) гранттык комиссиянын чечими менен рейтингдик тизмеде эң жогорку баллды алган долбоорлоо сунуштары бар конкурстун катышуучулары жарыяланган конкурстун темасы боюнча жеңүүчү деп таанылат.

58. Долбоорлоо сунуштарын баалоо конкурстук документтерди кабыл алуу аяктаган күндөн тартып 30 календарлык күндүн ичинде жүргүзүлөт.

11. Долбоорлоо сунуштарын баалоо үчүн эксперттердин электрондук маалыматтар базасы

59. Мамлекеттик социалдык заказ аркылуу долбоорлоо сунуштарын баалоо үчүн эксперттердин электрондук маалыматтар базасы (мындан ары - маалыматтар базасы) "Мамлекеттик социалдык заказ жөнүндө" Кыргыз Республикасынын Мыйзамына ылайык долбоорлоо сунуштарын баалоого тартылган эксперттер тууралуу маалыматты камтыйт.

60. Эксперттердин маалыматтар базасына эксперттер тууралуу төмөнкүдөй маалыматтар киргизилет:

1) аты-жөнү;

2) "Мамлекеттик социалдык заказ жөнүндө" Кыргыз Республикасынын Мыйзамынын 5-беренесинде каралган чөйрөлөрдө эксперттин адистиги;

3) билими, илимий даражасы жана илимий наамы (бар болсо);

4) иштеген жери жана ээлеген кызматы;

5) макалалардын жана илимий эмгектердин тизмеси (бар болсо);

6) мобилдик жана иш телефондун номери, электрондук почтанын дареги.

61. Ушул Жобонун 60-пункту менен каралган маалымат (6-пунктчадан тышкары) ачык болуп эсептелет жана мамлекеттик заказчынын расмий сайтына жана мамлекеттик гранттар порталына жарыяланат.

62. Мамлекеттик заказчы эксперттердин маалыматтар базасын түзөт, толуктайт жана жаңыртып турат.

63. Эксперттердин маалыматтар базасы ушул Жобонун 8-тиркемесине ылайык форма боюнча жүргүзүлөт.

64. Маалыматтар базасындагы эксперттер "Мамлекеттик социалдык заказ жөнүндө" Кыргыз Республикасынын Мыйзамынын 5-беренесинде каралган чөйрөлөрдө адистик боюнча топтолот.

65. Эксперттердин маалыматтар базасын түзүү максатында мамлекеттик заказчы өзүнүн расмий сайтына жана мамлекеттик гранттар порталына эксперттердин маалыматтар базасын түзүү жөнүндө жарыяны жарыялайт же расмий сайты жок болсо - башка ар кандай ыкма менен потенциалдуу эксперттердин маалымдуулугун камсыздоого мүмкүндүк түзгөн ар кандай башка ыкма менен маалымдайт.

66. Экспертти эксперттердин маалыматтар базасына кошуу үчүн мамлекеттик заказчыга төмөнкүлөрдү берүү керек:

1) ушул Жобонун 9-тиркемесине ылайык форма боюнча арыз;

2) ушул Жобонун 60-пунктунда көрсөтүлгөн маалыматтарды камтыган резюме;

3) тиешелүү билимин, илимий даражасын жана илимий наамын (бар болсо) тастыктаган документтердин көчүрмөсү;

4) "Мамлекеттик социалдык заказ жөнүндө" Кыргыз Республикасынын Мыйзамынын 5-беренесинде каралган чөйрөлөрдө эксперттин кесиптик компетенциясын тастыктай турган иштеген жерин жана ээлеген кызматын көрсөтүү менен үч жактын байланыш маалыматтары.

67. Маалыматтар базасына "Мамлекеттик социалдык заказ жөнүндө" Кыргыз Республикасынын Мыйзамынын 5-беренесинде каралган бир же бир нече чөйрөлөрдө 3 жылдан кем эмес ийгиликтүү иш тажрыйбасы бар квалификациялуу адистер киргизилиши мүмкүн.

68. Арыз берүүчү тапшырган документтердин негизинде мамлекеттик заказчы ушул Жобонун 67-пунктунда каралган талаптарга эксперттин квалификациясынын ылайыктуулугун баалайт. Керек болгон учурда мамлекеттик заказчы арыз берүүчүдөн кошумча документтерди сурайт жана/же башка булактардан арыз берүүчү тууралуу кошумча маалыматты чогултат.

69. Ушул Жобонун 67-пунктунда каралган талаптарга арыз берүүчүнүн квалификациясы ылайык келгенде мамлекеттик заказчы арыз берүүчүнү маалыматтар базасына ушул Жобонун 66-пунктунда көрсөтүлгөн документтерди берген күндөн тартып 10 жумушчу күндүн ичинде киргизет.

70. Арыз берүүчү төмөнкү учурларда эксперттердин маалыматтар базасына киргизилбейт:

1) ушул Жобонун 67-пунктунда каралган талаптарга арыз берүүчүнүн квалификациясы ылайык келбегенде;

2) ушул Жобонун 66-пунктунда каралган документтердин жана маалыматтын толук пакетин бербегенде;

3) берилген документтердеги маалымат толук болбосо.

71. Эксперттердин маалыматтар базасын толтуруу зарыл болгон учурда мамлекеттик заказчы ушул Жобонун 65-пунктунда каралган тартипте маалыматтар базасын толтуруу тууралуу жарыяны жайгаштырат.

72. Маалыматтар базасына кирүүнү каалаган жактар кайсыл убакта болбосун мамлекеттик заказчыга ушул Жобонун 66-пунктунда каралган документтерди жана маалыматты жиберүүгө укуктуу.

73. Маалыматтар базасын толуктоо ушул Жобонун 68 жана 69-пункттарында каралган тартипте арыздын түшүүсүнө жараша жүргүзүлөт.

74. Маалыматтар базасын жаңыртуу максатында мамлекеттик заказчы жылына бир жолудан кем эмес экспертке жаңылоо тууралуу сурамды же ушул Жобонун 66-пунктунда каралган мурда берилген маалыматтарды тастыктоону жиберет.

75. Эксперт сурамды алгандан кийин 30 календарлык күндүн ичинде мамлекеттик заказчыга жаңыртылган маалыматты жиберет же мамлекеттик заказчынын маалыматтар базасында камтылган маалыматтарда өзгөртүүлөрдүн жоктугу тууралуу кабарлайт.

76. Мамлекеттик заказчы жаңыртылган маалыматты алган күндөн тартып 5 жумушчу күндүн ичинде тиешелүү өзгөртүүлөрдү маалыматтар базасына киргизет.

77. Мамлекеттик заказчы төмөнкү учурларда маалыматтар базасынан экспертти чыгарат:

1) сурамды жиберген күндөн тартып 30 календарлык күндүн ичинде жаңыртылган маалыматты берүү тууралуу сурамга жоопту албоо;

2) өз каалоосу менен эксперттердин маалыматтар базасынан чыгаруу тууралуу эксперттин жазуу жүзүндөгү арызын алуу.

12. Эксперттерди тартуу менен долбоорлоо сунуштарын баалоо тартиби

78. Гранттык комиссия конкурстун катышуучуларынын долбоорлоо сунуштарын эксперттерди тартуу менен баалаган учурларда долбоорлоо сунуштарын баалоо төмөнкү тартипте жүргүзүлөт:

1) гранттык комиссия эксперттерге долбоорлоо сунуштарын кагаз жүзүндө же электрондук формада берет;

2) эксперттер долбоорлоо сунуштарын мамлекеттик заказчы бекиткен баалоо критерийине ылайык баалайт;

3) гранттык комиссия эксперттик баалоого берген ар бир долбоорлоо сунушуна мамлекеттик заказчынын эксперттеринин электрондук маалыматтар базасынан тандалган 3төн кем эмес эксперт баа берүүгө тийиш;

4) эксперт баалоого берилген долбоорлоо сунушун изилдейт, мамлекеттик заказчы иштеп чыккан жана бекиткен баалоо барагын толтурат жана коюлган баллдын негиздемеси бар баалардын жыйынтыктары боюнча корутунду даярдайт;

5) эксперттер ар бир критерий боюнча койгон балл кошулат жана алынган сумма долбоорлоо сунушу боюнча эксперттин баасы деп эсептелет;

6) баалоодон өткөргөндөн кийин эксперт гранттык комиссияга толтурулган жана кол коюлган баалоо кагазын жана коюлган баллдын негиздемеси жазылган корутундуну берет;

7) ар бир долбоорлоо сунушу боюнча эксперттердин берген баалары гранттык комиссиянын баасына кошулат жана баалоо барактарынын санына теңештирилген санга бөлүнөт, алынган орточо маани долбоорлоо сунушу боюнча жыйынтык балл болуп эсептелет;

8) гранттык комиссия долбоорлоо сунуштары боюна эксперттер койгон жыйынтык баллды бекитет (коюлган баллды өзгөртүүсүз), рейтингдик тизмени түзөт жана конкурстун жеңүүчүлөрүн аныктайт.

79. Эксперттердин баасынын жыйынтыктары менен гранттык комиссиянын мүчөлөрүнүн көпчүлүгү макул болбогон учурда гранттык комиссия келишпестик пайда болгонго карата долбоорлоо сунушун өз алдынча баалоого укуктуу.

13. Коомдук пайдалуу долбоорлор конкурсунун жыйынтыктарын чыгаруу жана жыйынтыктары тууралуу коомчулукту маалымдоо

80. Конкурстун ар бир темасы боюнча жеңүүчү деп тааныла турган коомдук пайдалуу долбоорлордун санын гранттык комиссия коомдук пайдалуу долбоорлорго каралган каражаттардын бюджетиндеги каралган көлөмгө жараша аныктайт.

81. Конкурста жеңген коммерциялык эмес уюмдардын тизмеси гранттык комиссиянын протоколу менен бекитилет, анын негизинде 3 жумуш күндөн кечиктирилбестен мамлекеттик заказчынын буйругу чыгат. Бул тизме акыркы болуп эсептелет жана мамлекеттик заказчы тарабынан бир тараптуу өзгөртүлбөйт.

82. Мамлекеттик заказчынын буйругу жана рейтингдик тизме коомдук пайдалуу долбоорлордон каржыланган конкурстун уюштуруучуларынын-жеңүүчүлөрүнүн аталышын жана алар алган баллды көрсөтүү менен буйрук чыккан күндөн тартып 3 жумуш күндөн кечиктирилбестен мамлекеттик заказчынын расмий сайтына, ал эми расмий сайты болбосо - анын маалыматтык тактасына жайгаштырылат.

83. Коомдук пайдалуу долбоорлорду ишке ашырууга конкурстун жеңүүчүлөрүнүн тизмесин жарыялаган күндөн тартып 7 календарлык күндүн ичинде конкурстун жеңүүчүлөрү гранттык комиссияга мамлекеттик социалдык камсыздандыруу боюнча салыктар жана камсыздандыруу төгүмдөрү боюнча карызы болбогондугу тууралуу маалымкатты берүүгө милдеттүү.

84. Маалымкатты белгиленген мөөнөттө бербеген учурда же конкурстун катышуучусунун карызы барлыгы тууралуу маалыматты камтыган маалымкатты берүү же анык эмес маалыматты камтыган маалымкатты алар бергенде, ошондой эле келишимди түзүүдөн конкурстун катышуучусу баш тарткан учурда - бул катышуучу конкурстун жеңүүчүлөрүнүн санынан чыгат, ал эми конкурстун жеңүүчүсү болуп баллдын эң жогорку санын алган кийинки катышуучу жарыяланат, ал гранттык комиссияга ушул Жобонун 83-пунктунда көрсөтүлгөн маалымкатты конкурстун жеңүүчүлөрүнүн тизмесине киргизген күндөн тартып 7 календарлык күндүн ичинде берген шартта болот.

85. Мамлекеттик социалдык камсыздандыруу боюнча салыктарга жана камсыздандыруу төгүмдөрүнө карызы жоктугу тууралуу маалымкатты берген конкурстун жеңүүчүлөрү белгиленген мөөнөттө коомдук пайдалуу долбоорду аткаруучулардын статусуна ээ болот.

86. Гранттык комиссиянын конкурстун жеңүүчүсү ден таануу тууралуу чечимин мамлекеттик заказчы өзгөртө албайт. Мамлекеттик заказчы конкурстун жеңүүчүсүн таануу тууралуу гранттык комиссиянын чечимин кабыл алган учурдан тартып 3 жумуш күндөн кечиктирбестен конкурста жеңгендердин долбоорлорун каржылоо тууралуу буйрукту чыгарат.

14. Коомдук пайдалуу долбоорду ишке ашыруу тууралуу келишим

87. Мамлекеттик заказчы коомдук пайдалуу долбоордун аткаруучусу менен коомдук пайдалуу долбоорду ишке ашыруу тууралуу келишимди түзөт.

88. Коомдук пайдалуу долбоорду ишке ашыруу тууралуу келишим мамлекеттик заказчынын конкурста жеңген коммерциялык эмес уюмдун тизмесин бекиткен буйругу чыккан учурдан тартып 14 календарлык күндүн ичинде түзүлүшү керек.

89. Коомдук пайдалуу долбоорду ишке ашыруу тууралуу келишимдин шарты "Мамлекеттик социалдык заказ жөнүндө" Кыргыз Республикасынын Мыйзамынын 38-беренесинин 3-бөлүгүнө ылайык аныкталат.

90. Коомдук пайдалуу долбоорду ишке ашыруу тууралуу келишимге конкурстун катышуучусунун долбоорлоо сунушунун негизинде түзүлгөн коомдук пайдалуу долбоорду ишке ашырууга техникалык тапшырма тиркелет. Мамлекеттик заказчы техникалык тапшырмага долбоорлоо сунушунда каралбаган кошумча иш-чараларды кошууга укуктуу эмес. Өзгөчө учурларда жазуу жүзүндө берилген тараптардын эки жактуу макулдугу менен мамлекеттик заказчы долбоорлоо сунушунун бюджетин өзгөртүүгө таасирин тийгизбеген кошумча иш-чараларды аткарууга техникалык тапшырманы киргизет.

91. Келишим Кыргыз Республикасынын Өкмөтү тарабынан бекитилген коомдук пайдалуу долбоорду ишке ашыруу тууралуу типтүү келишимдин негизинде түзүлөт.

92. Коомдук пайдалуу долбоорду ишке ашыруу тууралуу типтүү келишимдин формасы ушул Жобонун 10-тиркемесинде келтирилген.

Форма

Мамлекеттик социалдык заказды ишке ашырууда коомдук пайдалуу долбоорлордун конкурсун өткөрүү ГРАФИГИ

Мамлекеттик социалдык заказды ишке ашырууда коомдук пайдалуу долбоорлорду каржылоого конкурс тууралуу ЖАРЫЯ

1. Конкурс жарыяланган дата: 20__-жылдын "__" ____________

2. Мамлекеттик заказчынын аталышы: ____________________________________________________________

_____________________________________________________________________________________________

3. Программанын аталышы: _____________________________________________________________________

_____________________________________________________________________________________________

4. Долбоордун максаты: ________________________________________________________________________

5. Долбоордун милдети: ________________________________________________________________________

_____________________________________________________________________________________________

_____________________________________________________________________________________________

6. Гранттын максималдуу суммасы _____________________________________________________ сом.

7. Долбоорду ишке ашыруу мөөнөтү ______________________________________________________________

8. Конкурстун катышуучуларына талаптар:

1) "Мамлекеттик социалдык заказ жөнүндө" Кыргыз Республикасынын Мыйзамынын 5-беренесинде каралган чөйрөлөрдө өз ишин жүргүзгөн, конкурстун жарыяланган темасынын чөйрөсүндө бир жылдан кем эмес иш тажрыйбасы бар, мамлекеттик социалдык камсыздандыруу салыктары жана камсыздандыруу төгүмдөрү боюнча карызы жок коммерциялык эмес уюмдар (саясий партиялардан тышкары) конкурстун катышуучулары боло алышат.

2) Конкурстун катышуучусу юридикалык жак катары катталышы керек жана өзүнүн банктык эсеби болушу зарыл. Эгерде конкурстун катышуучусунун банктык эсеби болбосо, ага конкурстук документтерди берген күндөн тартып 10 календардык күндүн ичинде банк эсебин ачуу мүмкүнчүлүгү берилет.

3) Бир нече коммерциялык эмес уюмдар келишимдик негизде долбоорлоо тобун (мындан ары - консорциум) түзөт жана конкурска катышуу үчүн жалпы арызды жана долбоорлоо сунушун берет. Мындай учурда арызда жана долбоорлоо сунушунда функциялар, бюджет, уюмдар ортосундагы жоопкерчилик жана алардын ар биринин долбоорду ишке ашырууга кошкон салымы чектелиши керек, ошондой эле коомдук пайдалуу долбоорлор конкурсунун катышуучусу катары консорциумдун атынан иштей турган консорциум мүчөсү аныкталышы зарыл.

4) Бир коммерциялык эмес уюм коомдук пайдалуу долбоорлорду ишке ашырууга конкурстун бир темасынын алкагында бир гана консорциумдун курамында катыша алат. Бир коммерциялык эмес уюм коомдук пайдалуу долбоорлорду ишке ашырууга конкурстун бир темасынын алкагында бир гана арызды бере алат.

9. Конкурска катышуу үчүн керектүү документтер:

1) Коомдук пайдалуу долбоорлорду ишке ашырууга конкурска катышуу тууралуу арызда уюмдун уюштуруу-укуктук формасы, аталышы, почта дареги, телефон номери, уюмдун электрондук почтасынын дареги, уюмдун жетекчисинин уюлдук телефонунун номери, ошондой эле сунуш кылынган долбоорлоо сунушунун темасынын аталышы жөнүндө маалымат камтылышы керек.

2) Консорциумдун атынан берилген конкурска катышуу тууралуу арызда консорциумдун бардык мүчөлөрүнүн уюштуруу-укуктук формасы, аталышы, почталык дареги, телефон номери, электрондук почтасынын дареги жана консорциумдун атынан иштеген уюмдун жетекчисинин уюлдук телефон номери, ошондой эле сунушталган долбоорлоо сунушунун темасынын аталышы тууралуу маалымат камтылышы керек.

3) Арызга төмөнкүдөй документтер тиркелиши керек:

- юридикалык жак катары коммерциялык эмес уюмду каттоо жөнүндө күбөлүктүн көчүрмөсү;

- коммерциялык эмес уюмдун уставынын көчүрмөсү;

- конкурстун темасына дал келген, жүзөгө ашырылган иш бөлүгүндө өткөн жылга уюмдун программалык отчетунун көчүрмөсү (же конкурстун катышуучусунун каалоосу боюнча өткөн бир нече жылга);

- билими тууралуу тиешелүү документтердин көчүрмөсү жана коомдук пайдалуу долбоорлорду аткаруучулардын резюмеси (коомдук пайдалуу долбоорду ишке ашыруу белгилүү бир квалификациясы бар кызматкерлерди тартууну талап кылган учурларда);

- долбоорлоо сунушу жана анын бюджети;

- катышуучунун коммерциялык эмес уюм тууралуу төмөнкүдөй арызы:

- мамлекеттик социалдык камсыздандыруу боюнча салыктар жана камсыздандыруу төгүмдөрү боюнча карыздарынын жоктугу;

- коомдук пайдалуу долбоорду ишке ашырууга терс таасирин тийгизе турган карыз жана башка милдеттер менен оордук келтирилбегендиги.

4) Консорциумдун арызына консорциумдун бардык мүчөлөрүнүн ушул пункттун 3-пунктчасында каралган документтер тиркелиши керек.

5) Конкурстук документтер төмөнкүлөргө бөлүнөт:

- ачык:

салыктар, мамлекеттик социалдык камсыздандыруу боюнча камсыздандыруу төгүмдөрү жана башка милдеттенмелер боюнча карыздын жоктугу тууралуу арыз;

өткөн жылга уюмдун иши тууралуу программалык отчеттун, юридикалык жак катары уюмду каттоо тууралуу күбөлүктүн, уюмдун уставынын көчүрмөлөрү;

коомдук пайдалуу долбоордун аткаруучуларынын билими тууралуу документтердин көчүрмөсү жана резюме (автобиографиялык маалыматтар);

- жабык (жашыруун) - долбоорлоо сунушу жана анын бюджети, алар:

бекитилген конвертте берилет;

же коддолгон формада PDF форматында сканерленген түрдө электрондук почта аркылуу жиберилет.

Гранттык комиссия долбоорлоо сунуштарын кароону баштоо алдында коддун шифри электрондук почта аркылуу гранттык комиссиянын төрагасына анын суроосу боюнча жиберилет.

10. Долбоорлоо сунуштарын баалоо критерийлери

Долбоорлоо сунуштары төмөнкү баалоо баракчасында каралган критерийлерге ылайык бааланат:

11. Баалоо барагы

Долбоор № _________

Долбоордун аталышы __________________________________________________________

Форма

Коомдук пайдалуу долбоорлордун конкурсуна катышууга коммерциялык эмес уюмдардын АРЫЗЫ

Муну менен биздин уюм жөнүндө төмөнкүлөрдү ырастайбыз:

- мамлекеттик социалдык камсыздандыруу боюнча салыктар жана камсыздандыруу төгүмдөрү боюнча карыздары жок;

- коомдук пайдалуу долбоорду ишке ашырууга терс таасирин тийгизе турган карыздык жана башка милдеттенмелер жүктөлгөн эмес.

Тиркеме:

1) _____________________________________________

2) _____________________________________________

3) _____________________________________________

М.О.

20__-ж. "__" _______________

(арызга кол койгон күн)

Форма

Коомдук пайдалуу долбоорлор конкурсуна катышууга коммерциялык эмес уюмдардын консорциумунун АРЫЗЫ

Муну менен биздин консорциум жөнүндө төмөнкүлөрдү ырастайбыз:

- мамлекеттик социалдык камсыздандыруу боюнча салыктар жана камсыздандыруу төгүмдөрү боюнча карыздары жок;

- коомдук пайдалуу долбоорду ишке ашырууга терс таасирин тийгизе турган карыздык жана башка милдеттенмелер жүктөлгөн эмес.

Тиркеме:

1) ___________________________________________

2) ___________________________________________

3) ___________________________________________

20__-ж. "__" ______________

арызга кол койгон күн

М.О.

Форма

ДОЛБООРЛОО СУНУШУ

Уюмдун аталышы: ___________________________________________________________________________

Долбоордун аталышы: _______________________________________________________________________

___________________________________________________________________________________________

Уюм тууралуу маалымат

Уюмду түзүү максаты: ________________________________________________________________________

Уюмдун төмөнкүдөй чөйрөдө иш тажрыйбасы ____________________________________________________

___________________________________________________________________________________________

             (конкурстун жарыяланган темасынын чөйрөсүн көрсөтүү жана аталган чөйрөдө                                               уюмдун ишинин узактыгы)

Бул долбоорду аткаруу үчүн уюм кандай ресурстарга ээ ___________________________________________

                                                                                                 (кадрлык, техникалык, маалыматтык, ж.б.)

___________________________________________________________________________________________

          (Кызматкердин квалификациясынын кайсы деңгээли, кайсы жабдуулар/материалдар,      методикалар башка уюмдар менен өнөктөштүктө колдонула турганын жана сунуш кылынган              долбоорду ишке ашырууда маанилүү болгон башка маалыматты көрсөтүү керек)

Сунуш кылынган долбоор

Долбоорду баяндоо: ________________________________________________________________________

                                        (проблеманы же коомдук пайдалуу максатты, проблеманы чечүү                                                              ыкмаларын жана максаттарга жетүүнү баяндоо)

Долбоордун максаттары: _____________________________________________________________________

___________________________________________________________________________________________

                              (долбоордун максатын ачык жана кыска аныктоо керек)

Долбоордун милдети: ________________________________________________________________________

___________________________________________________________________________________________

   (долбоордун алкагында кандай милдеттер боло турганын жана алар кандай чечиле турганын атоо)

Долбоордун максаттуу тобу(3):

Күтүлүүчү натыйжалар:

___________________________________________________________________________________________

            (долбоорду ишке ашыруудан жыйынтыктарды баяндоо, сандык көрсөткүчтөрдү                 атоо (канча кызмат алуучу), сандык көрсөткүчтөр (кызмат алуучуларда эмне жакшырат)

ДОЛБООРДУ ИШКЕ АШЫРУУ ПЛАНЫ(4)

1-милдет: (1-милдеттин туюндурмасын кайталоо)

2-милдет: (2-милдеттин туюндурмасын кайталоо)

Долбоорду ишке ашыруу мөөнөтү: 20__-ж. "__" __________ тартып 20__-ж. "__" ___________ чейин.

Форма

ДОЛБООРДУН БЮДЖЕТИ(5)

___________________________________________________________________________________ (долбоордун аталышы)

Форма

Гранттык комиссиянын мүчөсүнүн маалыматты таркатпоо тууралуу МИЛДЕТТЕНМЕСИ

Мен, гранттык комиссиянын мүчөсү _______________________________________________________________,

                                                                            (гранттык комиссиянын мүчөсүнүн аты-жөнү)

маалыматты берүү мыйзамда түздөн-түз каралган же гранттык комиссиянын бардык мүчөлөрүнүн тапшырмасы/чечими боюнча ишке ашырылган учурлардан тышкары мамлекеттик социалдык заказдын алкагында конкурстун катышуучуларынын долбоорлоо сунуштарын баалоодо гранттык комиссиянын мүчөсү катары

_____________________________________________________________________________________________,

                                (конкурсту өткөргөн мамлекеттик заказчынын аталышы)

өз милдеттеримди аткарууда алган купуя маалыматты жашыруун сактоого жана үчүнчү жакка чыгарбоого милдеттенем.

Мамлекеттик социалдык заказдын алкагында долбоорлоо сунуштарын баалоо үчүн эксперттердин МААЛЫМАТ БАЗАСЫ

Форма

Мамлекеттик социалдык заказдын алкагында долбоорлоо сунуштарын баалоо үчүн эксперттерди маалымат базасына киргизүү тууралуу АРЫЗ

АРЫЗ

_______________________________________________________________________________________________

               ("Мамлекеттик социалдык заказ жөнүндө" Кыргыз Республикасынын Мыйзамынын                         5-беренесинде каралган бир же бир нече чөйрөлөрдү көрсөтүү, мында арыз берүүчү                                                         3 жылдан кем эмес иштөөсү керек)

чөйрөсүндөгү мамлекеттик социалдык заказдын алкагында долбоорлоо сунуштарын баалоо үчүн эксперттердин маалыматтар базасына мени киргизүүңүздү суранам.

Арызга аталган чөйрөлөрдө менин компетенциямды ырастаган төмөнкү документтерди тиркейм:

1. Резюме(8).

2. Тиешелүү билимдин, илимий даражанын жана илимий наамдын (эгер болсо) бар экендигин ырастаган документтердин көчүрмөсү.

3. Аталган чөйрөлөрдө менин кесиптик компетенциямды ырастай турган иш ордун жана ээлеген кызматын көрсөтүү менен үч адамдын байланыш маалыматтары.

Арыз берүүчүнүн колу: __________________________

Арызга кол коюу күнү: 20__-жыл "__" ____________

Форма

Коомдук пайдалуу долбоорду ишке ашыруу тууралуу ТИПТҮҮ КЕЛИШИМ(9)

____________________________________________________________________________________

(аталышы)

________________________________________________________________________________________________

                            (каржылаган уюмдун аталышы жана ыйгарым укуктуу адамдын аты-жөнү)

(мындан ары - Мамлекеттик заказчы), бир тараптан __________________________________ негизинде иштеген жана

________________________________________________________________________________________________

                                              (каржылоону алган уюмдун аталышы)

(мындан ары - Мамлекеттик социалдык заказды аткаруучу), атынан _____________________________ (уюмдун жетекчисинин аты-жөнү) негизинде иштеген ___________________________________, экинчи тараптан төмөнкүлөр тууралуу ушул Келишимди түзүштү:

1. Келишимдин предмети

1. Мамлекеттик заказчы ______________________________ (___________________________) сом өлчөмүндө акча каражаттарын (грантты) максаттуу пайдалануу үчүн мамлекеттик социалдык заказдын аткаруучусуна берет, ал эми мамлекеттик социалдык заказдын аткаруучусу ушул Келишим менен бекитилген максаттарда, шартта жана тартипке ылайык грантты кабыл алууга жана бөлүштүрүүгө милдеттүү.

2. Акча каражаттарын (грантты) берүү төмөнкү график боюнча жүргүзүлөт: _________________________________

________________________________________________________________________________________________

3. Гранттын каражаттарын максаттуу пайдалануу болуп коомдук пайдалуу долбоорду ишке ашырууга мамлекеттик социалдык заказды аткарууга жарыяланган конкурстун алкагында берилген бюджеттик каражаттарды сарптоо эсептелет)

________________________________________________________________________________________________

_______________________________________________________________________________________________,

                                                                  (конкурстун аталышы)

ушул Келишимдин ажырагыс бөлүгү болуп эсептелген бюджеттин чыгымдар беренесине ылайык.

4. Долбоорду ишке ашыруу мөөнөтү:

Башталышы 20__-жылдын "__" _______________

аякташы 20__-жылдын "__" ______________.

5. Ушул Келишимге ылайык берилген каражаттар макулдашылган мөөнөттөргө ылайык пайдаланылышы керек. Мамлекеттик заказчынын атайын жазуу жүзүндөгү уруксатысыз белгиленген мөөнөт башталганга чейин же анын аяктоосунан кийин пайдаланууга уруксат берилбейт.

2. Гранттын максаттары

6. Гранттын негизги максаттары төмөнкүлөр:

___________________________________________________________________________________

7. Гранттын максаттарын толук баяндоо ушул Келишимдин ажырагыс бөлүгү болуп эсептелген Техникалык тапшырмада (ушул Келишимге 1-тиркеме) берилет.

3. Мамлекеттик заказынын укуктары жана милдеттери

8. Мамлекеттик заказчы келишим түзүлгөн күндөн тартып 5 жумуш күндүн ичинде мамлекеттик социалдык заказды жана Мамлекеттик заказчыга мамлекеттик социалдык заказдын аткаруучусунун төлөм маалым даректерин берүү, ошондой эле ушул Келишимде аныкталган шарттарга ылайык Аткаруучуга грантты берүүгө милдеттенет. Мамлекеттик заказчынын аталган шарттарды бир тараптуу түрдө өзгөртүүгө укугу жок.

9. Мамлекеттик заказчы мамлекеттик социалдык заказды ишке ашыруунун жүрүшүнө учурдагы контролду жүргүзүүгө укуктуу.

10. Мамлекеттик заказчы ушул Келишимди ишке ашыруу менен байланышкан мамлекеттик социалдык заказды Аткаруучунун ишине кийлигишүүгө укугу жок. Мамлекеттик заказчынын гранттын максаттуу пайдаланылышын жана мамлекеттик социалдык заказдын талаптагыдай аткарылышын контролдогон иш-чаралар мамлекеттик социалдык заказды Аткаруучунун ишине кийлигишүү деп эсептелбейт.

11. Мамлекеттик заказчы мамлекеттик социалдык заказды Аткаруучудан финансылык жана статистикалык отчетту же ушул Келишимде же Кыргыз Республикасынын мыйзамдарында каралган башка маалыматтарды Аткаруучудан талап кылууга укугу жок.

4. Мамлекеттик социалдык заказды аткаруучунун укуктары жана милдеттери

12. Мамлекеттик социалдык заказды Аткаруучу ушул Келишимде аныкталган максаттарда гана грантты пайдаланууга жана техникалык тапшырмада аныкталган кызматтарды толук көлөмдө жана ушул Келишимде белгиленген мөөнөттө көрсөтүүгө милдеттенет.

13. Мамлекеттик социалдык заказды аткаруучу ушул Келишимдин 4-пунктунда каралган учурдан тышкары чыгымдардын беренесин дайындоону өзгөртүүгө укуктуу эмес.

14. Зарылдыкка жараша мамлекеттик социалдык заказды Аткаруучу тарабынан каражаттарды Мамлекеттик заказчы менен макулдашпастан бюджеттин тиешелүү беренесинин суммасынын чектеринде 10 пайыздан ашпаган өлчөмдө чыгымдар беренесинин ортосунда кайра бөлүштүрүүгө жол берилет.

15. Мамлекеттик социалдык заказды Аткаруучу өз каалоосу боюнча үчүнчү жактардын (жеке жана юридикалык) мамлекеттик социалдык заказ менен каралган иштерди аткарууга/кызматтарды көрсөтүүгө тартууга укуктуу.

16. Мамлекеттик социалдык заказды Аткаруучу Мамлекеттик заказчынын жазуу жүзүндөгү сунушу боюнча мамлекеттик социалдык заказды ишке ашыруунун жыйынтыктарын контролдоо жана баалоо үчүн Мамлекеттик заказчынын өкүлдөрү менен кызматтарды алуучулардын ортосундагы жумушчу жолугушууларды уюштурууга милдеттенет.

17. Мамлекеттик социалдык заказды Аткаруучу ал ээлик кылган жана пайдаланган башка каражаттардан жана мүлктөн ушул Келишимдин негизинде алынган каражаттардын жана мүлктүн өзүнчө эсебин жүргүзөт.

18. Мамлекеттик социалдык заказдын аткаруучусу ушул Келишимди колдонуу мөөнөтү аяктаганда Мамлекеттик заказчыга гранттын колдонулбаган бөлүгүн кайтарууга милдеттенет.

5. Отчеттуулук жана контроль

19. Мамлекеттик социалдык заказды Аткаруучу Мамлекеттик заказчыга грантты пайдалануу жөнүндө төмөнкүдөй отчетторду берүүгө милдеттенет:

- коомдук пайдалуу долбоорду ишке ашыруу тууралуу учурдагы (мезгил аралык) жазуу жүзүндөгү отчеттор берилет:

_____________________________________________________________________________________________;

                                                         (мезгилдүүлүгүн көрсөтүү)

- коомдук пайдалуу долбоорду ишке ашыруу тууралуу жыйынтыктоочу жазуу жүзүндөгү отчет 20__-ж. "__" ______________ кечиктирилбестен берилет.

20. Коомдук пайдалуу долбоорду ишке ашыруу тууралуу учурдагы жана жыйынтыктоочу баяндоо отчетторуна тиешелүү финансылык отчеттор тиркелиши керек, анда долбоордун бюджетинин аткарылышы боюнча чыгымдар чагылдырылат. Финансылык отчетторго документтердин чыгымдарын ырастоочу көчүрмөлөр тиркелиши керек.

21. Мамлекеттик социалдык заказды аткарууга тиешеси бар отчеттор, финансылык жана башка документтер мамлекеттик социалдык заказды Аткаруучуда сакталышы керек жана зарыл болгон учурда Мамлекеттик заказчынын кызматкери текшерүү үчүн жеткиликтүү болот.

22. Финансылык каражаттарды жана мүлктү пайдаланууну текшерүү, ошондой эле техникалык тапшырмада каралган иштерди аткаруу/кызматтарды көрсөтүү Мамлекеттик заказчы тарабынан финансылык жана башка отчетторду жана башка отчетторду изилдөөнүн, жумушчу жолугушууларын, көз карандысыз экспертизаны өткөрүүнүн негизинде ишке ашырылат.

23. Мамлекеттик заказчы мамлекеттик социалдык заказдын аткарылышы тууралуу финалдык отчетторду жактыруу тууралуу мамлекеттик социалдык заказды Аткаруучуга жазуу жүзүндө кабарлайт.

6. Тараптардын жоопкерчилиги

24. Ушул Келишим боюнча өзүнө алган милдеттерди тараптардын бири аткарбаган же талаптагыдай эмес аткарган учурда, күнөөлүү тарап Кыргыз Республикасынын мыйзамдарына жана Келишимдин шарттарына ылайык жоопкерчилик тартат.

25. Мамлекеттик социалдык заказды ишке ашыруу аяктаганда же ушул Келишимди колдонуу мөөнөтүн узартканда, ушул Келишимди бузганда (мөөнөтүнөн эрте токтоткондо) гранттык каражаттардан калдык калса, сарпталбаган каражаттарды же максаттуу пайдаланылышы тиешелүү документтерде ырасталбаган каражаттарды мамлекеттик социалдык заказды Аткаруучу 30 календардык күндүн ичинде Мамлекеттик заказчынын эсебине кайтарат.

26. Ушул Келишим боюнча өз милдеттерин мамлекеттик социалдык заказды Аткаруучу аткарбаган же талаптагыдай аткарбаган учурда Мамлекеттик заказчы ушул Келишим боюнча өзүнүн милдеттенмелерин аткаруудан баш тартууга жана келтирилген зыяндын ордун толтурууну мамлекеттик социалдык заказды Аткаруучудан талап кылууга укуктуу.

7. Келишимди бузуу

27. Ушул Келишим төмөнкү учурларда өзүнүн колдонулушун мөөнөтүнөн эрте токтотот:

1) тараптардын макулдашуусу менен;

2) сот органынын чечими менен.

28. Ушул Келишимдин колдонулушу мөөнөтүнөн эрте токтогон учурда мамлекеттик социалдык заказды Аткаруучу Мамлекеттик заказчы берген акча каражаттарын пайдалануу боюнча отчетту берет.

8. Келишимди өзгөртүү (толуктоо)

29. Ушул Келишимди өзгөртүүгө жана толуктоого тараптардын макулдугу менен жол берилет жана жазуу жүзүндө таризделиши керек.

30. Мамлекеттик социалдык заказды Аткаруучунун абалын начарлатуучу ушул Келишимдин шарттарын өзгөртүүгө жана толуктоого жол берилбейт.

9. Кошумча шарттар

________________________________________________________________________________________________

10. Талаштарды чечүү

31. Ушул Келишим боюнча талаштар пайда болгон учурда Мамлекеттик заказчы менен мамлекеттик социалдык заказды Аткаруучу өз ара сүйлөшүү жолу менен аларды чечүүнүн бардык чараларын көрүшөт.

32. Ушул Келишим боюнча талаштарды жөнгө салуу мүмкүн болбогон учурда тараптар сүйлөшүү жолу менен аларды сот тартибинде чечишет.

11. Корутунду жоболор

33. Ушул Келишим кол коюлган учурдан тартып күчүнө кирет жана 20__- ж. "__" ___________ чейин колдонулат.

34. Ушул Келишим тараптардын ар бирине бирден, бирдей юридикалык күчкө ээ эки нускада түзүлгөн.

35. Ушул Келишимдин ажырагыс бөлүгү болуп төмөнкүдөй тиркемелер эсептелет:

1) Техникалык тапшырма - коомдук пайдалуу долбоорду баяндоо;

2) Коомдук пайдалуу долбоордун бюджети;

3) Коомдук пайдалуу долбоорду ишке ашырууга отчеттун формасы.

12. Тараптардын колу жана маалым даректери

Мамлекеттик социалдык заказды аткаруунун алкагында коомдук пайдалуу долбоорду ишке ашыруу тууралуу ОТЧЕТ

Иш-чаралар жана аткарылган иштер(10):

Долбоорду талдоо, максатына жана милдетине жетүү

Долбоорду ишке ашыруунун жүрүшү тууралуу комментарийлер

М.О.

Мамлекеттик социалдык заказды аткаруунун алкагында коомдук пайдалуу долбоорду ишке ашыруу тууралуу ФИНАНСЫЛЫК ОТЧЕТ(12)

М.О.

(1) Конкурстун катышуучусу жыйынтык баллды 18ден (минималдуу) 176 (максималдуу) баллга чейин ала алат.

(2) Мамлекеттик заказчы белгилеген кошумча критерийлер боюнча баллдын суммасы негизги баллдын жалпы суммасынан 10 пайыздан жогору болбошу керек.

(3) Ишти жүргүзүү кызыкчылыгындагы максаттуу топтун саны жана мүнөздөмөсү, долбоорду камтуу аймагы: айыл, шаар, район, облус, республика.

(4) Долбоорду ишке ашыруу планында иш-чаралардын катышуучуларын жана алардын санын көрсөтүү менен хронологиялык тартипте коюлган милдеттердин ар бири боюнча долбоордун иш-чараларын деталдуу сүрөттөө керек. Күтүлүүчү натыйжаларды сүрөттөө керек: билим деңгээлин жогорулатууда, көндүмдөрдү алууда байкала турган өзгөрүүлөр, пайда алуучулардын физикалык/психикалык абалынын жана жүрүм-турумдун, мамиленин жакшыруусу ж.б. Күтүлүүчү натыйжалардын өлчөөгө жана баалоого оңой болгон индикаторлорун пайдалануу керек, өткөрүлгөн иш-чараларды жана анын жыйынтыктарын текшерүү жана баалоо мүмкүн болгон ырастоочу документтерди көрсөтүү керек.

(5) Эсептердин ыңгайлуулугу үчүн тиешелүү формулаларды колдонуу менен Excel форматында түзүлөт.

(6) Конкурстун шарттарына ылайык уюмдун өздүк салымы же башка донорлорду тартуу талап кылган учурларда.

(7) Мамлекеттик заказчы ага жүктөлгөн функцияларга дал келген чөйрөлөрдө гана эксперттердин маалымат базасын түзөт.

(8) Резюме аты-жөнүн, "Мамлекеттик социалдык заказ жөнүндө" Кыргыз Республикасынын Мыйзамынын 5-беренесинде каралган чөйрөлөрдө адистешкендигин, билимин, илимий даражасын жана илимий наамын (бар болсо); иштеген ордун жана ээлеген кызматын; мобилдик жана иш телефондорунун номерлерин; электрондук почтанын дарегин, макалалардын жана илимий эмгектердин тизмесин (бар болсо) көрсөтүү менен жазылат.

(9) Аталган келишим Кыргыз Республикасынын Өкмөтүнүн 20__-ж. "__" __________ токтому менен бекитилген типтүү келишимдин негизинде түзүлгөн.

(10) Жүргүзүлгөн бардык иш-чараларды келтирилген форматтагы өтүнмөгө ылайык санап өтүү.

(11) Андан кийин ушундай түрдө ар бир милдет жана ар бир иш-чара боюнча.

(12) Финансылык отчет мамлекеттик заказчынын талабы боюнча Excel форматында түзүлүшү мүмкүн.