ТАЛАС ШААРДЫК КЕҢЕШИ

ТОКТОМ

Талас шаардык кеңешинин VIII чакырылыштагы кезектеги XXVI сессиясынын

2023-жылдын 20-июлу № 190/26-8

Талас шаарынын мэриясынын “Муниципалдык менчик обьекттерин алмашуу жөнүндө” жобосун бекитүү жөнүндө

Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндө” Мыйзамынын 34-беренесинин 2-бөлүмүнүн 1-пункту, Кыргыз Республикасынын “Мүлккө муниципалдык менчик жөнүндө” мыйзамынын 11-19-беренелери, Талас шаарынын мэриясынын 11.07.2023-жылдагы №01-19/1825 сандуу каты менен сунушталган “Муниципалдык менчик обьекттерин алмашуу жөнүндө” жобонун долбоору боюнча Талас шаардык кенешинин “Бюджет жана муниципалдык менчик башкаруу боюнча” жана “Регламент, депутаттык этика, мыйзамдуулук укук тартиби, жергиликтүү өз алдынча башкаруу иштери, көчөлөрдүн жана башка социалдык маданий обьектилердин аттарын өзгөртүп кайрадан атоо боюнча” туруктуу комиссияларынын протоколдук сунуштарын карап, талкуулап чыгып, Депутаттардын Талас шаардык кеңешинин сессиясы

ТОКТОМ КЫЛАТ:

1. Талас шаарынын мэриясынын “Муниципалдык менчик обьекттерин алмашуу жөнүндө” жобосу тиркемеге ылайык бекитилсин.

2. Депутаттардын Талас шаардык кенешинин 13.07.2021-жылдагы №19/4-8 сандуу токтому менен кабыл алынган “Талас шаарынын муниципалдык менчикте турган кыймылдуу жана кыймылсыз мүлктөрдү мамлекеттик менчикке өткөрүп берүү тартиби жөнүндө” жобо мыйзам талаптарына ылайык келбегендиктен жокко чыгарылсын.

3. Кабыл алынган токтомду Талас шаарынын мэриясынын сайтына жайгаштыруу жана Кыргыз Республикасынын укуктук ченемдик актылардын мамлекеттик реестринен каттоодон өткөрүүнү көзөмөлдөө жагы Депутаттардын Талас шаардык кеңешинин жооптуу катчысына (А.Сариева) милдеттендирилсин.

4. Токтомдун аткарылышына көзөмөлдүк кылуу жагы Депутаттардын Талас шаардык кеңешинин “Бюджет жана муниципалдык менчик башкаруу боюнча” туруктуу комиссиясынын төрагасына ( У.Атагелдиев) жана “Регламент, депутаттык этика, мыйзамдуулук укук тартиби, жергиликтүү өз алдынча башкаруу иштери, көчөлөрдүн жана башка социалдык маданий обьектилердин аттарын өзгөртүп кайрадан атоо боюнча туруктуу комиссиясынын төрайымына (К.Карагулова) тапшырылсын.