КЫРГЫЗ РЕСПУБЛИКАСЫНЫН ӨКМӨТҮ
ТОКТОМ
2019-жылдын 16-сентябры № 479
Түстүү жана кара металлдардын сыныктары менен калдыктарын ташып чыгарууга (экспорттоого) бажы алымдарынын ставкаларын белгилөө жөнүндө
Ата мекендик товар өндүрүүчүлөрдү сырьелук ресурстар менен камсыздоо, өндүрүшкө дем берүү жана даяр продукцияны экспорттоону көбөйтүү максатында, "Бажылык жөнгө салуу жөнүндө" Кыргыз Республикасынын Мыйзамынын 4-беренесине, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү
ТОКТОМ КЫЛАТ:
1. Түстүү жана кара металлдардын сыныктары менен калдыктарын ташып чыгарууга (экспорттоого) бажы алымдарынын ставкалары тиркемеге ылайык бекитилсин.
2. Ушул токтомдун 1-пункту менен бекитилген ташып чыгарууга (экспорттоого) бажы алымдарынын ставкалары Евразия экономикалык бирлигинин бажы аймагынан жана Кыргыз Республикасы катышуучу болуп саналган эркин соода зоналары жөнүндө макулдашуулардын мүчө мамлекеттеринин чегинен сыртка ташып чыгарылган товарларга карата колдонулаары белгиленсин.
3. Кыргыз Республикасынын Өкмөтүнө караштуу Мамлекеттик бажы кызматы жана Кыргыз Республикасынын Өкмөтүнө караштуу Экономикалык кылмыштарга каршы күрөшүү боюнча мамлекеттик кызмат ушул токтомдун тиркемесинде көрсөтүлгөн товарларды Евразия экономикалык бирлигинин бажы чек арасы аркылуу Кыргыз Республикасында мыйзамсыз алып өтүүгө (ташып чыгууга) бөгөт коюуга багытталган зарыл болгон чараларды көрсүн.
4. Кыргыз Республикасынын Тышкы иштер министрлиги Көз карандысыз Мамлекеттер Шериктештигинин Аткаруучу комитетине Кыргыз Республикасынын Өкмөтү тарабынан ушул токтомдун кабыл алынгандыгы тууралуу белгиленген тартипте кабарласын.
5. Кыргыз Республикасынын Экономика министрлиги Дүйнөлүк Соода Уюмунун Коргоо чаралары боюнча комитетине жана Евразия экономикалык комиссиясына Кыргыз Республикасынын Өкмөтү тарабынан ушул токтомдун кабыл алынгандыгы тууралуу белгиленген тартипте кабарласын.
6. Ушул токтом расмий жарыяланган күндөн тартып он беш күн өткөндөн кийин күчүнө кирет.
"Эркин Тоо" газетасынын 2019-жылдын 20-сентябрындагы N 79 жарыяланды
7. Ушул токтомдун аткарылышын контролдоо Кыргыз Республикасынын Өкмөтүнүн Аппаратынын экономика жана инвестициялар бөлүмүнө жүктөлсүн.
Кыргыз Республикасынын Премьер-министри |
| М. Абылгазиев |
|
| Тиркеме |
Түстүү жана кара металлдардын сыныктары менен калдыктарын ташып чыгарууга (экспорттоого) бажы алымдарынын СТАВКАЛАРЫ
№ | ТЭИ ТН коду | Продукциянын аталышы | Бажы алымдарынын ставкалары % менен |
1 | 7204 | Кара металлдардын калдыктары жана сыныктары | 15%, бирок 1 т үчүн 150 АКШ долларынан кем эмес |
2 | 740400 | Жездин (жана латундун) калдыктары жана сыныктары | 15%, бирок 1 т үчүн 300 АКШ долларынан кем эмес |
3 | 750300 | Никель калдыктары жана сыныктары | 15%, бирок 1 т үчүн 150 АКШ долларынан кем эмес |
4 | 760200 | Алюминий калдыктары жана сыныктары | 15%, бирок 1 т үчүн 150 АКШ долларынан кем эмес |
5 | 7802000000 | Коргошун калдыктары жана сыныктары | 15%, бирок 1 т үчүн 150 АКШ долларынан кем эмес |
6 | 7902000000 | Цинк калдыктары жана сыныктары | 15%, бирок 1 т үчүн 150 АКШ долларынан кем эмес |
7 | 800200000 0 | Калай калдыктары жана сыныктары | 15%, бирок 1 т үчүн 150 АКШ долларынан кем эмес |
8 | 8101970000 | Вольфрам калдыктары жана сыныктары | 15%, бирок 1 т үчүн 150 АКШ долларынан кем эмес |
9 | 8102970000 | Молибден калдыктары жана сыныктары | 15%, бирок 1 т үчүн 150 АКШ долларынан кем эмес |
10 | 8103300000 | Тантал калдыктары жана сыныктары | 15%, бирок 1 т үчүн 150 АКШ долларынан кем эмес |
11 | 8104200000 | Магний калдыктары жана сыныктары | 15%, бирок 1 т үчүн 150 АКШ долларынан кем эмес |
12 | 8105300000 | Кобальт калдыктары жана сыныктары | 15%, бирок 1 т үчүн 150 АКШ долларынан кем эмес |
13 | 8106001000 | Висмут калдыктары жана сыныктары | 15%, бирок 1 т үчүн 150 АКШ долларынан кем эмес |
14 | 8107300000 | Кадмий калдыктары жана сыныктары | 15%, бирок 1 т үчүн 150 АКШ долларынан кем эмес |
15 | 8108300000 | Титан калдыктары жана сыныктары | 15%, бирок 1 т үчүн 150 АКШ долларынан кем эмес |
16 | 8109300000 | Цирконий калдыктары жана сыныктары | 15%, бирок 1 т үчүн 150 АКШ долларынан кем эмес |