КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2021-жылдын 20-декабры № 320

Кыргыз Республикасынын Энергетика министрлигинин ведомстволук бөлүмдөрүнүн маселелери жөнүндө

(КР Министрлер Кабинетинин 2022-жылдын 27-сентябрындагы № 534, 2023-жылдын 23-августундагы № 425, 2023-жылдын 12-декабрындагы , 2023-жылдын 13-декабрындагы № 675, 2025-жылдын 26-мартындагы № 155 токтомдорунун редакцияларына ылайык)

Кыргыз Республикасынын Президентинин 2021-жылдын 12-октябрындагы № 425 «Кыргыз Республикасынын Министрлер Кабинетинин түзүмү жана курамы жана Кыргыз Республикасынын Президентинин Администрациясынын түзүмү жөнүндө» Жарлыгына, «Кыргыз Республикасынын Министрлер Кабинети жөнүндө» Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Төмөнкүлөр бекитилсин:

1) Кыргыз Республикасынын Энергетика министрлигине караштуу Отун‑энергетикалык комплексин жөнгө салуу боюнча департамент жөнүндө жобо 1-тиркемеге ылайык;

2) Кыргыз Республикасынын Энергетика министрлигине караштуу Энергетикалык көзөмөл боюнча кызмат жөнүндө жобо 2-тиркемеге ылайык;

3) Кыргыз Республикасынын Энергетика министрлигине караштуу Энергетикалык көзөмөл боюнча кызматтын башкаруу схемасы 3-тиркемеге ылайык;

4) Кыргыз Республикасынын Энергетика министрлигине караштуу Энергетика илимий-изилдөө институту жөнүндө жобо 4-тиркемеге ылайык;

5) Кыргыз Республикасынын Энергетика министрлигине караштуу «Энергодолбоор» Кыргыз мамлекеттик илимий-изилдөө жана долбоордук-издеп табуу институту жөнүндө жобо 5-тиркемеге ылайык;

6) Кыргыз Республикасынын Энергетика министрлигине караштуу «Кыргызжылуулукэнерго» мамлекеттик ишканасынын уставы 6-тиркемеге ылайык;

7) Кыргыз Республикасынын Энергетика министрлигине караштуу «Кыргызжылуулукэнерго» мамлекеттик ишканасынын башкаруу схемасы 7-тиркемеге ылайык;

8) Кыргыз Республикасынын Энергетика министрлигине караштуу «Кыргызкөмүр» мамлекеттик ишканасынын уставы 8-тиркемеге ылайык;

9) Кыргыз Республикасынын Энергетика министрлигине караштуу «Кыргызкөмүр» мамлекеттик ишканасынын башкаруу схемасы 9-тиркемеге ылайык.

(КР Министрлер Кабинетинин 2023-жылдын 12-декабрындагы № 662 токтомунун редакциясына ылайык)

2. Кыргыз Республикасынын Өкмөтүнүн 2020-жылдын 15-декабрындагы № 608 «Кыргыз Республикасынын Өнөр жай, энергетика жана жер казынасын пайдалануу мамлекеттик комитетинин алдындагы мамлекеттик ишканалардын маселелери жөнүндө» токтомуна төмөнкүдөй өзгөртүүлөр киргизилсин:

– 1-пунктунун 2-пунктчасы күчүн жоготту деп таанылсын;

– жогоруда аталган токтомдун 2-тиркемеси күчүн жоготту деп таанылсын.

3. (КР Министрлер Кабинетинин 2023-жылдын 13-декабрындагы № 675 токтомуна ылайык күчүн жоготту)

4. Төмөнкүлөр күчүн жоготту деп таанылсын:

1) Кыргыз Республикасынын Өкмөтүнүн 2016-жылдын 16-декабрындагы № 687 «Кыргыз Республикасынын Өнөр жай, энергетика жана жер казынасын пайдалануу мамлекеттик комитетинин ведомстволук уюмдарынын маселелери жөнүндө» токтому;

2) Кыргыз Республикасынын Өкмөтүнүн 2017-жылдын 16-майындагы № 287 «Кыргыз Республикасынын Өнөр жай, энергетика жана жер казынасын пайдалануу мамлекеттик комитетинин алдындагы «Кыргызтуракжайкоммунсоюз» мамлекеттик ишканасын өзгөртүп түзүү жөнүндө» токтому;

3) Кыргыз Республикасынын Өкмөтүнүн 2017-жылдын 18-октябрындагы № 678 «Кыргыз Республикасынын Өкмөтүнүн 2016-жылдын 16-декабрындагы № 687 «Кыргыз Республикасынын Өнөр жай, энергетика жана жер казынасын пайдалануу мамлекеттик комитетинин ведомстволук уюмдарынын маселелери жөнүндө» токтомуна өзгөртүү киргизүү тууралуу» токтому;

4) Кыргыз Республикасынын Өкмөтүнүн 2020-жылдын 29-июнундагы № 362 «Кыргыз Республикасынын Өнөр жай, энергетика жана жер казынасын пайдалануу мамлекеттик комитетинин алдындагы «Кыргызжылуулукэнерго» мамлекеттик ишканасынын уставын бекитүү жөнүндө» токтому.

5. Бул токтом Кыргыз Республикасынын Энергетика министрлигинин ведомстволук бɵлүмдɵрү үчүн республикалык бюджетте тиешелүү жылга жана келерки жылдарга каралган каражаттардын жана бекитилген штаттык сандын чегинде ишке ашырыла тургандыгы белгиленсин.

6. Кыргыз Республикасынын Энергетика министрлиги бул токтомдон келип чыгуучу зарыл болгон чараларды көрсүн.

7. Бул токтомдун аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

8. Бул токтом расмий жарыяланган күндөн тартып күчүнө кирет.

"Эркин Тоо" газетасынын 2021-жылдын 28-декабрындагы № 155(3336) жарыяланды

Кыргыз Республикасынын Энергетика министрлигине караштуу Энергетикалык көзөмөл боюнча кызматтын башкаруу СХЕМАСЫ

Кыргыз Республикасынын Энергетика министрлигине караштуу "Кыргызжылуулукэнерго" мамлекеттик ишканасынын БАШКАРУУ СХЕМАСЫ

(КР Министрлер Кабинетинин 2023-жылдын 23-августундагы № 425 токтомунун редакциясына ылайык)

Кыргыз Республикасынын Энергетика министрлигине караштуу "Кыргызкөмүр" мамлекеттик ишканасын башкаруу СХЕМАСЫ

(КР Министрлер Кабинетинин 2025-жылдын 26-мартындагы № 155  токтомунун редакциясына ылайык)